Mateu 26:17 - ꞌRe Ihâimana Uꞌâsi Mono Zadawa Wasuꞌu

¹⁷ Tawamhã bâdâ ma tô iwa waptãrã, i'u'ẽtẽ duptoi'õ, da te 're ihuri mono zé hã, Pascowa na dato nhisi hã. Taha ré, ma tô Zezusihi siré 're inomro mono norĩ hã sina tété za'ra, te te siwi sadanharĩ da, ãne: — E momo ma tô asima irowẽ, asô iwanhipi za'ra zéb da hã, Pascowa na dato nhisi na iwasaihurizéb da hã.

Mateu 26:17 ပူးပေါင်းရင်းမြစ်များ

Ezodu 12:6

Tawamhã dia 14 bâdâ ipisutu pe ihâimanazéb u te za aimawi isõré wa'wa, simasab da. Duré tô taha bâtâ na te za hâiwahâ pesere, uburé Izaraéu nhihudu norĩ hã tinhimizama te te simro.

Mateu 26:16

Tawamhã ta hawim haré te oto Zuda hã sima ãma rosa'rata u'âsi, nimahã bâtâ na Zezusi te te oto dama ihâiba nhomrizéb da hã, danhimiza'rese ãna dahâimana za'ra ré.

Mateu 26:19

Tawamhã isiré 're inomro mono norĩ hã ma tô ãma uwaimrami za'ra, te te tãma iwaihu'u za'ra zéb zarina. Tinhipi ma tô 'manharĩ za'ra, Pascowa na dato nhisizém na dasazé hã.

Mateu 3:15

Tawamhã Zezusi ma te asa ãne ãma tãma wa'rã: — Wẽ nherẽ, tane hã tô aré. Tane nherẽ, te za tô a hã ĩma i'manha, 'Re ihâimana u'âsi mono te te wama ipisutuzéb zarina, wa te wasina uwaimrami da. Tahawa, Zuwã hã ma tô ãma saze. Duré te te ãma sazei wa, ma tô â dawabzuri hã Zezusihi ma 'manha.