Mateu 21:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã Zezusihi siré 're inomro mono norĩ hã ma tô oto isiré ai'aba'ré, Zeruzalẽ u. Si'aba'réi wamhã, ma tô oto rob'umhutu za'ra, Befazé na 'ri wa'õtõ nhisi u hã. Oriwera na ẽtẽ 'rãihâ nhisi ãma te 'ri wa'õno hã 're hâimana. Te te oto rob'umhutu za'ra wamhã, ma tô Zezusi hã tisiré 're inomro mono norĩ hã maparane ihâiba na sisõwamhã satõrĩ zahuré, 'ri wa'õtõ u.

Mateu 21:1 ပူးပေါင်းရင်းမြစ်များ

Mateu 20:34

Tawamhã Zezusi hã ma tô ãma tipẽ'ẽzé zahuré, itob'a norĩ ãma. Tahawa, ma tô tõmo upi zahuré, apâ tõmo wẽ zahuré da. Te te tõmo upi zahuré wi, awa'awi ma tô tito pese zahuré. Te te rob'madâ'â wẽ zahuré di oto. Tawamhã Zezusihi zarina te oto tineb zahuré, awa'awi.

Mateu 21:2

Ãne ma tô tawamhã tãma nharĩ zahuré, te te isatõrĩ zahuré ma hã: — Õwa te za ane wa'wa, asõ're uwaibaba wa'aba, 'ri wa'õno hã ihâimana u. Tawamhã aimasisi aba wi, te za awaru po'repore hã isãmri 'wa, da te ãma wasisi haré, 'rãi wazi na isa hã. Tame te duré i'ra hã isiré isababa za. Tawamhã ta norĩ hã te za iwasihu zahuré wa'wa za, sahuré we ĩma saprõni aba da ãwamhã.

Mateu 24:3

Tawamhã Zezusi hã te oto nhamra, Oriwera na ẽtẽ 'rãihâ nhisi ãma. Sahâ na sãmra wamhã, ma tô oto 'râwi itẽme ubumro Zezusihi u, isiré 're inomro mono norĩ hã, hâiba pisutu te te siwi sadanharĩ da, ãne: — E niwa te za ãne hã ãma tiromhâiba, 'ri nhamrazéb da hã. Ma'ãpé wama waihu'u za'ra na, marĩ iwatobrozé hã, isõwa wa te ãma waihu'u siromo za'ra da. Duré e marĩ te za watobro, apâ za we i'aimorĩzéb da hã, wa te ãma iwaihu'u siromo za'ra zéb da hã, duré rob'rãsutuzéb u hã bâdâ, iwa iwaptã'ãzéb u da hã.

Mateu 26:30

Tawamhã tinho're na ma tô ãma tiwata za'ra, 'Re ihâimana u'âsi mono ãma. Sõ're za'ra parimhã, ma tô duré oto wairé, Oriwera na ẽtẽ 'rãihâ nhisi u si'aba'ré da.

Marcu 13:3

Tawamhã Zezusi hã te oto nhamra, Oriwera na ẽtẽ 'rãihâ nhisi ãma, tisiré 're inomro mono norĩ me. Sisõ're u, te 'ri 'madâ, 'Re ihâimana u'âsi mono nhorõwa hã. Te te 'madâ'â ré, te siwi sadanha, hâiba pisutu Pedru norĩ hã, Tiagu, Zuwã, Ãdré:

Marcu 14:26

Tawamhã Zezusi norĩ hã tinho're na te oto ãma tiwata za'ra, 'Re ihâimana u'âsi mono ãma. Taha pari, ma tô wairé, Oriwera na ẽtẽ 'rãihâ nhisi u si'aba'ré da.

Luca 21:37

Tawamhã Zezusi hã bâtâ sidâpâsi, te nasi dama rowasu'u, 'ri 'wawi wa'ra 're, 'Re ihâimana u'âsi mono nhorõwa 'ri ãma. Bara na hã te nasi ne, Oriwera na ẽtẽ 'rãihâ nhisi u. Tame ma tô nasi ãma ti'awẽ.

Luca 22:39

Tawamhã Zezusi hã ma oto rob u watobro, ẽtẽ 'rãihâ u morĩ da, Oriwera u. Tamomo 're ine mono zéb u te duré mo, Oriwera u. Isiré 're inomro mono norĩ hã te ime ai'aba'ré.

Zuwã 8:1

Tawamhã Zezusi hã ma tô mo, ẽtẽ 'rãihâ Oriwera u.

Zezusihi zadawa wasuꞌuꞌwa norĩ nhimiromhuri na robꞌuiꞌéré 1:12

Tawamhã Zezusihi zadawa wasu'u'wa norĩ hã te oto apâ ai'aba'ré, Oriwera na ẽtẽ 'rãihâ nhisi hawi, Zeruzalẽ u. Ta hawimhã, Zeruzalẽ u hã misi na ti'ai pibuzé hã.