Mateu 22:37 - ꞌRe Ihâimana Uꞌâsi Mono Zadawa Wasuꞌu

³⁷ Tawamhã Zezusi hã asa te tãma tinha, ãne: — 'Re ihâimana u'âsi mono nhimiroti, danhipai u ipire uptabi hã, ãne: “'Re ihâimana u'âsi mono hã, Asib'apito za'ra wa'wa hã 're morĩ wa, te za asiwi 're isawi pese za'ra wa'aba mo, sena na. Taha zarina, te za isimiroti na ãma 're irosa'rata u'âsi za'ra wa'aba mo. Taha zarina, te za duré asimi'ẽ na tãma 're iromhuri u'âsi za'ra wa'aba mo.”

Mateu 22:37 ပူးပေါင်းရင်းမြစ်များ

Mateu 22:36

— Rowahutu'wa, e ma hã bété, danhipai u ipire uptabi hã, 'Re ihâimana u'âsi mono nhimiroti na Mozési te te ãma irob'ui'éré hã, ibaihâ na hã.

Mateu 22:38

Ãne 'Re ihâimana u'âsi mono nhimiroti, danhipai u ipire uptabi wasu'u hã.

Marcu 12:33

Tahawa, wa za tô wa te 're sawi pese za'ra, 'Re ihâimana u'âsi mono hã. Taha zarina, wa za isimiroti na wa te ãma 're rosa'rata u'âsi za'ra. Wa za duré wanhimi'ẽ na wa te tãma 're romhuri u'âsi za'ra. Wa za duré wa te 're dazawi pese za'ra. Marĩ iwẽ zô wasima 're iwanhopré mono ne, wa za uburé dama zama sô 're wanhopré, iwẽ zô. Wa norĩ hã wa za wanhimizama hã duré wanhimarĩ hã wa te tãma 're sõmri za'ra, 'Re ihâimana u'âsi mono ma, da te tãma 're zata za'ra mono da, izatazém na. Ãne wamhã, tãma wẽ di, 'Re ihâimana u'âsi mono ma. Tane nherẽ, maparane isimiroti hã ipire uptabi hã wa te 're 'madâ'â pese za'ra mono wamhã, tãma wẽ uptabi di za.

Luca 10:27

Tahawa, ma tô aibâ hã ãma sada'â asa, ãne: — 'Re ihâimana u'âsi mono Asib'apito 're morĩ wa, te za 're isawi pese mo, uburé aipẽ'ẽ na, duré uburé asiptete na, duré uburé asimirosa'rata na. Te za duré 're idazawi pese mo, uburé. Marĩ iwẽ zô asima 're irob'madâ'â mono ne, te za duré uburé dama zama sô 're irob'madâ'â mo, iwẽ zô. Ãne isimiroti na rob'ui'éré hã.

Roma 8:7

Ni'wam norĩ hã siwa'ru 'râwi te te sima 're iwẽ za'ra mono zéb zarina si, te te 're rosa'rata wasété u'âsi za'ra mono wamhã, ta norĩ hã te za 'Re ihâimana u'âsi mono nhitob'ru 're hâimana za'ra. Ta norĩ hã 'Re ihâimana u'âsi mono nhimiroti te te 're 'madâ'â za'ra mono õ di. Te te duré 're 'madâ'â waihu'u za'ra mono õ di.

1 Zuwã 4:21

Zezusi hã ma tô ãne te te wama 're roti za'ra: “Ni'wam norĩ hã 'Re ihâimana u'âsi mono te te siwi 're sawi pese za'ra mono wamhã, taha zarina te za duré te te 're dazawi pese za'ra.” Ãne isimiroti hã, wama za'ra hã.