Mateu 22:5 - ꞌRe Ihâimana Uꞌâsi Mono Zadawa Wasuꞌu

⁵ — Tane nherẽ, sô ihârâ 'rata za'ra norĩ hã sô simipari za'ra õ di, itẽme si'aba'ré da, isiré saihuri da hã. Tahawa, sô simipari za'ra ãna ma tô ni'wam norĩ hã tiburu u ai'aba'ré, duré tinhimiromhurizéb u hã.

Mateu 22:5 ပူးပေါင်းရင်းမြစ်များ

Zenezi 19:14

Tawamhã ãne te te tãma waihu'u zahuré wa, ma tô Lo, ti'ra sipi'õi mro norĩ da hã, te te po're pu'u za'ra da hã mo. Tahawa, ma tô ãne tãma nharĩ za'ra: — Awa'awi ã hawimhã aiwairébé aba. Uburé Danhib'apito, ã hã 'ri nho'u hã te za uprosi! Tane nherẽ, te ãma rosa'rata za'ra, sima to na te te tãma nharĩ za'ra newa.

Zenezi 25:34

Tawamhã Zaco i'u'ẽtẽ wapu, duré dasai wai'o pré hã ma tô tãma tisõ. Tawamhã te te 'rẽne parimhã, duré te te simizâri parimhã, ma tô oto wahudu, morĩ da. Ãne ma tô Ezau dama ipoto'rata ma, 're ihâimana mono zé hã siwi wẽ'õ.

Provébiu 1:7

Rowaihu iwẽ hã da te 're waihu'u za'ra mono da wamhã, te za 'Re ihâimana u'âsi mono, Uburé Danhib'apito hã da te dasiwi 're wazéb za'ra. Tane nherẽ, isimiza'rese'õ norĩ hã te rowaihu'uzé iwẽ hã te te siwi 're wẽ'õ pese za'ra, taré newa. Te te 're iwaihu'u za'ra mono da hã te te sima 're wẽ za'ra mono õ di.

Mateu 13:22

Duré ni'wam norĩ hã amnho wab'ru wazari irere'e mono ne, te aiwa 're hâimana za'ra. Wab'ru hã ro'wanhipré siré i'wanhipré mono, te te oto ubu mono wa, i'rã za'ra õ ne, 'Re ihâimana u'âsi mono zadawa wasu'u hã tipo're na te te 're wapari za'ra mono nherẽ, iwẽ hã te te 're i'manharĩ za'ra mono da, mare di za, ta norĩ hã. Tihâimanazém na si te za sina 're hâtâ'â u'âsi za'ra. Duré danhibro pe hã wẽ uptabi newa te za taha zô si sima te te 're rob'ruiwapari u'âsi za'ra. Tahawa, amnho 'wanhipré hã i'rã za'ra õ ne, 're nomro wẽ mono õ di za, ta norĩ hã.

Mateu 22:4

Tahawa, te duré apito, tãma iromhuri'wa norĩ hâiba amo hã satõrĩ za'ra, ãne: “Mo oto ai'aba'réi wa'aba, aré sô ĩhârâ 'rata za'ra norĩ zô. Tawamhã ãne te za tãma ĩzadawa wasu'u za'ra wa'wa: ‘Powawẽ norĩ hã, duré powawẽ zapu da te dasima ihâipese za'ra hã ma dasiwi simro ni. Uburé ma tô marĩ hã dasiwi 'rã'õtõ ni, dasa da te ihurizéb da hã. Tahawa, te za we ĩtẽme ai'aba'réi wa'wa oto, wasiré wasa hã wa te huri da, ĩ'ra ĩma imrozém na.’ Ãne te za ta norĩ ma ĩzadawa wasu'u za'ra wa'wa.” — Tawamhã apito hã te te sô satõrĩ za'ra wa, te oto sô ai'aba'ré.

Mateu 22:6

Ni'wam norĩ hã ma tô apito ma romhuri'wa norĩ hã siwi waibu. Duré te te siwi waibui parimhã, ma tô niha tãma rob'manharĩ wasété za'ra. Taha pari, ma tô duré uburé siwi uprosi.

Zuwã 2:16

Te duré tinha, utu'u wede'wa norĩ ma, ãne: — Mo oto rob u sani za'ra wa'aba. Sahâri za'ra wa'aba, Ĩmama ãma 're idawata za'ra mono zém nherẽ, asima ãma 're irowede za'ra wa'aba mono zé hã, Ĩmama nhorõwa 're. Ãme dama 're rowede za'ra wa'aba mono õ di za oto.

