Mateu 21:10 - ꞌRe Ihâimana Uꞌâsi Mono Zadawa Wasuꞌu

¹⁰ Tawamhã Zeruzalẽ u ma oto wi, Zezusi hã. Wisi wamhã, iwa 're idasi'ubumroi mono norĩ hã ma tô da'ahâ uptabi na 're dasiwairõtõ, da te dasima 'mahârâ za'ra sina. Tahawa, te nasi tasisadanharĩ za'ra ni, ãne: — E 'wa hã, õ hã bété.

Mateu 21:10 ပူးပေါင်းရင်းမြစ်များ

Mateu 2:3

Tawamhã apito Erodi ãne te te wapari wamhã, hâtâ'â uptabi di. Duré uburé Zeruzalẽ ãma 're idasi'ubumroi mono norĩ zama isu hâtâ'â za'ra di.

Mateu 21:11

Tawamhã Zezusihi zarina idasi'aba'ré norĩ hã ma tô dama nharĩ za'ra, Zeruzalẽ ãma 're idasi'ubumroi mono norĩ ma, ãne: — Ã hã Zezusi, 'Re ihâimana u'âsi mono zadawa 'mahârâ'wa, Nazaré na 'ri wa'õtõ nhisi hawi we imorĩ, Galiléa hawi.

Mateu 21:9

Tawamhã Zezusihi nhowa idasi'aba'ré norĩ hã duré isarina idasi'aba'ré norĩ zama te nasi dasima 'mahârâ za'ra ni, ãne: — Apito Dawihi nhihudu ãma, 're wawata za'ra wa'aba mono. Wanhib'apito zadawa para, te we oto mo. 'Re ihâimana u'âsi mono hã iwẽ si te te tãma 're pisutu u'âsi mono neza. 'Re ihâimana u'âsi mono ãma zama duré 're wawata za'ra wa'aba mono, hâiwa ãma 're isãmra mono ãma, wei watẽme te te satõrĩ wẽ te.

Luca 20:2

Itẽme simasa wamhã, te siwi sadanha, ãne: — E 'wa sadawa para, te bété ãne hã dama 're i'ab'manharĩ mo. E 'wa hã, aipisutu'wa. Ma'ãpé wama asiwasu'u za'ra na, wa te waihu'u za'ra da.

Luca 5:21

Tawamhã rowahutu'wa norĩ hã te farizeu norĩ me tãma nharĩ za'ra, tipẽ'ẽ na, ãne: — E niha ma tô bété õ hã tãma tinha, imorĩ'õ ma. 'Re ihâimana u'âsi mono ma, wẽ õ di, aibâ ma, te te inharĩzé hã. Dawasédé hã da te 're i'manharĩ wasété za'ra mono zé hã, ni'wa hã te te dama 're apari waihu'u mono õ di. 'Re ihâimana u'âsi mono ma si, waihu'u pese di, dawasédé hã te te dama 're i'apari mono da hã.

Luca 7:49

Tawamhã Zezusihi mreme, ma tô pi'õi ãma wapari za'ra, isiré isaihuri norĩ hã. Tahawa, ma tô tipẽ'ẽ na tãma nharĩ za'ra: — E 'wa hã õ hã, marĩ, da te 're i'manharĩ wasété za'ra mono zé, te te dama 're i'apari mono hã.

Zuwã 2:18

Tahawa, te dama ipire norĩ hã tãma nharĩ za'ra, ãne: — E 'wa sadawa para, ma tô idazate mo, rob u. 'Re ihâimana u'âsi mono zadawa para, sate mono wamhã, e marĩ te za i'manha, dama i'manharĩ waihu'u'õ hã wa te ãma aiwaihu'u za'ra da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:5

Tawamhã Saulu hã te asa 'mahâ: — Apito, e 'wa hã, a hã. Asa te duré ãhã wamhã tãma tinha: — Wa hã Zezusi, wa ai'mahâ, ĩwi 're iro'wa'rutu u'âsi mono.

Ruti 1:19

Tawamhã ma tô timorĩ na ãma uzusi zahuré oto, Belẽ u. Tawamhã oto simasisi wamhã, 'ri ahâ 're, 're idahâimana za'ra mono norĩ hã ma tô nemo 're dasiwairõtõ, simasisi zahuré wẽ te. Tawamhã ma tô pi'õ norĩ hã ãma sisadanharĩ za'ra, ãne: — E õ hã Noẽmi hã.

1 Samuéu 16:4

Tawamhã Samuéu hã ma tô 'manha, Uburé Danhib'apito te te tãma i'ruzéb uwaibaba. Taha pari, ma tô Belẽ u hã mo. Tawamhã oto wisi wamhã, 'ri'ahâ ãma dama i'rãnho'õmo norĩ hã ma tô pahi te rẽrẽ'ẽ sina, sina uzusi za'ra. Tawamhã te ãne siwi sadanha: — E aiwaimri na te we aimo, ã wamhã.