Mateu 20:9 - ꞌRe Ihâimana Uꞌâsi Mono Zadawa Wasuꞌu

⁹ — Tawamhã hâiwahâ pesere, romhuri na te te isãna'rata za'ra hã ma tô rob'uiprazé hã waibu hâiba mono bâ, misi bâtâ na dapawa'âbâzéb uwaibaba, bâtâ bâ te te romhuri za'ra õ nherẽ.

Mateu 20:9 ပူးပေါင်းရင်းမြစ်များ

Mateu 20:10

Tawamhã dawana romhuri na te te isãna'rata za'ra norĩ hã ma tô duré hâiba mono bâ waibu rob'uiprazé hã, aiwapsi. Tane nherẽ, te te waibui wamhã, ma tô tãma nharĩ za'ra, buru tede'wai ma, isa'u romhuri na te te isãna'rata za'ra norĩ pawa'âbâ nhipai u, te te waibui õ wa.

Mateu 20:2

Tawamhã te te anhopẽtẽ wamhã, ma tô tãma pisutu za'ra, misi bâtâ na dapawa'âbâzéb uwaibaba te te ãma pawa'âbâ za'ra mono da. Taha wamhã, ma tô ãma saze za'ra, tãma iromhuri za'ra 'wa da hã. Tawamhã ma tô tãma rob'ru za'ra, misi bâtâ na te te romhuri za'ra da, rob're na, uwa 'ru na hã.

Mateu 20:8

— Tawamhã mara simei wamhã, tãma iromhuri'wa norĩ 'madâ'â'wai ma, te tinha ãne, buru tede'wa hã: “Ma'ãpé, uburé ĩma romhuri'wa norĩ zô aihârâ za'ra na, pawa'âbâ za'ra da oto. Tawamhã daza'u romhuri na te te isãna'rata za'ra norĩ, uimrehẽne te za ipawa'âbâ na'rata za'ra. Taha parip si te za duré romhuri na isãna'rata'wa norĩ hã ipawa'âbâ za'ra.” Ãne ma tô tãma waihu'u, buru tede'wa hã.