Zezusihi zadawa wasuꞌuꞌwa norĩ nhimiromhuri na robꞌuiꞌéré 2:13

Tawamhã ni'wam norĩ si ma tô Pedru norĩ ãma tiwa'ẽ za'ra. Tahawa, te ãne sima rowasu'u za'ra: — Oro õ norĩ hã wamreme mono bâ, te te waihu'u za'ra za, ma uwa 'rãi wa'u isé na si'uihâ idi'iti za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 24:25

Iwẽ na si 're idanomro mono zém na ma tô tãma rowasu'u, marĩ hã iwasédé hã da te dasiwi iwẽ'õzém na zama. 'Re danomro wasété mono wa, rob'rãsutu u 'Re ihâimana u'âsi mono, za niha te te dama irob'manharĩ pipa zém na ma tô duré tãma rowasu'u. Ãne hã te te tãma awasu'u wa, ma tô apito Peresi hã tipahi. Tahawa, te tãma tinha, ãne Pauluhu ma: — Ãhã na te za aimo a'â. Niwa te ĩsima wẽ wapsi, wa za duré ãma asô hâ apâ, te aiwapari da.

Roma 2:4

Ãté te za ãne asima 're inharĩ za'ra wa'aba mo: “'Re ihâimana u'âsi mono hã simizawi pese uptabi di. Dasi'uihâ na dawasédé hã da te 're 'manharĩ u'âsi za'ra mono nherẽ, da'ãma 're wa'a su'u mono õ di. Tahawa, ĩwasédé te 're 'manharĩ mono nherẽ, te te 're ĩ'ahâri su'u mono õ di.” Ãne hã asi'uihâ na asi'ãma 're rosa'rata za'ra wa'aba mono õ di za. 'Re ihâimana u'âsi mono hã aiwasété wi 're aipizari za'ra wa'aba mono da si, te simi'ẽ na te te 're ai'madâ'â za'ra wa'wa, simizawi pese uptabi na. E ãne hã zahadu aima waihu'u za'ra wa'aba õ di bété.

Roma 8:6

Ni'wam norĩ hã tihâimana wasété ma si, tihâiba te te 're sõmri u'âsi za'ra mono wamhã, ta norĩ hã te za ipẽ'ẽ 're, dâ'â u'âsi 're hâimana za'ra, 'Re ihâimana u'âsi mono nhiti. Tane nherẽ, ni'wam norĩ hã 'Re ihâimana u'âsi mono pẽ'ẽzani te te tãma 're iwẽ za'ra mono zéb zarina si, 're hâimana wẽ za'ra mono wamhã, ta norĩ si te za 'Re ihâimana u'âsi mono 'rata 're hâimana u'âsi za'ra, robzei u'âsi na.

2 Timotiu 3:4

Duré dasiré nherẽ, te za 'râwi dasisada 're dahâimana za'ra. Duré dapẽ'ẽ 're, rosa'rata waptu na, marĩ iwasédé hã te za da te 're 'manharĩ za'ra. Duré danhipai u dawaihu'u pese newa, te za 'râwi dapẽ'ẽ na dasina 're dawata za'ra. Duré 'Re ihâimana u'âsi mono zawi'wa, 're danomro mono õ di za. Taha upana, te za ti'ai ãma marĩ da te dasima 're iwẽ za'ra mono zô si dasima 're darĩtĩ za'ra.

Hebreu 2:3

Ãne wa, te te 're iwa'anho'reptui mono zéb zô, iwẽ uptabi zô, wa te sô 're rob'ruiwapari za'ra mono õ nherẽ, e isimihâzé wi, wa za wasi'uihâ na tiwi 're wasisõ'reptu za'ra. Mare di. 'Re ihâimana u'âsi mono te te 're iwa'anho'reptui mono zé wasu'u na ma tô Wanhib'apito hã dama rowasu'u 'rata, si'uihâ na. Imreme wapari'wa norĩ hã ma tô duré ãne na wama ãma rowasu'u za'ra, tô sena danho'reptuzém na wa te ãma 're isaze za'ra mono zéb da hã.

2 Pedru 2:3

Tô senai'õ na rowasu'u'wa norĩ hã te za taré rob'uiprazéb zô, tinhimirosa'rata na si, marĩ na te te aima 're rowasu'u za'ra wa'wa. Tane nherẽ, ta norĩ hã iwasété na 'Re ihâimana u'âsi mono ma, waihu'u pese di. Tahawa, isimihâzé wi, 're sisõ'reptu waihu'u za'ra mono õ di za.