Mateu 21:44 - ꞌRe Ihâimana Uꞌâsi Mono Zadawa Wasuꞌu

⁴⁴ Duré, ẽtẽ tomhâpâ nhisiwi, zé'a 'manharĩ hã 're rere'e mono wa, 're isipru pese za'ra mono ne, te za ĩwẽ'õ'wa norĩ hã hâ za'ra, 'Re ihâimana u'âsi mono hã. Duré ẽtẽ tomhâbâ hã zé'a 'manharĩ nhisiwi 're rere'e mono wa, te te 're ipru pese za'ra mono ne, te za 'Re ihâimana u'âsi mono wẽ'õ'wa norĩ si hâ za'ra. Ta norĩ ãma hã 're sib'a'uwẽ za'ra mono õ di za. — Ãne ma tô Zezusi hã sina ãma simiré'é, ẽtẽ wasu'u na hã.

Mateu 21:44 ပူးပေါင်းရင်းမြစ်များ

Salmu 2:12

Ãnei õ wamhã, si'aba'ré na asada sahi za'ra wa'aba wamhã, te za ai'utõrĩ 'wa. Ni'wam norĩ hã 'Re ihâimana u'âsi mono, i'wawi 're isimapa za'ra mono zéb zô 're isõpré mono norĩ si, te za to sina hã 're hâimana u'âsi za'ra.

Salmu 2:9

Tawamhã isi'uwazi waré na te za ta norĩ hã 're i'anhi'ẽi'rare mo, zé'a na ub'rẽ da te 're iprub za'ra mono ne.’ ”

Mateu 21:43

— Ẽtẽ tomhâpâ wẽ hã da te dasiwi iwẽ'õ ne, a norĩ wa'wa hã asiwi 're ĩwẽ'õ za'ra wa'aba mono wa, 'Re ihâimana u'âsi mono nhib'a'uwẽ, 're aihâimana u'âsi za'ra wa'aba mono õ di za. Ai'upana wa'aba si te za oto 'Re ihâimana u'âsi mono hã da'ãma 're sib'a'uwẽ, isimiroti te te 're i'madâ'â pese za'ra mono norĩ ãma. Tô sena, wa ãne na aima waihu'u za'ra wa'wa.

Mateu 21:45

Tawamhã sasedoti ipire norĩ hã, duré farizeu norĩ hã, Zezusi te te ãma iromnhimiré'ézé hã te te wapari za'ra wamhã, ma tô sina waihu'u za'ra, tô õ norĩ udâna te te ãma iromnhimiré'é mono na hã.

Mateu 26:24

Ti'ai ãma Dasiré Ipodo hã duréihã ma tô idâ'âzém na rob'ui'éré siromo za'ra, 'Re ihâimana u'âsi mono zadawa 'mahârâ'wa norĩ hã. Ta norĩ hã te te ãma irob'ui'éré za'ra zéb zarina te za ãma mo tô, tidâ'âzéb u. Tane nherẽ, aibâ ma, tãma 're ropipa uptabi mono di za, za te te dama ihâiba nhomri'wa da ma hã. 'Re ihâimana u'âsi mono za te te azâri wamhã, te za sima rosa'rata, ãne: “Ĩpoto õ 'wa'âhã, aré wẽ di. E marĩ wa. Ãne na te 're robzépata mono õ wa aré.” Ãne te za 'râwi si'ãma rosa'rata, za dama ihâiba nhomri'wa hã.

Mateu 27:25

Tawamhã asa te tãma nharĩ za'ra ni, ãne: — Wẽ di tô. Wa te wasiwi iwaptẽrẽzéb zarina, da te dasiwi wĩrĩ wamhã, 'Re ihâimana u'âsi mono te te tô pé wahâ za'rare, wa'ra norĩ zama, duré wanhihudu norĩ zama hã pé tô te te hâ za'ra, wawasédé hã wa te ãma 'manharĩ za'ra di pâ.

Luca 2:34

Tawamhã Simiã hã te tiwi rowaptẽ, 'Re ihâimana u'âsi mono wi, te te 're pawaptob zahuré mono da. Mariaha ma, te duré tinha: — 'Re ihâimana u'âsi mono, ma tô ai'ra hã pisutu, watẽme wei morĩ da, Izaraéu na warom nhisi u. Tawamhã watẽme wei morĩ wa, te za da'ahâ na danho'reptuzé hã da te dasina 're waihu'u za'ra. Tane nherẽ, da'ahâ na danho'reptuzé hã da te dasina 're waihu'u za'ra mono õ di za. Danho'reptui'wa na da te dasina 're waihu'u za'ra mono da, te te pisutu nherẽ, niwapsi te za ai'ra hã dasiwi wẽ'õ ni, da'ahâ na. Tawamhã da te dasiwi wẽ'õ wamhã, dama waihu'u pese di za oto, danhimirosa'rata wasédé hã ai'ra ãma hã. Sib'ézé i'wa pese na, da te 're danhihâri za'ra mono wamhã, dama 're rowẽ za'ra mono õ di za. Tane ai'ra hã da te dasiwi wẽ'õ wamhã, aipẽ'ẽzé ahâ di za.

