Mateu 26:19 - ꞌRe Ihâimana Uꞌâsi Mono Zadawa Wasuꞌu

¹⁹ Tawamhã isiré 're inomro mono norĩ hã ma tô ãma uwaimrami za'ra, te te tãma iwaihu'u za'ra zéb zarina. Tinhipi ma tô 'manharĩ za'ra, Pascowa na dato nhisizém na dasazé hã.

Mateu 26:19 ပူးပေါင်းရင်းမြစ်များ

Mateu 21:6

Tawamhã Zezusi te te tãma ipisutu zahuré zéb zarina, ma tô awaru po'repore norĩ zô hã ne.

Mateu 26:18

Tawamhã Zezusi te asa tãma nharĩ za'ra, ãne: — 'Ri ahâ u te za oto ai'aba'réi wa'wa, aibâ hã asiwi sõpẽtẽ aba da. Tawamhã ãne te za tãma ĩzadawa wasu'u za'ra wa'wa: “Wama rowahutu'wa hã wa za aima sadawa wasu'u za'ra ni, ãne: ‘Ĩnhibâdâ hã romhuture di oto, Ĩmama te te ipisutuzé hã, ĩ'ãma. Asõrõwa ãma wa za wasa hã huri ni, ĩsiré 're inomro mono norĩ me, Pascowa na dato nhisi na 're idasaihuri mono zém na hã.’ ” Ãne te za tãma ĩzadawa wasu'u za'ra wa'wa, aibâ ma.

Mateu 26:20

Tawamhã mara wamhã, ma tô oto asimro, siré saihuri da, 12 na ihâiba za'ra hã, Zezusihi me.

Zuwã 15:14

Ĩnhimiroti si 're 'madâ'â pese uptabi za'ra wa'aba mono wamhã, ĩzawi pese 'wa, te za 're anomro aba mo.

Zuwã 2:5

Tahawa, te ina hã romhuri'wa norĩ ma tinha, ãne: — Tiha te te aima waihu'u za'ra wa'aba wamhã, ma'ãpé imreme hã 'manharĩ za'ra wa'aba za.