Mateu 23:7 - ꞌRe Ihâimana Uꞌâsi Mono Zadawa Wasuꞌu

⁷ Te duré te te sima 're wẽ za'ra, dama ipire norĩ hã damreme ipire na da te 're isawi za'ra mono ne, dahâimana prédup sina da te 're sawi za'ra mono da, da'ahâ na 'ri nhi'riti wa, da te dasima 're irowede za'ra mono zéb ãma hã. Te duré te te sima 're wẽ za'ra, da te 're sawi za'ra mono wamhã, rowahutu'wa na da te 're sisi za'ra mono sina, da te 're sawi za'ra mono da, dama 're idapire za'ra mono norĩ 'mahârâzém na. Ãne te ta norĩ hã uburé marĩ hã te te sima 're wẽ za'ra, dama ipire zarina, da te 're 'madâ'â wẽ za'ra mono da.

Mateu 23:7 ပူးပေါင်းရင်းမြစ်များ

Mateu 11:16

— E 'wai ãma, wa za oto romnhimiré'é, ãhã na 're idahâimana za'ra mono norĩ ãma hã. Ai'uté norĩ ãma, wa za simiré'é. 'Ri nhi'riti wa, rowedezéb ãma si'ubumroi ré, te za ãne si'mahârâ za'ra, ai'uté norĩ hã: “Wa norĩ hã wa tô aima rowamreme za'ra wa'aba ni aré, dasina damro wa, rowamremezém na. Tane nherẽ, ãma ato za'ra wa'aba õ di. Duré da te dasina 're ti'a za'ra mono wa, rowamremezém na wa tô aré duré aima rowamreme za'ra wa'aba ni. Tane nherẽ, duré wame ai'ru'ru wa'aba õ di.” Ãne te za si'mahârâ za'ra. Ãne wa tô ai'uté norĩ ãma simiré'é, ãhã na 're idahâimana za'ra mono norĩ na hã.

Mateu 23:8

Tane nherẽ, te a norĩ wa'wa hã simisutu asisãnawã 're anomro aba mo, asiré isazei'wai wa. Duré misire Asib'apito wa'wa hã. Tahawa, “rowahutu'wa” na dama aiwaptẽrẽ pire na da te 're asisi za'ra wa'aba mono da, 're asi'madâ'â ze za'ra wa'aba mono õ di za, a norĩ wa'wa hã.

Mateu 26:25

Tawamhã Zuda hã dama isõmri'wa da hã te Zezusi hã sina sadanha, ãne: — Rowahutu'wa, e wa hã za te dama i'aihâiba nhomri na, ma tô asina ĩwaihu. Tawamhã asa te Zezusi hã tãma tinha: — Tane tô. Asi'uihâ na ma tô ãne na hã asiwaihu.

Mateu 26:49

Tawamhã wisi wi, ma tô itẽme mo õne haré, Zezusihi u, awa'awi. Ãne te sawi, timreme na: — Rowahutu'wa, rowẽ na 're aihâimana mono. Tawamhã tob'rata hârâ na ma tô sawi, Zezusi hã.

Marcu 10:51

Itẽme wisi wamhã, Zezusi te ãne sadanha: — E marĩ te asima iwẽ, te ãma aima i'uwaimrami da hã. — Rowahutu'wa, ĩto pese da, wa ĩsima wẽ, apâ te 're rob'madâ'â mono da. — Ãne te asa tãma si'ru.

Marcu 11:21

Tawamhã Pedru hã ma tô ãma po're puru, Zezusi hã wede ma, te te inharĩzém na hã. Tawamhã ãne te Zezusihi ma tinha: — Rowahutu'wa, 'madâ'â. Õhõta figuera wede. Ahâmhâ tãma inharĩ hã ma tô tiwede'ré.

Marcu 12:38

Tawamhã Zezusi hã ma duré dama waihu'u, ãne: — Ma'ãpé rowahutu'wa norĩ hâimanazé hã waihu'u za'ra wa'aba. Ta norĩ hã uza pa ré, 're inomro mono da si, tãma iwẽ za'ra hã. Duré dama pire na 're hâimana za'ra mono wa, 'ri nhi'riti wa, da te dasina 're i'ubumroi mono zéb ãma, da te 're iwazéb za'ra mono da si, ma tô te te sima 're wẽ za'ra. Duré dama ipire norĩ simasisizém na 're si'ubumroi mono da si, tãma iwẽ za'ra hã, rowahutuzéb ãma duré 'ri para dasiré 're idasaihuri mono zéb ãma hã.

Marcu 14:45

Tawamhã Zuda hã Zezusihi u oto wisi wamhã, ãne te 'mahâ: — Rowahutu'wa. Tawamhã tob'rata hârâ na, ma tô sawi, Zezusi hã.

