Mateu 26:18 - ꞌRe Ihâimana Uꞌâsi Mono Zadawa Wasuꞌu

¹⁸ Tawamhã Zezusi te asa tãma nharĩ za'ra, ãne: — 'Ri ahâ u te za oto ai'aba'réi wa'wa, aibâ hã asiwi sõpẽtẽ aba da. Tawamhã ãne te za tãma ĩzadawa wasu'u za'ra wa'wa: “Wama rowahutu'wa hã wa za aima sadawa wasu'u za'ra ni, ãne: ‘Ĩnhibâdâ hã romhuture di oto, Ĩmama te te ipisutuzé hã, ĩ'ãma. Asõrõwa ãma wa za wasa hã huri ni, ĩsiré 're inomro mono norĩ me, Pascowa na dato nhisi na 're idasaihuri mono zém na hã.’ ” Ãne te za tãma ĩzadawa wasu'u za'ra wa'wa, aibâ ma.

Mateu 26:18 ပူးပေါင်းရင်းမြစ်များ

Mateu 21:3

Tawamhã ni'wa hã awaru po'repore, sahuré we ĩma isaprõni aba na te te asadanharĩ aba wamhã, ãne te za tãma ĩzadawa wasu'u wa'wa za, asa: “Wanhib'apito hã marĩ õ wa, ãma morĩ da, wa we sô wanem ni, wa te tãma saprõni zahuré da.” Ãne na hã tãma waihu'u aba wi, te za awa'awi ãma asazei wa'wa za, awaru po'repore norĩ hã sahuré we ĩma isaprõni aba da na hã.

Mateu 23:10

Wa hã misire Asib'apito za'ra wa'wa hã wa 're ĩhâimana, 'Re ihâimana u'âsi mono, ĩwétési te te ĩpisutu wa, Danho'reptui'wa da. Tahawa, 're asi'madâ'â ze za'ra wa'aba mono õ di za, danhib'apito na da te 're i'awaptẽrẽ za'ra wa'aba mono zéb da na hã.

Mateu 23:8

Tane nherẽ, te a norĩ wa'wa hã simisutu asisãnawã 're anomro aba mo, asiré isazei'wai wa. Duré misire Asib'apito wa'wa hã. Tahawa, “rowahutu'wa” na dama aiwaptẽrẽ pire na da te 're asisi za'ra wa'aba mono da, 're asi'madâ'â ze za'ra wa'aba mono õ di za, a norĩ wa'wa hã.

Mateu 26:19

Tawamhã isiré 're inomro mono norĩ hã ma tô ãma uwaimrami za'ra, te te tãma iwaihu'u za'ra zéb zarina. Tinhipi ma tô 'manharĩ za'ra, Pascowa na dato nhisizém na dasazé hã.

Mateu 26:2

— Romhuture di oto, dato hã da te 're i'manharĩ za'ra mono zéb u hã, 'Re ihâimana u'âsi mono, Ezitu hawi te te idawaibuzém na ãma dasipo're pu'u za'ra da, Pascowa na dato nhisi na hã. Awẽ amo na te za iwa waptãrã, bâdâ hã. Ãne hã aima waihu'u pese za'ra wa'aba di. Tawapsi te za oto dasiwi ĩhâiba nhomri ni, Danho'reptui'wa da 'Re ihâimana u'âsi mono te te ĩpisudu hã, da te dasiwi ĩzasõmri da hâiwi, wedepo'o nhonhi'rãmi na.

Mateu 26:49

Tawamhã wisi wi, ma tô itẽme mo õne haré, Zezusihi u, awa'awi. Ãne te sawi, timreme na: — Rowahutu'wa, rowẽ na 're aihâimana mono. Tawamhã tob'rata hârâ na ma tô sawi, Zezusi hã.

Marcu 5:35

Tawamhã pi'õi ma, te te rowasu'u ré, ma tô aihutu, Zairuhu nhorõwa hawimhã tãma iromhuri'wa norĩ hã. Ãne te tãma rowasu'u za'ra: — Ai'ra azaruture hã ma tô aiwi dârâ. Simiromhuri ré nherẽ, rowahutu'wai wi, ro'wa'ré õ'umnhasite, te za ãma irosazâ.

Luca 22:53

Bâtâ sidâpâsi, wa tô asõ'a wa'aba nasi aimasisi, 'Re ihâimana u'âsi mono nhorõwa 'ri ãma. E niha bâ tameb ré, asiwi ĩ'âri aba õ di bété. Ãhã na ma tô bâdâ hã iwa waptãrã, asiwi ĩ'âri aba zéb da hã, robra tede'wa hã pire na 're imorĩzéb da hã.

Zuwã 11:28

Tawamhã apâ te mo Marta hã, 'ri tẽme. Ti'awi pesere ma tô tinoi ma rowasu'u, ãne Mariaha ma: — Rowahutu'wa te we asô hâ, itẽme aimorĩ da.

Zuwã 12:23

Tawamhã imreme te te wapari wamhã, ãne te Zezusi hã tãma siwasu'u zahuré: — Romhuture di oto bâdâ hã, za Dasiré Ipoto ãma 're idawata za'ra mono zéb da hã.

Zuwã 13:1

Awẽ te za oto dato hã dasiwi 'manharĩ za'ra ni, Pascowa na dato nhisi hã. Zezusi hã ma tô sina waihu'u, romhuture wa oto apâ imorĩzé hã, Timama u. Õne u'âsi te Zezusi hã tinhib'a'uwẽ te te 're azawi pese, ti'ai ãma 're ihâimana za'ra mono norĩ hã, õ tihâimanazéb 'rãsutu u.

Zuwã 17:1

Tawamhã tãma siwasu'u za'ra pari, Timama ma mreme da, te hâimo rob'madâ, Zezusi hã. Ãne te Timama ma tinha: — Ĩmama, bâdâ ĩma ipisutuzé hã ma tô iwa waptãrã. Ma'ãpé, we ĩpawapto na, ĩ'ãma irotizé hã te dama ĩsina uwaimrami da, ai'ãma 're dawata u'âsi za'ra mono da.

Zuwã 20:16

Tawamhã Zezusi te tãma tinha, ãne: — Maria. Tawamhã tinhisi te te wapari wamhã, ma itẽme aipi'ra, Maria hã. Tawamhã hebreu norĩ mreme na te tãma tinha, ãne: — Raboni. (Ã hã damreme hã ãma isaprĩ na hã “Rowahutu'wa.”)

Zuwã 7:30

Tawamhã ma tô duré sima ãma roti za'ra, te te siwi âri da, dama ipire norĩ hã. Tane nherẽ, te te siwi âri õ di. E marĩ wa. Zahadu bâdâ hã 'Re ihâimana u'âsi mono te te ãma ipisutuzé hã, iwa waptã'ã õ wa.

Zuwã 7:6

Tahawa, te Zezusi hã asa tãma nharĩ za'ra, ãne: — Zahadu bâdâ hã iwa waptã'ã õ di, ãma ĩmorĩzéb da hã. Niwam na ãma ai'aba'réi wa'aba wamhã, aima rowẽ za'ra wa'aba di za.

Zuwã 7:8

A norĩ wa'aba si te za ai'aba'réi wa'wa, dasi'rã'õtõzéb u hã. Ãhã na ĩmorĩ õ di za. Zahadu bâdâ hã iwa waptã'ã õ di, ãma ĩmorĩzéb da hã.