Tawamhã wa tô duré oto tãma wasu'u za'ra, 'Re ihâimana u'âsi mono iwẽ te te ĩma ipisutuzé hã, duré te te ĩpawaptobzé hã. Wa tô duré tãma wasu'u za'ra, apito te te ĩma ĩnharĩzé hã, marĩ mono na. Tahawa, ma te ãne ãma ĩzada'âbâ za'ra: — Tane wamhã, 'ri 'wawi wa'ra wahutuzém na wa te oto ãma sãna'rata za'ra wa'aba! Tawamhã ma tô oto sada rob'ubumro za'ra, romhuri na te te ãma isãna'rata za'ra zéb da hã.
Mateu 26:10 - ꞌRe Ihâimana Uꞌâsi Mono Zadawa Wasuꞌu10 Tawamhã Zezusi hã te te sima ãma inharĩ za'ra zé hã te te tiwi waihu'u za'ra wamhã, te ãne na ãma sadanharĩ za'ra: — E marĩ da, te pi'õi ma inharĩ za'ra wa'wa. Tãma nharĩ za'ra wa'aba tõ. Tô'ã. I'uwaibaba ma tô ãne na hã ãma ĩzawi wẽ. အခန်းကိုကြည့်ပါ။ |
Mateu 26:10
24 ပူးပေါင်းရင်းမြစ်များ
Aimawi rowasu'u hã Cristuhu wasu'uwẽ me, aiwa 're hâimana mono õ di. Mare uptabi di. E marĩ wa, wa tô ãne aima waihu'u za'ra wa'wa. Ni'wam norĩ hã ma tô sima te te 're wẽ za'ra, Cristuhu wasu'uwẽ upana te te ãma saprĩ za'ra da, aimawi rowasu'u u. Ta norĩ hã ma tô aimawi tinhimirowasu'u na aiwi ãma ro'wa'rutu za'ra wa'wa.
Wa hã Zezusihi ma romhuri'wa, wa 're ĩhâimana, isimiwada'urizéb zarina. Da te ĩma 're irob'manharĩ wasété za'ra mono zéb zarina, ĩhâiba hâ'ẽtẽ ré, 're ĩmorĩ wa, ĩpibui pese di, tãma iromhuri'wa 're ĩmorĩ na hã. Te te oto sahâri za'ra, aimawi tinhimiroti na te te ĩwi 're iro'wa'ré za'ra mono norĩ hã.
Tawapsi, te za Wanhib'apito zazei'wa hâimanazéb zarina 're anomro wẽ wa'aba mono zém na, tãma ãma asina 're i'uwaimrami za'ra wa'aba mo. Marĩ iwẽ si 're 'manharĩ za'ra wa'aba mono wamhã, Wanhib'apito hã te za toi uptabi na aihâimanazém na te te 're ai'uzei pese za'ra wa'wa. Tawamhã 're aihâimana wẽ za'ra wa'aba mono zém hawi, te za tô marĩ 're i'manharĩ wẽ za'ra wa'aba mono zém na asima 're isa'ẽtẽ za'ra wa'aba mo. Tawamhã 'Re ihâimana u'âsi mono hã iwaihu'u za'ra wa'aba zém na te za duré asima 're isa'ẽtẽ za'ra wa'aba mo, asi'uihâ na.
Tane ni'wam norĩ hã te aima iwaihu'u mono zéb zarina, tô senai'õ na rowasu'u'wa nhimiroti hã te te siwi 're wẽ'õ pese za'ra mono wamhã, Wanhib'apito ma, wẽ uptabi di za, romhuri hã za te te tãma 're i'apisutu mono da hã. Ãne wa, Wanhib'apito ma, sisõmri za'ra wa, te za tãma pisutu za'ra, iwẽ na te te tãma 're dapawaptob za'ra mono da.
Ta norĩ hã te 're siwasu'u za'ra, 'Re ihâimana u'âsi mono te te iwaihu'u za'ra na. Tane nherẽ, 're nomro wasété mono wa, tô senai õ di, 're isiwasu'u za'ra mono zé hã. Te te 're ida'ruiwapari za'ra mono zép si, te tãma 're hâimana za'ra. Te duré po're'õ u'âsi hã 're nomro. Marĩ iwẽ hã te te 're 'manharĩ waihu'u za'ra mono õ di, duré ta norĩ hã.
A norĩ wa'wa hã Wanhib'apito zazei'õ'wa norĩ wazari, te 're aihâimana za'ra wa'aba mo. Tahawa, te za aihâimana wẽ na si dama 're aihâimana za'ra wa'aba mo. Tawamhã aihâimana wasété na, taré da te aima 're nharĩ za'ra wa'aba mono nherẽ, te za da te 're aiwaihu'u za'ra wa'wa, dama 're aihâimana wẽ za'ra wa'aba mono zém na. Tawamhã Cristu hã apâ wei morĩ wapsi, te za 'Re ihâimana u'âsi mono ãma tawata za'ra ni, isimiroti zarina aihâimana wẽ na, dama 're aihâimana za'ra wa'aba mono wa.
ကြော်ငြာတွေ