Mateu 26:21 - ꞌRe Ihâimana Uꞌâsi Mono Zadawa Wasuꞌu

²¹ Tawamhã saihuri ré, ma tô Zezusi hã tãma waihu'u siromo za'ra, ãne: — Tô sena, wa aima waihu'u siromo za'ra wa'wa. Misire te za dama ĩ'maihâiba nhomri 'wa.

Mateu 26:21 ပူးပေါင်းရင်းမြစ်များ

Mateu 26:2

— Romhuture di oto, dato hã da te 're i'manharĩ za'ra mono zéb u hã, 'Re ihâimana u'âsi mono, Ezitu hawi te te idawaibuzém na ãma dasipo're pu'u za'ra da, Pascowa na dato nhisi na hã. Awẽ amo na te za iwa waptãrã, bâdâ hã. Ãne hã aima waihu'u pese za'ra wa'aba di. Tawapsi te za oto dasiwi ĩhâiba nhomri ni, Danho'reptui'wa da 'Re ihâimana u'âsi mono te te ĩpisudu hã, da te dasiwi ĩzasõmri da hâiwi, wedepo'o nhonhi'rãmi na.

Mateu 26:22

Ãne, te te sina mreme wapari za'ra wamhã, ma tô tiwi tirobzei'õ pese za'ra, isiré 're inomro mono norĩ wi hã. Ãhã wamhã, misi si ma tô nasi ãma siwi sadanha, ãne: — Wanhib'apito, e wa hã te dama aihâiba nhomri da bâ, te ãne wama inharĩ za'ra.

Zuwã 13:21

Tawamhã pẽ'ẽzé uptabi di, Zezusi hã. Tahawa, te duré tãma siwasu'u za'ra, ãne: — Tô sena, wa aima waihu'u siromo za'ra wa'wa. Misire te za dama ĩ'maihâiba nhomri 'wa.

Zuwã 13:22

Tawamhã aibâ te te sina iwaihu'uzém na, isiré 're inomro mono norĩ hã te te waihu'u za'ra õ wa, ma tô taré pese 'râwi si'madâ'â pese za'ra.

Hebreu 4:13

Marĩ hã 'Re ihâimana u'âsi mono wi isima'uri pese na hã 'maihâimana õ di, te te 're i'ab'madâ'â mono õ na hã. Ai'uréiwi te uburé marĩ hã tãma 're hâimana, sõ'awi. Taha ma si, wa za nimahã na hã wahâimanazém na tãma wasiwasu'u za'ra ni, wahâiba mono bâ. Tahawa, wahi'rata norĩ ne, 're wahâimana za'ra mono õ di za, wa norĩ hã.

Apocalipsi 2:23

Pi'õ nhirã zarina 're ihâimana za'ra mono norĩ hã wa za duré hâ za'ra, si'utõrĩ da, isimiroti zarina ta norĩ hã we 're hâimana za'ra mono wa. Tawamhã ãne te tãma rob'manharĩ za'ra wamhã, te za uburé ĩzazei'wa norĩ hã ãma ĩwaihu'u za'ra, pi'uriwi marĩ hã da te 're 'manharĩ za'ra mono newa, duré pi'uriwi danhimirosa'rada hã da te 're 'manharĩ za'ra mono newa, uburé marĩ hã te dawi 're i'awaihu'u mono na hã. Uburé danhimirosa'rada hã ĩma waihu'u pese di, duré marĩ zô 're idanhimnhasi za'ra mono zéb zama. Tawamhã ni'wam norĩ hã marĩ iwẽ hã te te 're i'manharĩ za'ra mono zé wa'rãmip si, wa za marĩ iwẽ na te tãma 're awa'âbâ. Duré ni'wam norĩ hã marĩ te te 're i'manharĩ wasété za'ra mono zéb zarina si, wa za te 're ahâ za'ra.