Mateu 25:10 - ꞌRe Ihâimana Uꞌâsi Mono Zadawa Wasuꞌu

¹⁰ — Tawamhã pi'õ ipréduptém norĩ hã hâimana nhimiza'rese ãna 're ihâimana za'ra mono norĩ hã ma tô ai'aba'ré, rob'rãi wa'u tob zô, te te sima 'mai'uipra za'ra da. Tawamhã ta norĩ za'u si ma tô oto aibâ hã wi, timro zô. Wisi wamhã, pi'õ ipréduptém norĩ hã 5 na ihâiba hã hâimana nhimiza'rese 're ihâimana za'ra mono norĩ hã ma tô isiré asisi 'ri para u, isiré saihuri da, sina imro zahuré zém na. Sisisi wamhã, ma tô oto iré 'ridawa nhitop tete za'ra ni.

Mateu 25:10 ပူးပေါင်းရင်းမြစ်များ

Zenezi 7:16

Aibâ na, pi'õ na uiwada pese na ma to abaze norĩ hã ipoto mono bâ asisi, 'Re ihâimana u'âsi mono, Nowéhé ma, te te tãma iwaihu'uzéb zarina. Taha pari 'Re ihâimana u'âsi mono, ma tô oto uba're hã iré sito.

Salmu 95:11

Tahawa, ĩnhiti'ru na ĩhâimana wa, wa tô duré ãne ropisudu hã 'manha: ‘Ta norĩ hã niwamhã ti'a na ropisudu ihâimana u isisisi da hã mare di za, 're idawa'utu za'ra mono zéb da, ti'a za te isõmri u hã.’ ”

Mateu 24:42

Tahawa, te za asimiza'rese, sô 're asimipari u'âsi za'ra wa'aba mo, Asib'apito za'ra wa'wa hã apâ we imorĩzé hã bâdâ hã waihu'u za'ra wa'aba õ wa.

Mateu 24:43

Wa za duré aima ãma romnhimiré'é za'ra wa'wa, ãma rosa'rata za'ra wa'aba da. 'Ri tede'wa hã isõrõwa u isipsaihuri iwisizé hã, bâdâ te te waihu'u siromo wamhã, bara na te za sô rob'madâ'â u'âsi, sõtõ ãna, 'ri para u sébré tõ da, tiwi hã simisaihuri õ'umnhasite.

Mateu 24:44

Tane duré, a norĩ wa'wa hã te za asimiza'rese sô 're asõpré u'âsi aba mo. E marĩ wa. Dasiré Ipodo hã nimahã bâtâ na sô asimipari za'ra wa'aba õ zém na za we apâ morĩ na dâ'âsina.

Mateu 25:6

— Tawamhã mara wa'wa ma tô ni'wa hã oto 'mahâ, ãne: “Õhõta te we oto aibâ hã mo. We aiwairébé su'u aba, wa te wasina uzusi za'ra hâ.” Ãne te ni'wa aibâ hã dama rob'mahâ.

Mateu 7:21

— Ãté ni'wam norĩ hã te za dama 're siwasu'u za'ra, ãne: “Zezusi hã ta hã Ĩnhib'apito. Wa hã tãma romhuri'wa na, wa tô 're ĩhâimana u'âsi.” Ãne ni'wam norĩ hã dama 're siwasu'u za'ra mono nherẽ, uburé 're sisisi mono õ di za, 'Re ihâimana u'âsi mono, da'ãma 're isib'a'uwẽ mono zéb u hã. Ni'wam norĩ si te za 'Re ihâimana u'âsi mono nhib'a'uwẽ, 're hâimana za'ra, Ĩmama hã hâiwa ãma 're isãmra mono hã te te sima 're i'awẽ mono zéb zarina, marĩ iwẽ si te te 're i'manharĩ za'ra mono norĩ si hã.

