Mateu 24:27 - ꞌRe Ihâimana Uꞌâsi Mono Zadawa Wasuꞌu

²⁷ Tã 're si'ubuzi za'ra mono wamhã, dama hã rob'madâ'â pibu pese di, hâiwa mono bâ hã. Tane duré, ti'ai ãma Dasiré Ipodo hã apâ we morĩ wamhã, aihĩni te za 'madâ'â za'ra ni.

Mateu 24:27 ပူးပေါင်းရင်းမြစ်များ

Mateu 16:27

Ti'ai ãma Dasiré Ipodo, niwapsi te za wei mo apâ, Timama zadawa para, hâiwa ãma tãma iromhuri'wa norĩ siré. Tamep si uburé marĩ hã da te 're i'manharĩ za'ra mono zéb zarina, te za dama hã arowairébé, iwẽ norĩ ma, duré iwasété norĩ ma.

Mateu 16:28

Tô sena wa aima rowasu'u za'ra wa'wa. A norĩ wa'wa hã ni'wam norĩ si ai'matâ'â aba õ ré, te za i'madâ'â za'ra wa'wa ti'ai ãma Dasiré Ipodo hã, uburé Danhib'apito uptabi na apâ we morĩ wamhã.

Mateu 24:26

— Ãté ni'wam norĩ hã te za taré te te aima 're rowasu'u za'ra wa'wa, ãne: “Danho'reptui'wa da, 'Re ihâimana u'âsi mono te te ipisudu hã ma tô wei mo, apâ. Õhõta te nhamra, a'ubuni wi.” Ãne hã 're wapari za'ra wa'aba mono wamhã, a'ubuni u 're anomro aba mono õ di za, ĩzô 're asõpré wa'aba mono da. Ãté te za duré ãne da te aima 're rowasu'u za'ra wa'wa: “Ãhãta ma dawi aima'u.” Ãne wamhã, ãma 're dazaze za'ra wa'aba mono õ di za, senai'õ na hã, wa hã pi'uriwi nimahã na hã za we apâ ĩmorĩ õ na dâ'âsina.

Mateu 24:3

Tawamhã Zezusi hã te oto nhamra, Oriwera na ẽtẽ 'rãihâ nhisi ãma. Sahâ na sãmra wamhã, ma tô oto 'râwi itẽme ubumro Zezusihi u, isiré 're inomro mono norĩ hã, hâiba pisutu te te siwi sadanharĩ da, ãne: — E niwa te za ãne hã ãma tiromhâiba, 'ri nhamrazéb da hã. Ma'ãpé wama waihu'u za'ra na, marĩ iwatobrozé hã, isõwa wa te ãma waihu'u siromo za'ra da. Duré e marĩ te za watobro, apâ za we i'aimorĩzéb da hã, wa te ãma iwaihu'u siromo za'ra zéb da hã, duré rob'rãsutuzéb u hã bâdâ, iwa iwaptã'ãzéb u da hã.

Mateu 24:37

Danhimiza'rese ãna 're danomro mono ré, te za wei mo apâ Dasiré ti'ai ãma Ipodo hã, duréihã Nowé 're hâimana mono ré, danhimiza'rese ãna 're idahâimana za'ra mono wam ne ré.

Mateu 24:39

Tawamhã rosa'rese õ ré, ma tô daré âpusi. Tawamhã oto daré âpusi mono wamhã, ma tô uburé pese dasi'utõrĩ, â na hã. Tane duré, ti'ai ãma Dasiré Ipodo hã danhimiza'rese ãna 're danomro mono ré, te za wei mo, apâ.

Mateu 24:44

Tane duré, a norĩ wa'wa hã te za asimiza'rese sô 're asõpré u'âsi aba mo. E marĩ wa. Dasiré Ipodo hã nimahã bâtâ na sô asimipari za'ra wa'aba õ zém na za we apâ morĩ na dâ'âsina.

Mateu 8:20

Tawamhã Zezusi te asa tãma tinha ãne: — Wapsã wawẽre ma, te ab're na isõrõwa hã tãma 're hâimana zara. Duré si norĩ te tizasi hã te te sima 're 'manharĩ za'ra, isõrõwa na tãma 're hâimana za'ra mono da. Tazahã, ti'ai ãma Dasiré Ipodo hã sõrõwa õ di, ãma 're iwa'utu mono zéb da hã. Hâiwi si te datẽmemhã 're morĩ u'â.

Tiagu 5:8

Tane a norĩ wa'wa hã te za duré asimi'ẽ na Wanhib'apito zô 're asimipari za'ra wa'aba mo. Za we apâ morĩ su'u na dâ'âsina, te za robze na sô 're asimipari u'âsi za'ra wa'aba mo.