Mateu 21:9 - ꞌRe Ihâimana Uꞌâsi Mono Zadawa Wasuꞌu

⁹ Tawamhã Zezusihi nhowa idasi'aba'ré norĩ hã duré isarina idasi'aba'ré norĩ zama te nasi dasima 'mahârâ za'ra ni, ãne: — Apito Dawihi nhihudu ãma, 're wawata za'ra wa'aba mono. Wanhib'apito zadawa para, te we oto mo. 'Re ihâimana u'âsi mono hã iwẽ si te te tãma 're pisutu u'âsi mono neza. 'Re ihâimana u'âsi mono ãma zama duré 're wawata za'ra wa'aba mono, hâiwa ãma 're isãmra mono ãma, wei watẽme te te satõrĩ wẽ te.

Mateu 21:9 ပူးပေါင်းရင်းမြစ်များ

Mateu 21:10

Tawamhã Zeruzalẽ u ma oto wi, Zezusi hã. Wisi wamhã, iwa 're idasi'ubumroi mono norĩ hã ma tô da'ahâ uptabi na 're dasiwairõtõ, da te dasima 'mahârâ za'ra sina. Tahawa, te nasi tasisadanharĩ za'ra ni, ãne: — E 'wa hã, õ hã bété.

Mateu 21:15

Tawamhã ai'uté norĩ hã ma tô nasi sima 'mahârâ za'ra, ãne: “Apito Dawihi nhihudu ãma, 're wawata za'ra wa'aba mono.” Ãne te nasi sima 'mahârâ za'ra, 'ri 'wawi wa'ra 're, sãmra ré. Tawamhã 'Re ihâimana u'âsi mono ma, da'ãma romhuri'wa norĩ ma, ipire norĩ hã tisiré ma, duré isimiroti na rob'ui'éré 'rata na dama rowahutu'wa norĩ hã, ai'uté norĩ te te nasi sima i'mahârâ za'ra zé hã te te wapari za'ra wamhã, duré tinhimiromhõsi na Zezusi te te 're ida'apawapto mono zé te te 'madâ'â za'ra wamhã, ma tô sada tizahi za'ra, Zezusihi zada.

Mateu 23:39

Duré a norĩ wa'wa hã ĩhâiba 'madâ'â na sahu za'ra wa'aba õ di za, a'â. Niwapsi te za duré ĩhâiba 'madâ'â za'ra wa'wa, ãne na ĩwaihu'u za'ra wa'aba wapsi: “Zezusi hã, ta hã 'Re ihâimana u'âsi mono zadawa para we imorĩ ti'ai u, Danho'reptui'wa da. Tahawa, iwẽ si te te tãma 're anhomri u'âsi, Imama hã.” Ãne na aipẽ'ẽ 're ĩwaihu'u za'ra wa'aba wapsi, te za ĩhâiba 'madâ'â na duré isahu za'ra wa'wa.

Mateu 9:27

Tawamhã 'ri para hawi watobro wamhã, morĩ ré, ma tô aibâ norĩ hã isarina tineb zahuré, itob'a zahuré hã. Tawamhã te 'mahârâ zahuré, ãne: — Dawihi nhihudu, ma'ãpé wa'ãma aipẽ'ẽzé na.

Luca 13:35

Tahawa, tinhorõwa hã te za oto tirẽ, 'Re ihâimana u'âsi mono hã, ãma 're i'aiwata za'ra wa'aba mono zé hã. Duré a norĩ wa'wa hã, ĩhâiba 'madâ'â na sahu za'ra wa'aba õ di za a'â. Niwapsi duré ĩhâiba 'madâ'â za'ra wa'aba wa, te za ãne asima ĩwasu'u za'ra wa'wa: “'Re ihâimana u'âsi mono zadawa para we imorĩ ma, 're rowẽ za'ẽtẽ mono di za.” Ãne te za asima ĩwasu'u za'ra wa'wa, ĩhâiba 'madâ'â na duré sahu za'ra wa'aba wa. Ãne na aipẽ'ẽ 're asina ĩwaihu'u za'ra wa'aba wapsi, te za ĩhâiba 'madâ'â na duré isahu za'ra wa'wa.

Luca 2:14

— 'Re ihâimana u'âsi mono hã sõprub di, hâiwa ãma 're isãmra mono hã. Ma tô sima dawẽ, iwẽ hã te te dama 're anhomri mono da, rowẽ na 're danomro mono da oto, ti'ai ãma hã.