Tawamhã Zezusi hã ma tô duré romnhimiré'é na tãma rowasu'u za'ra, tisiré 're inomro mono norĩ ma, ãne: — 'Re ihâimana u'âsi mono, da'ãma 're isib'a'uwẽ mono zém na, wa za duré aima ãma romnhimiré'é za'ra wa'wa, ãne. Aibâ hã buru tede'wa hã bâdâ 'rãiwatobro wi, ma tô mo, tãma iromhuri'wa norĩ da hã, te te da'a'maipisutu da, te te ãma tãma iromhuri za'ra da hã, uwa 'ru na.
Mateu 20:7 - ꞌRe Ihâimana Uꞌâsi Mono Zadawa Wasuꞌu7 — Tawamhã asa te tãma nharĩ za'ra, ãne: “Ni'wa hã marĩ hã te te wama pisutu za'ra õ di, wa te tãma i'manharĩ za'ra zéb da hã. Tahawa, marĩ na hã wa te dame romhuri za'ra õ di, ã bâtâ na hã.” — Tawamhã buru tede'wa te duré tãma rob'ru za'ra: “Mo oto a norĩ wa'aba zama dazarina ai'aba'réi wa'aba, ĩburu na dame romhuri za'ra wa'aba da, uwa 'ru na.” Ãne ma tô buru tede'wa hã satõrĩ za'ra. အခန်းကိုကြည့်ပါ။ |
Mateu 20:7
16 ပူးပေါင်းရင်းမြစ်များ
Tawamhã hâiwahâ pesere te duré mo buru tede'wa hã, 'ri nhi'riti wa, da te dasima 're irowede za'ra mono zéb u. Tawamhã aibâ norĩ hã ma duré sõpẽtẽ za'ra aimawi hã, romhuri ãna taré da'rata isi'ubumro hã. Te te sõpẽtẽ za'ra wamhã, ãne te sadanharĩ za'ra: “E marĩ wa, te taré asimroi wa'wa, bâtâ bâ, marĩ hã dame 'manharĩ za'ra wa'aba ãna.”
— Tawamhã mara simei wamhã, tãma iromhuri'wa norĩ 'madâ'â'wai ma, te tinha ãne, buru tede'wa hã: “Ma'ãpé, uburé ĩma romhuri'wa norĩ zô aihârâ za'ra na, pawa'âbâ za'ra da oto. Tawamhã daza'u romhuri na te te isãna'rata za'ra norĩ, uimrehẽne te za ipawa'âbâ na'rata za'ra. Taha parip si te za duré romhuri na isãna'rata'wa norĩ hã ipawa'âbâ za'ra.” Ãne ma tô tãma waihu'u, buru tede'wa hã.
Ãne te ãma sisadanharĩ za'ra: — E marĩ, wa za 'manharĩ za'ra ni, aibâ norĩ ma hã. Tô sena, marĩ hã dama i'manharĩ waihu'u'õ hã ma tô 'manharĩ zahuré, danho'a. Ihi'ré hã ma tô pese zahuré. Aihĩni Zeruzalẽ ãma 're idahâimana za'ra mono hã ma tô wapari za'ra ni, ihi'ré wasu'u hã. Tahawa, wa norĩ hã iwasu'u, wa te dawi 're udâ waihu'u za'ra mono õ di za.
'Re ihâimana u'âsi mono ãma si, wa za 're wawata u'âsi za'ra. Taha ma si, tãma waihu'u pese di, te te 're iwa'apawapto mono zéb da hã, Zezu Cristuhu wasu'uwẽ hã wa te 're isaze za'ra mono zé hã wa te 're rẽme za'ra mono ãna, wanhiptete u'âsi ãma 're iwanomro mono zéb da hã. Taha wasu'uwẽ hã wa tô te dama 're wasu'u u'âsi. Duréihã iwasu'uwẽ hã, 'Re ihâimana u'âsi mono te te dama 're awaihu'u mono õ di. Iwasu'uwẽ hã dama sa'rese ãna, ma tô aré 're danomro. Tane nherẽ, ma tô 'Re ihâimana u'âsi mono hã iwasu'uwẽ hã dama waihu'u oto, isadawa 'mahârâ'wa norĩ nhimi'ui'éré hawimhã. Tahawa, te oto isimiwada'urizéb zarina si, da te 're waihu'u za'ra daro mono bâ, da te ãma 're isazei pese za'ra mono zéb da hã, duré da te 're iwapari pese za'ra mono zéb da hã oto.
Wapawa'âbâ ãna wawada'uri zarina si dama romhuri'wa 're iwahâimana za'ra mono norĩ, duré wawada'uri ãna wasi'uihâ na 're iwahâimana za'ra mono norĩ me zama, wa te dama 're i'manharĩ wẽ za'ra mono wa'rãmi, te za Wanhib'apito hã te te wama 're wa'âbâ za'ra. Ãhã wasu'u na te za 're asipo're pu'u u'âsi za'ra wa'aba mo.
'Re ihâimana u'âsi mono hã taré te te dama 're aropisutu mono õ di. I'uwaibaba si te uburé marĩ hã te te dama 're ab'manharĩ, te te dawi ãma 're a'upai mono ãna. Tahawa, tãma 're iromhuri za'ra wa'aba mono zém na hã ãma 're po're si'âri waihu'u mono õ di za. Isib'a'uwẽ norĩ hã tãma 're ipawaptob za'ra wa'aba mono zém na hã, duré tãma 're isawi pese za'ra wa'aba mono zém na hã, ãma po're si'âri waihu'u õ di za. Te za tô ãma 're sipo're pu'u u'âsi, ta norĩ ãma hã.
ကြော်ငြာတွေ