Luca 20:18

Duré, ẽtẽ tomhâpâ nhisiwi, zé'a 'manharĩ hã 're rere'e mono wa, 're isiprub za'ra mono ne, te za ĩwẽ'õ'wa norĩ hã hâ za'ra, 'Re ihâimana u'âsi mono hã. Duré ẽtẽ tomhâbâ hã zé'a 'manharĩ nhisiwi, 're rere'e mono wa, te te 're ipru pese za'ra mono ne, te za ĩwẽ'õ'wa norĩ hã hâ za'ra, sa'ẽtẽ uptabi na. Ta norĩ ãma hã 're sib'a'uwẽ za'ra mono õ di za.

Zuwã 19:11

Tawamhã Zezusi asa te tãma tinha, ãne: — 'Re ihâimana u'âsi mono, ma tô aipisutu, ĩma aipire da. Ĩma aipire da, te te aipisutu õ 'wa'âhã, aré ĩma aipire õ di. Tawamhã ĩma aipire da, te te aipisutu nherẽ, ĩ'ãma asimiroti wasété wamhã, tãma aiwẽ õ di za, aiwasédé hã ĩ'ãma 'manharĩ wa. Tane nherẽ, aibâ hã si'uihâ na te te aima ĩhâiba nhomri hã aiwasété nhipai u wasété uptabi di, ta hã.

Roma 9:33

Duréihã Izaia hã ma tô ãne na ãma rob'ui'éré, 'Re ihâimana u'âsi mono mreme na: “Ma'ãpé, ĩwapari pese za'ra wa'aba. Zeruzalẽ u, wa za ni'wa hã satõ, Siã na sa'a nhisi u. Ẽtẽ tõmo wawẽ hã bâdâdi wa, dawi 're isa'wari mono hã, te te 're da'marõpãrĩ za'ra mono wa, 're idasirẽme za'ra mono ne, 'Re ihâimana u'âsi mono 'rata 're idanomro u'âsi mono zé hã da te dasina 're uwaimrami za'ra mono õ di za, da te dasiwi 're wẽ'õ pese za'ra mono wa, 'Re ihâimana u'âsi mono Zeruzalẽ u te te isatõrĩ hã. Tane nherẽ, ni'wam norĩ hã te te sina 're umnhasi za'ra mono wamhã, taré te te sina 're umnhasi baba za'ra mono õ di za. Iwẽ hã te za tô te te tãma ãma 're a'uwaimrami, 'Re ihâimana u'âsi mono hã. Tahawa, tãma 're rowẽ u'âsi za'ra mono di za.” Ãne ma tô duréihã Izaia hã ãma rob'ui'éré siro, Cristu za da te dasiwi iwẽ'õzém na hã.

1 Tesalonita 2:16

Tawamhã wa norĩ hã zudeu'õ norĩ ma, wa tô wa te tãma 're rowasu'u za'ra iwasu'uwẽ na, da te 're sazei pese za'ra mono da, Zezusi hã te te 're da'anho'reptui mono da. Tawamhã ta norĩ hã zudeu nherẽ, isazei'õ'wa norĩ hã, ma tô te te wawi 're ro'wa'rutu za'ra, te te 're wazadawa uwati za'ra mono da aré, iwasu'uwẽ na wa te dama 're rowasu'u za'ra mono tõ da. Ãne tiwasété na 're ihâimana za'ra mono zém na, ma tô 're siwasété za'ẽtẽ za'ra. Tawamhã tâibâ oto. 'Re ihâimana u'âsi mono hã ma tô wawi ro'wa'rutu'wa norĩ hã te te 're wẽ'õ pese za'ra. Rowẽ'õ, ma tô duré tãma pisutu za'ra. Tawamhã isiti te za oto 're nomro u'âsi.

1 Pedru 2:8

Duré ẽtẽ tõmo wawẽ wasu'u amo na rob'ui'éré hã, ãne: “Ẽne hã te za nasi da'marõpãrĩ za'ra.” Ẽne te te nasi da'marõpãrĩ za'ra wamhã, dama 're rowẽ za'ra mono õ di za. Tane Cristuhu wasu'uwẽ hã da te 're saze za'ra mono õ wamhã, dama 're rowẽ za'ra mono õ di za, 'Re ihâimana u'âsi mono hã te te siwi 're ida'awẽ'õ mono zéb zarina.