Mateu 21:7 - ꞌRe Ihâimana Uꞌâsi Mono Zadawa Wasuꞌu

⁷ Tawamhã te te sãmri zahuré wamhã, ma tô apâ saprõni zahuré Zezusihi u, awaru po'repore hã i'ra ré. Tawamhã tisi'ubuzém na ma tô tãma ba'ubu zahuré. Taha pari, ma tô ãma darõno Zezusi hã, ãma morĩ da.

Mateu 21:7 ပူးပေါင်းရင်းမြစ်များ

Mateu 21:2

Ãne ma tô tawamhã tãma nharĩ zahuré, te te isatõrĩ zahuré ma hã: — Õwa te za ane wa'wa, asõ're uwaibaba wa'aba, 'ri wa'õno hã ihâimana u. Tawamhã aimasisi aba wi, te za awaru po'repore hã isãmri 'wa, da te ãma wasisi haré, 'rãi wazi na isa hã. Tame te duré i'ra hã isiré isababa za. Tawamhã ta norĩ hã te za iwasihu zahuré wa'wa za, sahuré we ĩma saprõni aba da ãwamhã.

Mateu 21:6

Tawamhã Zezusi te te tãma ipisutu zahuré zéb zarina, ma tô awaru po'repore norĩ zô hã ne.

Mateu 21:8

Tawamhã da'ahâ uptabi na ma tô dasi'ubuzém na tãma waptâ za'ra ni bâdâdi na, isisiwi za ãma imorĩ da na, dama pire wa, sô 're datob'uzu za'ra mono wa. Wedepa nhipti su na zama ma duré tãma waptâ za'ra ni.