Luca 12:35

Tawamhã Zezusi hã te duré tãma romnhimiré'é za'ra, ãne: — Romhuri'wa norĩ hã hâimana nhimiza'rese sina, te za tinhib'apito zô 're simipari za'ra. Tane, te za aihâimana nhimiza'rese sina, 're aihâimana za'ra wa'aba mo. Ãté dasina damrozéb u, te za isib'apito hã tiwi timorĩ za'ra, dame sa da. Tawamhã apâ wisi õ ré, te za si'uza za'ra, tãma iromhuri'wa norĩ hã, te te tãma romhuri za'ra da. Te za sô ro'o za'ra rob'uiwẽzé hã, rowa'a na sébré da, isib'apito za'ra hã. Tawamhã 'ri tẽme wisi wi, te za isib'apito za'ra hã 'ridawa ta'a, te te tãma 'ridawa za'ra da. Tahawa, te za awa'awi tãma 'ridawa za'ra.

Luca 13:25

Nimahã na te za 'ri tede'wa hã wahudu, te te siré 'rinhitop tete da. Tawamhã te za i'ridawa ta'a za'ra wa'wa, rowi 're ai'ubumroi wa'aba mono hã. 'Ri tede'wa hã te za i'mahârâ za'ra wa'wa, ãne: “Apito, ma'ãpé we wazô 'ridawa za'ra na, ãma atẽme wanhisisi da.” Ãne te za 're i'mahârâ za'ra wa'aba mo. Tazahã, te za asa aima nharĩ za'ra wa'wa, ãne: “Te aiwaihu'u za'ra wa'aba õ di. E ma hawimhã, a norĩ wa'wa hã.”

Colosu 1:12

Ãne wamhã, Wamama ãma te za duré ãma 're aiwata u'âsi za'ra wa'aba mo. Ta hã ma tô aima pisutu za'ra wa'wa, hâiwa ãma tinhib'a'uwẽ norĩ ma, iwẽ uptabi hã te te sô 're i'apisutu mono hã aima za'ra wa'aba zama aima 're hâimana mono da dasine, da'ãma 're isib'a'uwẽ mono zéb ãma hã rowa'a za'ẽne 're isa'wari u'âsi mono ãma hã.

1 Pedru 1:13

Zezu Cristu hã nimahã na te za wei mo apâ. Tahawa, te za aihâimana nhimiza'rese 're aihâimana za'ra wa'aba mo. Aihâiba na te za 'râwi 're asi'madâ'â za'ra wa'aba mo. Zezu Cristu hã apâ wei morĩ wapsi, te za aima 're irowẽ za'ra wa'aba mono zé hã aima pisutu za'ra wa'wa, hâiwa ãma. Taha zô si te za asina 're asimipari u'âsi za'ra wa'aba mo.

Apocalipsi 1:7

Ma'ãpé, asiwi waihu'u pese za'ra wa'aba. Zezusi hã te za wei mo, hâiwa'a na. Wei morĩ wamhã, uburé te za dasiwi 'madâ'â za'ra ni. I'a're wi, siwi iwa'ré'wa norĩ hã te za duré 'madâ'â za'ra, siwi iwĩrĩ'wa norĩ hã. Tawamhã da'upsãtã mono bâ te za sô aiwa'õ za'ra ni, daro mono bâ. Tô sena te za ãne hã tiromhâiba.

Apocalipsi 19:7

Bâdâ hã ma tô iwa waptãrã, Pone'ẽrebâ imrozéb da hã. Duré ãma imro da hã ma tô sima apese. Tahawa, ãma 're watoi u'âsi za'ra wa'aba mono. Duré 'Re ihâimana u'âsi mono hã wẽ uptabi wa, ãma 're wawata u'âsi za'ra wa'aba mono.

Apocalipsi 22:20

Tawamhã Zezusi hã te duré irẽme ma siwasu'u, ã te ãma i'arob'ui'éré mono na te te ĩma i'awaihu'u mono 'wa hã. Ãne te siwasu'u: — Tô sena, wa za wei morĩ su za apâ. Tane tô. Wanhib'apito Zezusi apâ we aimorĩ su'u za tô.