Mateu 26:15 - ꞌRe Ihâimana Uꞌâsi Mono Zadawa Wasuꞌu

¹⁵ Tawamhã ãne te sadanharĩ za'ra: — Zezusi hã ma tô asima iwẽ za'ra wa'wa, asiwi âri aba da. E ãne hã aima wẽ za'ra wa'aba di za, te aima ihâiba nhomri za'ra wa'aba da hã. Aima wẽ za'ra wa'aba wamhã, e niha te za ĩma iwa'âbâ za'ra wa'wa. Tawamhã ãne na ãma sisaze za'ra wamhã, ma tô rob'uiprazé isapotore hã tãma sa'rata za'ra, 30 na ẽtẽ waipo prã prata 'manharĩ hã. Taha pari, ma tô tãma sõmri za'ra, Zudaha ma.

Mateu 26:15 ပူးပေါင်းရင်းမြစ်များ

Zenezi 38:16

Tawamhã tisani'aba na hã te te waihu'u õ wa, ma tô bâdâdi zada'ré u hã itẽme mo, te te sima sadawa pibu da. Tawamhã te ãne tãma tinha: — We! We aimorĩ! Wa ĩsima wẽ, airé ĩnomro da. Tawamhã ma te isani'wa hã ãma tãma wa'rã ãne: — E niha te za tawamhã ĩma iwa'â.

Mateu 26:16

Tawamhã ta hawim haré te oto Zuda hã sima ãma rosa'rata u'âsi, nimahã bâtâ na Zezusi te te oto dama ihâiba nhomrizéb da hã, danhimiza'rese ãna dahâimana za'ra ré.

1 Timotiu 3:3

Duré âzézei'wa, 're nomro mono õ di za. Duré da'ahâri zei 'wa, 're hâimana za'ra mono õ di za. Simizawi pese uptabi na, te za dama 're hâimana za'ra. Duré rob'uiprazéb zô si te te sima 're rob'ruiwapari za'ra mono õ di za.

2 Pedru 2:3

Tô senai'õ na rowasu'u'wa norĩ hã te za taré rob'uiprazéb zô, tinhimirosa'rata na si, marĩ na te te aima 're rowasu'u za'ra wa'wa. Tane nherẽ, ta norĩ hã iwasété na 'Re ihâimana u'âsi mono ma, waihu'u pese di. Tahawa, isimihâzé wi, 're sisõ'reptu waihu'u za'ra mono õ di za.

Zuize 16:5

Tawamhã imrotõ na 'ri nho'õmo 're, filisteu norĩ ma i'rãnho'u 're ihâimana za'ra mono norĩ hã ma tô pi'õ tẽmemhã ai'aba'ré, te te tãma nharĩ za'ra da. Ãne te tãma nharĩ za'ra: — Ma'ãpé niha hã ai'rã nhipese na Sãsãhã ma, marĩ hã 'manharĩ, nima hawim na tinhiptetezé te te aima wasu'u da, taha zarina wa te waihu'u za'ra wa, oto sô wanhisisi wa, wa te wasiwi paihi wasisi da, si'wawimhã simapa ãna. Ãne sena 'manharĩ wamhã, wahâiba mono bâ wa za ẽtẽ waipo prã prata 1.100 na isapotore na aima sõmri za'ra ni za.

Zuize 17:10

Tawamhã Mica te tãma tinha ãne: — Ãme ĩ'rata 're asãmra mono, ĩma roti'wa na duré sasedoti na ĩma 're aihâimana mono da. Tawamhã 10 na ẽtẽ waipo prã prata, da'uza hã duré dasa hã wahup sidâpâsi wa za te aima 're anhomri.