Mateu 21:5 - ꞌRe Ihâimana Uꞌâsi Mono Zadawa Wasuꞌu

⁵ “Ma'ãpé, tãma rowasu'u za'ra wa'aba, Siã na ẽtẽ 'rãihâ nhisi ãma 're idasi'ubumroi mono norĩ ma, ãne: ‘Õhõta te we oto atẽme timorĩ 'wa, asib'apito za'ra wa'wa hã. Ta hã dazada 're ihâimana mono õ isimizawi pe te we ãma mo, awaru po'repore na, ipréduptém na hã.’ ”

Mateu 21:5 ပူးပေါင်းရင်းမြစ်များ

Zenezi 49:10

Zuda, apito siwazusizé hã te za te te 're tété. Duré isihudu norĩ hã te za õne u'â dama i'rãnho'õmo na dama 're hâimana za'ra. Te za danhoprubzé hã da te tãma 're 'wasari, daro mono bâ. Tawamhã te za duré isimiroti hã da te 're wapari pese za'ra.

Mateu 11:29

Wa hã ĩpẽ'ẽ na ĩnhimizawi pese uptabi di. Atãma duré ĩhâimanazé hã. Tahawa, ma'ãpé ĩ'ãma 're sasõmri za'ra wa'aba mono, ĩ'ãma 're waihu'u pese za'ra wa'aba mono da. Tawapsi te za aipẽ i're aima 're simi'wara 'wa.

Mateu 2:2

Tawamhã ta norĩ hã te sô anharĩ za'ra, ãne Zezusihi zô hã: — E mahãta 'watébrémi, zudeu norĩ nhib'apito da, ipodo hã. Wasi, wa norĩ hã wa tô 'madâ'â za'ra ni, bâtâ pusizém niwĩmhã, zudeu norĩ nhib'apito da, ipotozé te te iwasu'u hã. Tahawa, wa tô we ai'aba'ré ni, ãma wawata za'ra da.

Mateu 2:6

“A norĩ wa'wa hã Belẽ ãma 're aihâimana za'ra wa'aba mono norĩ Zudaha nhihudu norĩ nhipti'ai ãma 're aihâimana za'ra wa'aba mono norĩ hã dama aiwapu na 're aihâimana za'ra wa'aba mono newa, te za oto dama asisi za'ẽtẽ na dama 're aihâimana u'âsi za'ra wa'aba mo. E marĩ wa. Tame danhib'apito da hã za poto wa, ĩnhib'a'uwẽ norĩ hã te te 're ab'madâ'â pese mono da, Izaraéu nhihudu norĩ hã.”

Mateu 21:6

Tawamhã Zezusi te te tãma ipisutu zahuré zéb zarina, ma tô awaru po'repore norĩ zô hã ne.

Luca 24:27

Romhâ ré, ma tô iwana Danho'reptui'wa na rob'ui'éré za'ra ni. Tawamhã Mozési te te ãma irob'ui'éré na, te oto tãma rob'rãzarõtõ zahuré. Taha pari, uburé 'Re ihâimana u'âsi mono zadawa 'mahârâ 'rata 'wa norĩ, te te ãma irob'ui'éré za'ra na, te tãma rob'rãzarõtõ zahuré duré.

Zuwã 1:49

Tawamhã Natãnaéu asa te duré tãma tinha, ãne: — Rowahutu'wa, a hã 'Re ihâimana u'âsi mono 'ra. A hã uburé Izaraéu nhihudu norĩ nhib'apito.

2 Corĩtu 10:1

Ni'wam norĩ hã asiré wa'aba, 're ihâimana za'ra mono norĩ hã te ãne te te sima 're ĩbâsi za'ra: “Paulu hã wa'rata sãmra ré hã, waimri na ihâimana, duré wama za'ra hã isasi õ. Wanhiti romhâ na 're hâimana mono wapsi, te mreme pahi ãna te te wama 're anharĩ, tinhimi'ui'éré na si.” E ãne hã ĩma 're hâimana mono bâ. Mare di. Wa hã Paulu, wa za oto aima ãma roti za'ra wa'wa. Ĩwapari pese za'ra wa'aba za. Cristuhu nhisi na, wa za ãma aima roti za'ra wa'wa ãhã na hã, ta hã simizawi pese wa, duré atãma na 're hâimana u'âsi mono wa. Marĩ da, 're sisapẽtẽ waihu'u mono õ di, ta hã.

Zuize 12:14

Abdõ hã 40 na i'ra, duré 30 na isihudu, 70 na awaru po'repore na 're inomro mono. Ta hã Izaraéu nhihudu norĩ ma, 8 wahub 'remhã ma tô si'i'rãnho'u.

Zuize 5:10

Tawamhã a norĩ wa'wa, awaru po'repore i'a na 're i'asa'rei wa'aba mono hã, ibazadâ na 're i'asimroi wa'aba mono hã, duré aipara na si 're i'anomro aba mono norĩ hã ma'ãpé ãne na ãma dama 're rowasu'u za'ra wa'aba mono.