Mateu 22:17 - ꞌRe Ihâimana Uꞌâsi Mono Zadawa Wasuꞌu

¹⁷ Tahawa, wa za oto wa norĩ hã wasiwi asadanharĩ za'ra ni, ãne. E Roma ãma danhib'apito uptabi ma, wa za rob'uiprazé hã wa te tãma 're arĩ za'ra, isimiwada'uri zarina. E 'Re ihâimana u'âsi mono ma, wẽ di, ãne hã. E tãma wẽ õ di. Ma'ãpé wama waihu'u za'ra na asimirosa'rada hã, wa te waihu'u za'ra da.

Mateu 22:17 ပူးပေါင်းရင်းမြစ်များ

Esdra 4:13

Apito ãhã nhipai u ihâiba amo niha hã iwaihu'u da hã aima i'ruzahi. Ã hã 'ri nho'u apâ te te siwi 'ri wamhã, duré apâ 'ri 'wawi wa'ra te te siwi wahutu wamhã, ã norĩ a'uwẽ tipawa'â aima te te 're i'arĩ za'ra mono da hã mare di za. Ãne wamhã, te za rob'uiprazé 're i'a'ubumroi mono zé hã aiwi sina ti'awi.

Esdra 7:24

Uburé a norĩ wa'wa hã sasedoti norĩ wi, levita norĩ wi, isõ're'wa norĩ wi, 'Re ihâimana u'âsi mono nhorõwa 'madâ'â'wa norĩ wi, 'ri 're, romhuri'wa norĩ wi, duré dahâiba amoi u aimawi norĩ, 'ri 're, te te 're irob'ma'wamarĩ za'ra mono norĩ wi, dapawa'âbâ arĩ hã tiwi 're waptẽrẽ za'ra wa'aba mono õ di za.

Neemia 5:4

Tawamhã te duré isiré ihâiba amo norĩ hã nharĩ za'ra ãne: — Waburu wa'âbâ arĩ mono hã duré uwa 'ru wa te 're izuri mono wa'âbâ arĩ mono hã, apito ma, wa te wa'âbâ za'ra da hã, wa tô a'â rob'uiprazé hã taré dawi 'mai'âri za'ra ni, ropisutu na.

Neemia 9:37

Wawasété za'ra u'âbâ, te ti'ai 're rob'rã, 're i'rãi u'âsi za'ra mono hã apito norĩ, pire na wa'madâ'â'wa da, 're i'apisutu mono ma si 're hâimana za'ra. Ta norĩ hã te duré sima iwẽ na marĩ hã te te wama 're 'ru za'ra. Te duré wanhimizama powawẽ na niha hã te te ãma wama 're rob'manharĩ za'ra. Tahawa, wa te 're robzépata za'ẽtẽ uptabi za'ra mono di.”

Mateu 17:25

— Te te 're wa'âbâ. — Ãne ma tô sada'â, Pedru hã. Tawamhã Pedru ma tô ãzé 'ri para u, Zezusihi zarina, te te ãma sadanharĩ da. Sébré wamhã, ma tô Zezusi hã timreme na sõzâ, Pedru hã: — Sima, e niha ma asimirosa'rada iwaihu. Daro mono bâ danhib'apito norĩ ma, e 'wam norĩ hã te rob'uiprazé hã te te tãma 're arĩ za'ra. E isib'a'uwẽ norĩ hã, e darob zô te te da'ãma 're i'ai'uté za'ra mono norĩ si te za te te tãma 're po'o za'ra.

Mateu 22:18

Tawamhã tinhimirosa'rata wasété zarina te te sima ãma iroti za'ra zé hã ma tô sina waihu'u, Zezusi hã. Tahawa, ma ãne tizadawa na ãma tãma wa'rãmi za'ra: — A norĩ wa'wa hã te asadawa nhipese na 're aihâimana za'ra wa'aba mo. E marĩ da, te ãne na asiwi ĩzadanharĩ 'wa, ĩmreme na te ãma aima upa za'ra wa'aba wa, asiwi ĩwẽ'õ za'ra wa'aba da.

