Mateu 24:6 - ꞌRe Ihâimana Uꞌâsi Mono Zadawa Wasuꞌu

⁶ 'Re dasi'wapé za'ra mono wa, da te dasina 're iropupu'u za'ra mono zé hã te za 're iwapari za'ra wa'aba mo, romhâ na 're idasi'wapé za'ra mono norĩ wasu'u zama. Ãne hã 're wapari za'ra wa'aba mono wamhã, tãma 're aipahi za'ra wa'aba mono õ di za, dasi'wapéi ma hã. Dasi'wapé te za tô dazada 're wairébé. Tane nherẽ, ta hã rob'rãsutu õ di. Mare di.

Mateu 24:6 ပူးပေါင်းရင်းမြစ်များ

Salmu 112:7

Romreme iwasété ma hã, tãma 're pahi mono õ di za. Pẽ'ẽ nhiptete na te za 're hâimana u'âsi, Uburé Danhib'apito si te te sina 're umnhasi mono wa.

Mateu 2:3

Tawamhã apito Erodi ãne te te wapari wamhã, hâtâ'â uptabi di. Duré uburé Zeruzalẽ ãma 're idasi'ubumroi mono norĩ zama isu hâtâ'â za'ra di.

Mateu 24:14

'Re ihâimana u'âsi mono, da'ãma 're isib'a'uwẽ mono zé wasu'u hã iwẽ uptabi hã, ĩzazei'wa norĩ hã te za daro mono bâ te te dama 're wasu'u za'ra, daro mono bâ da te oto 're wapari za'ra mono da, da te ãma 're isaze za'ra mono zéb da hã. Tame te za oto tirob'rãsutu.

Mateu 26:54

Ĩ'ãma dawi sisaprĩ za'ra wamhã, 'Re ihâimana u'âsi mono te te ĩ'ãma uwaimrami õ di aré, duréihã isadawa wasu'u'wa norĩ te te ĩ'ãma irob'ui'éré za'ra zéb zém na hã, za niha ĩ'ãma iromhâimanazém na. Tahawa, te tiwi waptẽrẽ õ di za, Ĩmama wi.

Luca 21:19

Tahawa, te za 're asiptete za'ra wa'aba mo, ĩ'ãma 're anomro u'âsi aba mono da. Tawapsi, te za asõ'reptuzé hã asina 're i'uwaimrami za'ra wa'aba mo.

Luca 21:9

'Re dasi'wapé za'ra mono wa, da te dasina 're iropupu'u za'ra mono zé hã 're wapari za'ra wa'aba mono wamhã, tãma 're aipahi za'ra wa'aba mono õ di za. Duré ti'ai ãma danhib'apito norĩ hã, da te 're isani za'ra mono zé wasu'u hã 're wapari za'ra wa'aba mono wamhã, tãma 're aipahi za'ra wa'aba mono õ di za. Dasi'wapé hã te za a'â 're wairébé. Danhib'apito hã te za a'â da te 're sani za'ra, tô. Tane nherẽ, rob'rãsutu uptabi õ di za a'â.

Luca 22:37

E marĩ wa, wa ãne aima 'ru za'ra wa'wa. Ĩwasété newa, te za rowasété 'manharĩ'wa norĩ zu ĩma rob'manharĩ za'ra ni. Ãne, duréihã ma tô romhâ ré ĩ'ãma rob'ui'éré siromo za'ra ibaihâ na, 'Re ihâimana u'âsi mono zadawa 'mahârâ'wa norĩ hã. Tahawa, te za ĩ'ãma rob'ui'éré zarina, tô ĩ'ãma uwaimrami za'ra ni.

Zuwã 14:1

Tawamhã Zezusi te duré tãma nharĩ za'ra, ãne: — Aihâtâ'â za'ra wa'aba õ di za. 'Re ihâimana u'âsi mono si, te za asina i'umnhasi za'ra wa'wa. Ĩzama te za duré asina ĩ'umnhasi za'ra wa'wa, Danho'reptui'wa na hã.

Zuwã 14:27

— Rowẽ na si 're anomro aba mono zéb si, wa za oto aima pisutu za'ra wa'wa, ĩ'ãma 're aipẽ'ẽzé za'ra wa'aba mono tõ da, duré asina 're aihâtâ'â za'ra wa'aba mono ãna, 're anomro aba mono da. Taré te aima pisutu za'ra wa'aba õ di. Ĩzazei'õ'wa norĩ nhimipisutuzém nei õ di, ĩnhimipisutuzé hã.

Apocalipsi 6:4

Tawamhã awa'awi awaru ipré uptabi hã ma tô watobro. I'mapraba'wa isisiwi te nhamra. Tawamhã sib'ézé 'wapa ma tô tãma sõmri ni, da'wapézéb da hã. Taha ma, ma tô duré tãma pisutu ni, dasi'wapé hã te te dazada wazere da, dasi'wapé na 're dasisimroi mono da.