Mateu 21:40 - ꞌRe Ihâimana Uꞌâsi Mono Zadawa Wasuꞌu

⁴⁰ Tawamhã Zezusi hã te oto sadanharĩ za'ra, 'Re ihâimana u'âsi mono ma da'ãma romhuri'wa norĩ nhib'apito norĩ hã, ãne: — Buru tede'wa hã tiburu u apâ wisi wamhã, e marĩ te za tãma 'manharĩ za'ra, tãma iburu 'madâ'â'wa norĩ ma hã.

Mateu 21:40 ပူးပေါင်းရင်းမြစ်များ

Mateu 21:34

Tawamhã oto 'rãi prédu mono wa, ma tô buru tede'wa hã tãma iromhuri'wa norĩ hã satõrĩ za'ra tiburu u, uwa 'ru 'rã hã buru 'madâ'â'wa norĩ te te tãma ãma i'amo za'ra zô.

Mateu 21:39

— Tawamhã wisi wi, ma tô siwi ti'â, buru tede'wai 'ra hã. Buru nhiti ma tô siwi waze. Tame ma tô oto siwi tiwĩ, buru 'madâ'â'wa norĩ hã.

Mateu 21:41

Tawamhã asa te tãma nharĩ za'ra: — Buru tede'wa hã ãma pẽ'ẽzé za'ra ãna, te za dama 'ru za'ra, da te dasiwi uprosi da, aibâ iwasété uptabi norĩ hã. Tawamhã te za duré da'apisutu, dama i'umnha hã tãma iburu 'madâ'â'wa da hã. Ta norĩ hã te za i'uwaibaba si te te tãma ãma 're amo za'ra, uwa 'ru 'rã hã, 're 'rã prédub za'ra mono wamhã.

Marcu 12:9

— Buru na romhuri'wa norĩ ma hã e niha te za buru tede'wa hã tãma rob'manharĩ za'ra. Te za sô timorĩ za'ra, uburé te te uprosi da, buru na romhuri'wa norĩ hã. Tawamhã te za duré aimawi da'maipisutu, tiburu 'madâ'â'wa da.

Hebreu 10:29

Ãne, duréihã 'Re ihâimana u'âsi mono nhimiroti 'rata wẽ'õ'wa norĩ ma hã, 're ropipa za'ra mono di. E niha tawamhã za, 'Re ihâimana u'âsi mono 'ra, te te siwi 're i'ruiwapari za'ra mono norĩ ma, 're iromhâimana za'ra mono zé hã za. Tãma 're ropipa uptabi za'ra mono di za tô. 'Re ihâimana u'âsi mono hã te za tô ta norĩ hã hâ za'ra za'ẽtẽ, rob'rãsutuzéb ãma hã. Duré 'Re ihâimana u'âsi mono te te dama iropisutuzép tém na, Cristu hã dazada idâ'âzé hã taré newa, te ta norĩ hã te te ãma 're rosa'rata upa za'ra. Ta norĩ hã te duré 'Re ihâimana u'âsi mono pẽ'ẽzani ãma te te 're wasété u'âsi za'ra, isimizawi uptabi ãma hã.