Mateu 26:25 - ꞌRe Ihâimana Uꞌâsi Mono Zadawa Wasuꞌu

²⁵ Tawamhã Zuda hã dama isõmri'wa da hã te Zezusi hã sina sadanha, ãne: — Rowahutu'wa, e wa hã za te dama i'aihâiba nhomri na, ma tô asina ĩwaihu. Tawamhã asa te Zezusi hã tãma tinha: — Tane tô. Asi'uihâ na ma tô ãne na hã asiwaihu.

Mateu 26:25 ပူးပေါင်းရင်းမြစ်များ

Provébiu 30:20

Damro aibâ na 're isimisaihuri mono zé hã ãne: Ta hã tihâimanazém na te te upai wa, si'upsõi pari, te za ãne tinha: “Tiha na hã te upai õ di!”

Mateu 23:7

Te duré te te sima 're wẽ za'ra, dama ipire norĩ hã damreme ipire na da te 're isawi za'ra mono ne, dahâimana prédup sina da te 're sawi za'ra mono da, da'ahâ na 'ri nhi'riti wa, da te dasima 're irowede za'ra mono zéb ãma hã. Te duré te te sima 're wẽ za'ra, da te 're sawi za'ra mono wamhã, rowahutu'wa na da te 're sisi za'ra mono sina, da te 're sawi za'ra mono da, dama 're idapire za'ra mono norĩ 'mahârâzém na. Ãne te ta norĩ hã uburé marĩ hã te te sima 're wẽ za'ra, dama ipire zarina, da te 're 'madâ'â wẽ za'ra mono da.

Mateu 23:8

Tane nherẽ, te a norĩ wa'wa hã simisutu asisãnawã 're anomro aba mo, asiré isazei'wai wa. Duré misire Asib'apito wa'wa hã. Tahawa, “rowahutu'wa” na dama aiwaptẽrẽ pire na da te 're asisi za'ra wa'aba mono da, 're asi'madâ'â ze za'ra wa'aba mono õ di za, a norĩ wa'wa hã.

Mateu 26:14

Tawamhã 12 na Zezusihi siré 're inomro mono norĩ hã misi ma tô 'maimo, Zuda Icarioti na isisi hã sasedoti ipire norĩ u, te te sadanharĩ za'ra da.

Mateu 26:49

Tawamhã wisi wi, ma tô itẽme mo õne haré, Zezusihi u, awa'awi. Ãne te sawi, timreme na: — Rowahutu'wa, rowẽ na 're aihâimana mono. Tawamhã tob'rata hârâ na ma tô sawi, Zezusi hã.

Mateu 26:64

Tawamhã Zezusi te asa tãma tinha, ãne: — Tahata ma te tô tane hã ãma iwaihu. Ãne wa za duré aima waihu'u za'ra wa'wa. Ti'a ãma Dasiré Ipodo hã te za asiwi 'madâ'â za'ra wa'wa za, iwaihu'u pese uptabi nhimire niwĩ 're isãmra mono na, dama pire na. Duré hâiwa'a na apâ we morĩ wamhã, te za ãne na i'madâ'â za'ra wa'wa.

Mateu 27:11

Tawamhã Zezusi hã Zudéa ãma da'madâ'â'wa nho're, te oto za, Pilatuhu nho're. Tawamhã Pilatu te sadanha, ãne: — E a hã, zudeu norĩ nhib'apito. Tawamhã Zezusi te asa tãma tinha, ãne: — Tahata ma tô tane hã tô ĩ'ãma iwaihu.

Luca 22:70

Tawamhã te duré siwi sadanha, ãne: — E tawamhã, 'Re ihâimana u'âsi mono 'ra na, ma tô 're asi'madâ'â mo. Tahawa, te duré asa tãma nharĩ za'ra, Zezusi hã, ãne: — A norĩ wa'wa hã te inharĩ za'ra wa'wa, tane na hã.

Zuwã 18:37

Tahawa, ma tô Pilatu hã asa duré sadanha, ãne: — E a hã danhib'apito. Zezusi te duré tãma tinha, ãne: — Tahata ma tô tane hã ĩ'ãma iwaihu. Taha da, wa tô ti'ai ãma podo. Taha da, wa tô we ti'ai u datẽme mo, roti tô sena uptabi hã te dama 're wasu'u mono da. Ni'wam norĩ hã roti tô sena uptabi hã te te sima 're wẽ za'ra mono wamhã, ta norĩ si te za te te 're ĩwapari ze za'ra.

Zuwã 4:31

Taha ré, te isiré 're inomro mono norĩ hã pi'õ morĩ za'u si, ĩsa tãma 'ru za'ra, a'â sa da.