Mateu 21:17 - ꞌRe Ihâimana Uꞌâsi Mono Zadawa Wasuꞌu

¹⁷ Tawamhã Zezusi hã te oto ihawi timorĩ za'ra, Betãnha na 'ri wa'õtõ nhisi u, tame a'â sõtõ da.

Mateu 21:17 ပူးပေါင်းရင်းမြစ်များ

Mateu 16:4

Nimosi aipoto té wa'aba mono hã i'aihâimana wasété za'ra wa'wa. 'Re ihâimana u'âsi mono zô, 're asimipari za'ra wa'aba mono zahã, te ĩma i'ru za'ra wa'wa, marĩ dama i'manharĩ waihu'u'õ hã te aima 'manharĩ za'ra wa'aba da. Tane nherẽ, te 'manharĩ õ di za. Duréihã Zonahã ma iromhâimanazém na si te za ãma aipo're pu'u za'ra wa'wa, 'Re ihâimana u'âsi mono, marĩ dama i'manharĩ waihu'u'õ hã te te tãma i'manharĩzém na. Tawamhã Zezusi hã te oto tiwi timorĩ za'ra, nimomo morĩ da.

Mateu 26:6

Tawamhã Zezusi hã ma tô mo, Betãnha u. Tame te oto nhamra, Simahã nhorõwa ãma, i'wa're ré nhorõwa ãma.

Marcu 11:1

Tawamhã Zezusi norĩ hã Zeruzalẽ u si'aba'réi wamhã, ma tô a'â aihutu, Oriwera na ẽtẽ 'rãihâ nhisi u. Ẽtẽ 'rãihâ 'rata, te 'ri wa'õno hã 're hâimana zahuré, Befazé na iwamri norĩ hã, Betãnha hã me. Tawamhã Zezusi hã sisõwa ma tô tisiré 're inomro mono norĩ hã 'mazatõrĩ zahuré maparane. Ãne te tãma rob'ru zahuré: — Õwa te za oto ane wa'wa, 'ri wa'õtõ u, asõ're uwaibaba wa'aba. Ãma aimasisi aba wi, awa'awi te za awaru po'repore hã isõpẽtẽ 'wa, iprédupté hã, zahadu ni'wa hã nimomo ãma imorĩ'õ hã. Da te ãma wasisi haré, te za. Tawamhã da te ãma iwasisizé hã te za iwasihui wa'wa, we ĩma saprõni aba da.

Marcu 11:11

Tawamhã Zeruzalẽ u oto wisi wamhã, 'Re ihâimana u'âsi mono nhorõwa 'ri u, ma ãzé Zezusi hã, te te robzabu da. Tame tiwi hâiwahâ wa, te oto mo, Betãnha na 'ri wa'õtõ nhisi u, tisiré norĩ me, aibâ 12 na ihâiba za'ra norĩ me.

Marcu 11:19

Tawamhã bâdâ sébré wi, te Zezusi norĩ hã Zeruzalẽ hawi apâ ai'aba'ré, Betãnha na daza'ru nhisi u.

Marcu 14:3

Tawamhã Zezusi hã Betãnha ãma, te a'â tihâiba, Simahã nhorõwa ãma, i'wa're ré, aré ta hã. Tame sai ma, sãmra ré, ma tô we pi'õ hã ãzé, 'ri para u. Wedewa'u zadaze ẽtẽ 'manharĩ 'remhã, ma siré hã ãwisi. Wedewa'u zadaze hã, nadu na isisi hã, iwa'âbâ za'ẽne. Tawamhã isé hã ma tô sô pru. Taha pari, ma Zezusihi 'rã nhisiwi sa'wa.

Marcu 3:7

Tawamhã Zezusi norĩ hã te ai'aba'ré, Galiléa na isõ'u nhisi u. Da'ahâ uptabi na te isarina hã ai'aba'ré ni, Galiléa hawimhã, duré Zudéa hawib zama, duré Zeruzalẽ hawimhã, duré Idumeza hawimhã, duré Zodã pa zara hawimhã, duré Tiru hawimhã, duré Sidõ hawimhã. Zezusihi wasu'u hã ma tô wapari za'ra ni aré, te te 're ida'apawapto mono zé wasu'u na hã. Tahawa, ma tô itẽme dasito, daro mono bâ.

Luca 10:38

Tawamhã Zezusi norĩ hã te duré ai'aba'ré, isiré 're inomro mono norĩ me. 'Ri wa'õtõ u, ma tô aihutu. Sihutu wamhã, ma tô pi'õ hã Zezusihi ma tinha, 'ri para u sisisi da, Marta na pi'õ nhisi hã.

Luca 19:29

'Ri wa'õtõ u, ma tô rob'umhutu oto, Befazé u hã, duré Betãnha u hã. Oriwera na ẽtẽ 'rãihâ nhisi 'rata, 'ri wa'õno hã. Tisiré 're inomro mono norĩ hã ma tô sisõwa satõrĩ zahuré, maparane. Ãne te tãma rob'ru zahuré, Zezusi hã: — Õwa te za datẽme ane wa'wa, 'ri wa'õtõ u, asõ're uwaibaba wa'aba. Aimasisi aba wi, te za awaru po'repore isãmri 'wa, iprédupté hã, zahadu ni'wa ãma imorĩ'õ hã. Butu wazi na te za, da te ãma wasisi haré. Tawamhã te za iwasihui wa'wa, we saprõni aba da.

Luca 24:50

Tawamhã Zezusi hã ma tô tisiré 're inomro mono norĩ hã te te simro, 'ri ahâ nhiti, Betãnha na 'ri wa'õtõ nhisi u. Tamomo te te rob'umhutu za'ra wamhã, ma tô tinhib'rada hã wahutu, tisi hawimhã, iwẽ hã te te tãma sõmri za'ra da, Zezusi hã.

Zuwã 11:1

Tawamhã aibâ hã te 're hâimana, Lazaru na isisi hã, Betãnha na 'ri wa'õtõ nhisi ãma. Tame te duré ihidiba norĩ hã 're simasisi zahuré Maria norĩ hã, Martaha me. Maria hã niwapsi te za Zezusihi hã para u'ré, wedewa'u zadaze na, tãma rowẽ da. Taha parip si te za duré para u'õ, tizéré na hã. Tawamhã ma tô tihâzé, Lazaru hã. Hâzé wa, ma tô ihidiba norĩ hã da'mazatõrĩ zahuré, Zezusihi zô da'maimorĩ da, ihitébré zahuré hã te te tãma 'maiwasu'u da. Itẽme wisi wamhã, ãne te Zezusihi ma wasu'u: — Apito, aibâ 're isawi pese mono hã ma tô tihâzé.