Marcu 9:5

Tawamhã Pedru te Zezusihi ma tinha, ãne: — Rowahutu'wa, e niha irowẽ, ãme iwahâimana za'ra zém na hã. Si'ubdatõ, wa za aima 'ri za'ra wa'aba ni aihâiba bâ wa'aba, ate da hã, duré Mozésihi te da hã, duré Eliasihi te da hã.

Luca 11:43

— Farizeu norĩ, ai'ãma ĩpẽ'ẽzé za'ra wa'aba di. Aima 're ropipa uptabi za'ra wa'aba mono di za. Dama ipire norĩ simasisizém na, 're asimro zei wa'aba mono di, rowahutuzéb ãma. Duré 'ri nhi'riti wa, da te dasina 're i'ubumroi mono zéb ãma asisi pire na, da te 're asawi za'ra wa'aba mono wamhã, asina 're dawapari ze za'ra wa'aba mono di. Tahawa, niwapsi aima 're robze za'ra wa'aba mono õ di za.

Zuwã 1:38

Tawamhã Zezusi hã ma tô sô aipi'ra zahuré. Taha wamhã, isarina inem na te te 'madâ'â zahuré wa, te tãma nharĩ zahuré, ãne: — E marĩ zô, te we ane wa'wa. Tawamhã asa te tãma nharĩ zahuré, ãne: — Rowahutu'wa, asãmrazé hã wa te waihu'u da, wa wei wanem ni.

Zuwã 1:49

Tawamhã Natãnaéu asa te duré tãma tinha, ãne: — Rowahutu'wa, a hã 'Re ihâimana u'âsi mono 'ra. A hã uburé Izaraéu nhihudu norĩ nhib'apito.

Zuwã 11:8

Tahawa, ma tô asa tãma nharĩ za'ra, ãne: — Rowahutu'wa, e niha te za apâ aimo. Nimosi dama ipire norĩ hã te aré siwi aiwĩ, ẽtẽ na.

Zuwã 20:16

Tawamhã Zezusi te tãma tinha, ãne: — Maria. Tawamhã tinhisi te te wapari wamhã, ma itẽme aipi'ra, Maria hã. Tawamhã hebreu norĩ mreme na te tãma tinha, ãne: — Raboni. (Ã hã damreme hã ãma isaprĩ na hã “Rowahutu'wa.”)

Zuwã 3:2

Ta hã ma tô Zezusihi u wi, bara na. Itẽme wisi wamhã, te ãne tãma tinha: — Rowahutu'wa, wa tô wasiwi aiwaihu'u ni, 'Re ihâimana u'âsi mono we watẽme te te i'asatõrĩ na, wama 're rowasu'u mono da. Ni'wa ãne hã te te 'manharĩ waihu'u õ di marĩ isa'rese'õ hã, 'Re ihâimana u'âsi mono, isiré hâimana õ nherẽ. Taha zadawa para, ma tô marĩ hã dama i'manharĩ waihu'u'õ hã dama 're i'ab'manharĩ wẽ u'âsi mo, da te ãma aiwaihu'u za'ra da, we te te i'asatõrĩ na.

Zuwã 3:26

Tahawa, ma Zuwã Batistaha tẽme aimasa, isiré 're inomro mono norĩ hã. Ãne te tãma wasu'u za'ra: — Rowahutu'wa, Zodã zara niwĩ aihâimana ré, ma tô Zezusi hã we atẽme wi. Wisi wi, ma tô dama iwasu'u, 'Re ihâimana u'âsi mono te te ipisutu na Danho'reptui'wa da. E niha te bété õ hã te te duré dama 're ab'manharĩ, â dawabzuri hã. Zezusihi u si te oto aihĩni 're danomro.

Zuwã 4:31

Taha ré, te isiré 're inomro mono norĩ hã pi'õ morĩ za'u si, ĩsa tãma 'ru za'ra, a'â sa da.

Zuwã 6:25

Tawamhã Zezusi hã ma tô sãmri za'ra ni, Cafanau ãma isõ'u zara niwĩ. Da te dasiwi sãmri wamhã, ãne te sadanharĩ za'ra ni: — Rowahutu'wa, e niwa ma tô we aiwi, ãwamhã.

Zuwã 9:2

Tawamhã isiré 're inomro mono norĩ hã ma tô ãne siwi sadanha: — E marĩ wa, ma tob'a na waptãrã. E tiwasédé te te 'manharĩ wa, ma tob'a na waptãrã. E imama norĩ hã timro me tiwasédé te te 'manharĩ zahuré wa, ma i'ra hã tob'a na tãma tipoto zahuré.