Mateu 22:13 - ꞌRe Ihâimana Uꞌâsi Mono Zadawa Wasuꞌu

¹³ Tawamhã apito hã ma tô ãne tãma iromhuri'wa norĩ ma nharĩ za'ra: “Ma'ãpé, ã hã aibâ hã asiwi âri aba, asiwi pawasisi aba da, duré asiwi hiwasisi aba da, rob u asiwi mei wa'aba da, robra u. Tawamhã tame te za oto sina tiwawa, sina pẽ'ẽzé wa. Te za duré 'wasitete, te te oto robzépata za'ẽtẽ wa.” Ãne ma tô apito hã tãma waihu'u za'ra.

Mateu 22:13 ပူးပေါင်းရင်းမြစ်များ

Salmu 112:10

Iwasété norĩ, ãne na isimi'manharĩzé te te siwi 're 'madâ'â mono wamhã, te za sada 're siti'ru za'ra. Te za duré 're 'wasitete za'ra. Te za duré 're sihâimanazé uprosi za'ra. Duré marĩ zô te te sima 're irob'ruiwapari za'ra mono zé hã, marĩ dai õ di, tarére.

Daniéu 3:20

Taha pari, ma tô tite dasi'wapéi 'manharĩ'wa norĩ, tisiré norĩ nhiptete nhipai u isiptete za'ra ma hã tãma 'ru za'ra, Sadraqui norĩ hã, Mezaqui, Abide-Negu te te pawasisi za'ra da, te te siwi sãmra da, unhama ro'o wa'wa u.

Mateu 12:29

— Ni'wa hã aibâ isiptete nhorõwa u sébré wamhã, te te sima pawasisi õ ré, isimarĩ hã te te tiwi ubumroi waihu'u õ di za, aibâ isiptete wi hã. Te te sima pawasisi wapsi, te za isimarĩ hã tiwi ubumro oto, 'ri 're tãma iromnhimi'wara mono hã.

Mateu 13:30

A'â simisutu siré prédu mono, roptehâri na da te 're isãna'rata mono zéb u. Tawapsi wa za oto roptehâri na romhuri'wa norĩ ma 'ru za'ra, wab'ru uimrehẽne te te siwi sanoi mono da, te te duré wasisi mono da, unhama u te te siwi sãmra da, si'unhama da. Taha parip si, te za oto trigu hã tehâri za'ra, amnho za'razéb u te te siwi sa'ra da, ĩma.”

Mateu 13:42

Taha parimhã te za unhama ro'o za'ẽtẽ u danhamra, ropipa u. Tame te za 're da'ru'ru u'âsi. Te za duré 're da'wasitete u'âsi za'ra za, da te oto 're robzépata za'ẽtẽ za'ra mono wa.

Mateu 13:50

Tawamhã unhama ro'o za'ẽtẽ u te za oto danhamra, ropipa u. Tame te za 're da'ru'ru u'âsi. Te za duré 're da'wasitete u'âsi za'ra, da te 're robzépata za'ẽtẽ za'ra mono wa.

Mateu 24:51

Tawamhã sa'ẽtẽ te za azâ, tãma iromhuri'wa hã. Tane ni'wam norĩ hã 'Re ihâimana u'âsi mono nhimiroti te te 're 'madâ'â pese za'ra mono õ wamhã, te za tãma pisutu za'ra, ropipa u 're sisisi mono da, dasiré, isimiroti hã te te 're 'madâ'â pese za'ra mono newa, taré ãma 're dawata za'ra mono da, 're ihâimana wasété za'ra mono norĩ zu. Tame te za oto 're 'ru'ru. Te za duré 're 'wasitete za'ra, te te 're robzépata za'ẽtẽ za'ra mono wa.

Mateu 25:30

Taha pari, te za asiwi imei wa'wa rob u, robra u. Tame te za oto 'râwi sina tiwawa. Te za duré 'wasitete, te te oto robzépata za'ẽtẽ wa.” Ãne isib'apito hã ma tô dama hâiba 'ru.

Mateu 8:12

Tane nherẽ, ni'wam norĩ hã 'Re ihâimana u'âsi mono, ãma 're sib'a'uwẽ za'ra mono da nherẽ, isiré 're si'ubumroi mono da nherẽ, te za sãmra sisiti, robra si 're isa'wari mono u. Tame te za sina 're 'ru'ru. Te za duré 're 'wasitete za'ra, te te 're robzépata za'ẽtẽ za'ra mono wa.

Luca 13:28

Tawamhã rowẽ uptabi ãma, 'Re ihâimana u'âsi mono 'rata 're isi'ubumroi mono hã te za i'madâ'â za'ra wa'wa, Abra'ã norĩ hã, duré Izaqui, duré Zaco, duré uburé isadawa wasu'u'wa norĩ hã. Tazahã, a norĩ wa'wa hã te za rowi 're ai'ubumroi u'âsi aba mo. Tahawa, te za asina 're ai'ru'ru aba mo. Te za duré 're ai'wasitete za'ra wa'aba mo, 're robzépata za'ẽtẽ za'ra wa'aba mono wa.

