Mateu 21:18 - ꞌRe Ihâimana Uꞌâsi Mono Zadawa Wasuꞌu

¹⁸ Tawamhã mararé ma tô Zezusi hã apâ mo Zeruzalẽ u. Morĩ ré, ma tô mra hã azâ.

Mateu 21:18 ပူးပေါင်းရင်းမြစ်များ

Mateu 12:1

Tawamhã suru na ronomro pari, sabadu na ma tô Zezusi hã ro'razâ, buru nho wa'wai baba, zudeu norĩ te, romhuri zahârizém na. Tawamhã isiré 're inomro mono norĩ hã mrap te, ma tô amnho trigu, da te 're izuri mono hã te te sima 'rãnhinarĩ za'ra trigu 'rã hã, te te huri mono da.

Mateu 4:2

Tawamhã a'ubuni wi sãmra ré, ma tô bâdâ hã 40 na duré 40 mara na hã ãma ai'utõ, sai ãna sãmra ré hã. Tahawa tãma hã mrab uptabi di.

Luca 4:2

A'ubuni wi hâimana ré hã, bâdâ hã ahâ na ma tô ãma ai'utõ, 40 na. Tame hâimana ré, ma tô itẽme wi Wa'uburé hã, te te nasi pibu da, isimiroti na te te saze da. Taha ré hã, sai ãna te tihâiba, Zezusi hã. Tahawa, ma tô mra hã sépata.

Hebreu 4:15

Tawamhã tô õ hã sasedoti ipire uptabi na, te te wa'ãma 're iromhuri mono hã, e wahâimana nhib'uware na 're wahâimana za'ra mono nherẽ, wa'ãma 're siwamri mono õ di za bété, ta hã. Te za tô wa'ãma 're siwamri u'âsi. E marĩ wa. Ta hã ma tô Wa'uburé hã te te 're pibu aré, tiwasédé hã te te 'manharĩ da, wawasédé hã wa te 're 'manharĩ za'ra mono da, te te 're iwa'apibui u'âsi mono ne. Tane nherẽ, tiwasédé hã te te 'manharĩ õ uptabi di, Zezusi hã.