Mateu 22:46 - ꞌRe Ihâimana Uꞌâsi Mono Zadawa Wasuꞌu

⁴⁶ Tawamhã ni'wa ãne na hã te te ãma sada'âbâ waihu'u õ di, Zezusihi zada, 're isiwamnhasi za'ra mono norĩ hã. Tahawa, Zezusi hã timreme na te te tãma ãma upa za'ra zô, te te siwi sadanharĩ waihu'u õ di oto, te te sina hã mreme wazéb za'ra wa.

Mateu 22:46 ပူးပေါင်းရင်းမြစ်များ

Mateu 21:27

Tawamhã Zezusihi ma, te oto asa nharĩ za'ra, ãne: — Wa norĩ hã wa te waihu'u za'ra õ di, ni'wa sadawa para, Zuwã Batista hã â dawabzuri te te dama 're i'ab'manharĩ mono zé hã. Tawamhã Zezusi hã asa ma tizadawa na tãma ãma wa'rãmi za'ra, ãne: — Tane tô. A norĩ wa'wa hã ĩma waihu'u za'ra wa'aba õ nherẽ, wa hã te duré aima waihu'u za'ra wa'aba õ di za, ni'wa sadawa para marĩ hã te dama 're i'ab'manharĩ mono na hã.

Mateu 22:45

Dawi hã tinhib'apito na te te sisi nherẽ, e niha te za isihudu si 're hâimana, Danho'reptui'wa da, 'Re ihâimana u'âsi mono te te ipisudu hã. Ma'ãpé ãma rosa'rata pese za'ra wa'aba, waihu'u za'ra wa'aba da.

Marcu 12:34

Tawamhã rowahutu'wa hã te te tãma ãma uwaimrami wẽ wa, ma duré Zezusi hã tãma waihu'u: — Tane tô. A hã, 'Re ihâimana u'âsi mono, da'ãma 're isib'a'uwẽ mono zém nhiti, romhâ na aihâimana õ di, ãhã na hã. Taha parimhã, ni'wa hã te te sadanharĩ na sahu õ di oto, Zezusi hã tinhimiroti na te te ãma upai õ wa.

Luca 13:17

Tawamhã Zezusihi mreme hã te te wapari za'ra wamhã, ma tô iwẽ'õ'wa norĩ hã aséb za'ra, Zezusihi mreme ma. Iwẽ'wa norĩ ma, rowẽ za'ra di. Marĩ hã te te dama 're ab'manharĩ wẽ mono wa, te 're to za'ra, tipẽ'ẽ na.

Luca 14:4

Tane nherẽ, asa te te ãma sada'âbâ za'ra õ di. Tawamhã Zezusi hã ma tô aibâ hã pa'â. Ma tô pese. Taha pari, ma tô tãma rob'ru, morĩ da oto, 'ri tẽme.

Luca 14:6

Tazahã taha wamhã asa te te ãma sada'âbâ waihu'u za'ra õ di.

Luca 20:40

Tahawa, ma tô roti wẽ na sõwada za'ra, saduseu norĩ hã. Tahawa, marĩ na te te siwi sadanharĩ waihu'u õ di oto, te te sina mreme wazéb za'ra wa, ta norĩ hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 4:14

Aibâ ihi'ré hã, Pedru norĩ te te ipese zahuré hã te isiré tizab zahuré, danho're. Tahawa, dama ipire za'ra norĩ hã asa te te tãma nharĩ waihu'u za'ra õ di oto.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:32

“Wa hã 'Re ihâimana u'âsi mono, aihi'rata norĩ nhib'apito, Abra'ãhã nhib'apito, duré Izaquihi nhib'apito, duré Zacoho nhib'apito.” Tawamhã Mozési hã imreme te te wapari wamhã, te tãma rẽrẽ, pipa te. Tãma pahi wa, te te 'madâ'â waihu'u õ di.