Zuwã 21:18

Te duré tawamhã tãma tinha, ãne: — Tô sena wa aima rowasu'u: Aipréduptéb ré, ma tô 're asi'uza mo, nimomo 're ane mono da, asima 're irowẽ mono zéb uwaibaba. Tane nherẽ, asi'ihi wapsi, te za aipaihi hã iwẽ zahuré, da te ai'awasisi da, nimomo asima rowẽ õ nherẽ, da te asaprõni da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 21:11

Watẽme wisi wi, ma tô Pauluhu usisizé hã tiwi waze. Taha wamhã, ma tô ãma sipara'õtõ wasisi. Ma tô duré ãma sipawasisi. Taha pari, ma tô wama rowasu'u za'ra, ãne: — 'Re ihâimana u'âsi mono pẽ'ẽzani hã ãne ma tô ĩma waihu'u: “Ã da'usisizép tede'wai ma, te za zudeu norĩ hã ãne 'manharĩ za'ra, Zeruzalẽ ãma 're isi'ubumroi mono hã. Zudeu'õ norĩ ma, te za hâiba nhomri za'ra.”

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:54

Tawamhã zudeu norĩ ma roti'wa norĩ hã Estewãhã mreme te te wapari za'ra wamhã, ma tô sadawa 'ru za'ra. Tahawa, te 'wasitete za'ra, Estewãhã ãma.

2 Tesalonita 1:9

Ta norĩ hã te za sisiti satõrĩ za'ra, isiti 're si'ubumroi u'âsi mono da, rowẽ'õ u'âsi ãma. Taha na te za te te 're robzépata u'âsi za'ra. Tawamhã Wanhib'apito nhiti 're dahâimana za'ra mono wamhã, tiwaihu'u pese na marĩ hã rowẽ uptabi na, te te 're da'apawapto mono õ di za. Taha ré 're dahâimana za'ra mono õ di za. Ãne, sena na te za dama arowairébé.

2 Pedru 2:17

Senai'õ na rowasu'u'wa norĩ hã, tinhimirowasu'u na te te ãma 're dapawaptob za'ra mono õ wa, wa za oto marĩ na aima ãma romnhimiré'é za'ra wa'wa. Ta norĩ hã sipti hã 're i'â'ré mono ne, te 're hâimana za'ra. Duré hâiwa nhirõno hã rowa'u hã nimomo te te 're sate mono wa, tã hã ihawi we 're ita'a mono õ ne, te 're hâimana za'ra. 'Re ihâimana u'âsi mono hã ma tô ta norĩ hã pisutu siromo za'ra, robra si 're isa'wari mono zéb ãma, iwa 're hâimana u'âsi za'ra mono da.

2 Pedru 2:4

Tane, hâiwa ãma 'Re ihâimana u'âsi mono ma romhuri'wa norĩ hã, duréihã tiwasédé te te 're 'manharĩ za'ra mono wamhã, tinhimihâzé hã te te tãma ba'a za'ra õ di, 'Re ihâimana u'âsi mono hã. Ropipa u ma tô sisiti satõrĩ za'ra, tame 're simasa mono da, pawasisi ré robra ãma. Tame te za ta norĩ hã 're simasa, bâdâ iwa iwaptã'ãzéb u, dahâimanazém na te te ida'awaihu'uzéb zarina te te dama i'arowairébézéb u hã. Tawapsi te za ta norĩ hã duré oto hâ za'ra.

Zuda 1:13

 sisasi hã 're isibzaihâ za'ra mono ne, te ta norĩ hã tãma 're rowẽ za'ra mono da newa, hâiwi si 're nomro, 're wa'utu za'ra mono ãna. Duré â nhibzaihâ zaipro iwasédé, supara 'ré u te te 're isãmra mono ne, te marĩ iwasété si te te 're 'manharĩ za'ra, ta norĩ hã. Wasi hã siwa'ru 're inomro mono ne, te duré ta norĩ hã siwa'ru 're hâimana za'ra, te te 're rob uptabi za'ra mono ãna. Ta norĩ ãma ma tô 'Re ihâimana u'âsi mono hã sima ãma roti siromo za'ra, za te te ihâ za'ra zém na hã. Robra si 're isa'wari mono zéb u te za satõrĩ za'ra, robra u'âsi u, iwa 're hâimana u'âsi za'ra mono da, tame.

Zuda 1:6

Tane duré, hâiwa ãma 'Re ihâimana u'âsi mono ma romhuri'wa norĩ hã, isipizari za'ra norĩ ãma, wa za duré ãma aipo're pu'u za'ra wa'wa. Ta norĩ hã ma tô 'Re ihâimana u'âsi mono hã pisutu za'ra aré, isadawa para niha na te te tãma 're romhuri za'ra mono da, pire na. Tane nherẽ, ma tô hâiwa ãma romhuri na tiwi ãma upa za'ra. Taha wamhã, 're ihâimana za'ra mono zé hã ma tô rẽme za'ra. Tahawa, ma tô oto 'Re ihâimana u'âsi mono hã satõrĩ za'ra, robra si 're isa'wari mono u, tame pawasisi ré 're simasab u'âsi mono da. 'Re ihâimana u'âsi mono hã ropsi'utõrĩzéb u za te te da'ãma irowairébézéb u, te za tame ta norĩ hã a'â 're hâimana u'âsi za'ra. Tawapsi te za oto wẽ'õ pese za'ra.

Apocalipsi 21:27

Tawamhã marĩ iwasédé hã da te 'mazasi za'ra õ di za. Duré 're idahâimana wasété za'ra mono norĩ hã, duré 're idazadawa nhipese za'ra mono norĩ hã itẽme 're danhisisi waihu'u mono õ di za oto. Ibaihâ na 're idahâimana u'âsi za'ra mono norĩ nhisi 're isimi'wara mono zém na, isisi, 're isimi'wara mono norĩ si, te za itẽme 're sisisi, Pone'ẽrebâ te na isisi ui'éré ré mono norĩ si hã.