Mateu 24:51 - ꞌRe Ihâimana Uꞌâsi Mono Zadawa Wasuꞌu

⁵¹ Tawamhã sa'ẽtẽ te za azâ, tãma iromhuri'wa hã. Tane ni'wam norĩ hã 'Re ihâimana u'âsi mono nhimiroti te te 're 'madâ'â pese za'ra mono õ wamhã, te za tãma pisutu za'ra, ropipa u 're sisisi mono da, dasiré, isimiroti hã te te 're 'madâ'â pese za'ra mono newa, taré ãma 're dawata za'ra mono da, 're ihâimana wasété za'ra mono norĩ zu. Tame te za oto 're 'ru'ru. Te za duré 're 'wasitete za'ra, te te 're robzépata za'ẽtẽ za'ra mono wa.

Mateu 24:51 ပူးပေါင်းရင်းမြစ်များ

Mateu 22:13

Tawamhã apito hã ma tô ãne tãma iromhuri'wa norĩ ma nharĩ za'ra: “Ma'ãpé, ã hã aibâ hã asiwi âri aba, asiwi pawasisi aba da, duré asiwi hiwasisi aba da, rob u asiwi mei wa'aba da, robra u. Tawamhã tame te za oto sina tiwawa, sina pẽ'ẽzé wa. Te za duré 'wasitete, te te oto robzépata za'ẽtẽ wa.” Ãne ma tô apito hã tãma waihu'u za'ra.

Mateu 24:50

Tawamhã simisa'rese ãna hâimana ré, te za isib'apito hã itẽme wi apâ, sô isimipari õ zém na siwa'ru, bâtâ na.

Mateu 25:30

Taha pari, te za asiwi imei wa'wa rob u, robra u. Tame te za oto 'râwi sina tiwawa. Te za duré 'wasitete, te te oto robzépata za'ẽtẽ wa.” Ãne isib'apito hã ma tô dama hâiba 'ru.

Mateu 8:12

Tane nherẽ, ni'wam norĩ hã 'Re ihâimana u'âsi mono, ãma 're sib'a'uwẽ za'ra mono da nherẽ, isiré 're si'ubumroi mono da nherẽ, te za sãmra sisiti, robra si 're isa'wari mono u. Tame te za sina 're 'ru'ru. Te za duré 're 'wasitete za'ra, te te 're robzépata za'ẽtẽ za'ra mono wa.

Luca 12:46

Tawamhã rosa'rese ãna hâimana ré, te za isib'apito hã itẽme wi apâ, sô isimipari õ zém na nimahã na siwa'ru bâtâ na. Tahawa, te za sa'ẽtẽ azâ, tãma iromhuri'wa hã. Sib'ézé 'wa pa na, te za te te wa'õtõ. Tahawa, te za dapo're'õ norĩ zu robzei'õ te te sina 're sõ'õtõ, tãma iromhuri'wa hã.

Luca 13:28

Tawamhã rowẽ uptabi ãma, 'Re ihâimana u'âsi mono 'rata 're isi'ubumroi mono hã te za i'madâ'â za'ra wa'wa, Abra'ã norĩ hã, duré Izaqui, duré Zaco, duré uburé isadawa wasu'u'wa norĩ hã. Tazahã, a norĩ wa'wa hã te za rowi 're ai'ubumroi u'âsi aba mo. Tahawa, te za asina 're ai'ru'ru aba mo. Te za duré 're ai'wasitete za'ra wa'aba mo, 're robzépata za'ẽtẽ za'ra wa'aba mono wa.