Luca 2:1

Tawamhã Zuwã hã waptã'ã wamhã, ma tô Roma ãma danhib'apito Agustu hã dama ti'ru, uburé danhisi na, da te daza'rata za'ra da. Dahâiba te te waihu'u da, ma tô dama ti'ru, daza'ratazé hã. Daza'rui mono bâ danhib'apito uptabi, apito Agustu hã. Tawamhã ma tô dahâiba za'rata na sãna'rata za'ra ni, Sireniu hã, isadawa para te te dama 're roti mono ré, Siria na ti'a nhisi ãma.

Luca 20:22

Ãne wa, a hã ma'ãpé, marĩ hã wama waihu'u za'ra na, marĩ hã wa te waihu'u za'ra da. E Roma ãma danhib'apito uptabi ma, wa za rob'uiprazé hã wa te tãma 're arĩ za'ra, isimiwada'urizéb zarina. E 'Re ihâimana u'âsi mono ma, wẽ di. E tãma wẽ õ di. Ãne niha na marĩ na isimiroti hã ãma.

Luca 3:1

Tawamhã 15 na ma tô ãma tiwahu, Tibériuhu ãma, danhib'apito na 're hâimana mono ré, Roma ãma hã. Isadawa para, te Põsiu Pilatu hã te te dama 're roti, Zudéa ãma. Duré Erodi hã te te dama 're roti isadawa para, Galiléa ãma. Duré Erodihi no hã Filipi hã te te dama 're roti, isadawa para, Itureza na danhipti'a nho'õmo nhisi ãma, duré Taraconiti na danhipti'a nho'õmo nhisi ãma. Duré Risãniza hã te te dama 're roti, isadawa para, Abireni na danhipti'a nho'õmo nhisi ãma.

Zezusihi zadawa wasuꞌuꞌwa norĩ nhimiromhuri na robꞌuiꞌéré 17:7

Zasã hã ma tô tinhorõwa u 'mazasi zahuré, i'rata simasisi zahuré da a'â. Roma ãma danhib'apito nhimiroti wa'rãmi, te 're hâimana za'ra. Ãne te wama nharĩ za'ra: “Zezusi hã, taha si danhib'apito uptabi hã.”

Zezusihi zadawa wasuꞌuꞌwa norĩ nhimiromhuri na robꞌuiꞌéré 25:8

Tawamhã Paulu hã ma tô apito ma siwasu'u, ãne: — Zudeu norĩ te, roti wa'rãmi, ĩwasédé hã te 'manharĩ õ di. Mare di. 'Re ihâimana u'âsi mono nhorõwa 'ri ãma duré ĩwasédé hã te 'manharĩ õ di. Duré Roma ãma apito Sézaha ma, marĩ hã te 'manharĩ õ di, danhipai u danhib'apito ma hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 28:22

Tane nherẽ, wa tô wasima aiwẽ za'ra ni, asimirosa'rada hã wa te wapari za'ra da, duré wa te waihu'u za'ra da. A hã dasima idasipo'ozép tém niwĩ, te 're aihâimana mo. Ta niwĩ 're idahâimana za'ra mono hã, te iwasété na da te dasima 're rowasu'u za'ra, daro mono bâ. Ãne hã wa te waihu'u za'ra wa, wa tô wasima aiwẽ za'ra ni, wa te aiwapari za'ra da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:37

Teudasihi uirĩ na si ma tô duré Zuda hã datẽme wi, Galiléa ãma aré 're isãmra mono hã. Romanu norĩ nhib'apito hã dahâiba za'rada hã te te waihu'u da, danhisi mono bâ da te tãma ubumro za'ra ré, ma tô Zuda hã datẽme wi. Tawamhã da'ahâ na ma tô duré isiré 're danomro, Teudasihi ne. Isine, ma tô duré wĩrĩ ni, Zuda hã. Tawamhã isiré 're inomro mono norĩ hã ma tô duré te te ropé.