Mateu 20:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã hâiwahâ pesere te duré mo buru tede'wa hã, 'ri nhi'riti wa, da te dasima 're irowede za'ra mono zéb u. Tawamhã aibâ norĩ hã ma duré sõpẽtẽ za'ra aimawi hã, romhuri ãna taré da'rata isi'ubumro hã. Te te sõpẽtẽ za'ra wamhã, ãne te sadanharĩ za'ra: “E marĩ wa, te taré asimroi wa'wa, bâtâ bâ, marĩ hã dame 'manharĩ za'ra wa'aba ãna.”

Mateu 20:6 ပူးပေါင်းရင်းမြစ်များ

Provébiu 19:15

Dawa'a hã te za aptâ'â si te te dama 're sõmri za'ra. Duré iwa'a hã te za mra hã te te 're sépata.

Mateu 20:5

— Tawamhã iburu u te oto ai'aba'ré, te te tãma romhuri za'ra da. Tawamhã abzuma ma tô duré aibâ norĩ hã sõpẽtẽ za'ra, buru tede'wa hã. Tahawa, te duré satõrĩ za'ra, iburu na te te dame romhuri za'ra da. Bâdâ sipra wi, ma duré sõpẽtẽ za'ra aibâ norĩ hã, aimawi hã. Tawamhã tô õhõ si romhuri hã ma duré tãma pisutu za'ra. Taha wamhã, ta norĩ hã te duré oto dazarina ai'aba'ré.

Mateu 20:7

— Tawamhã asa te tãma nharĩ za'ra, ãne: “Ni'wa hã marĩ hã te te wama pisutu za'ra õ di, wa te tãma i'manharĩ za'ra zéb da hã. Tahawa, marĩ na hã wa te dame romhuri za'ra õ di, ã bâtâ na hã.” — Tawamhã buru tede'wa te duré tãma rob'ru za'ra: “Mo oto a norĩ wa'aba zama dazarina ai'aba'réi wa'aba, ĩburu na dame romhuri za'ra wa'aba da, uwa 'ru na.” Ãne ma tô buru tede'wa hã satõrĩ za'ra.

Mateu 20:9

— Tawamhã hâiwahâ pesere, romhuri na te te isãna'rata za'ra hã ma tô rob'uiprazé hã waibu hâiba mono bâ, misi bâtâ na dapawa'âbâzéb uwaibaba, bâtâ bâ te te romhuri za'ra õ nherẽ.

Zuwã 9:4

Ta hã ma tô we ĩzatõ, dapawaptom na te tãma 're romhuri mono da. Rowa'a ré, te za da te 're romhuri za'ra, 're mara mono wa, da te 're romhuri waihu'u za'ra mono dai õ wa za. Tahawa rowẽ ré, wa za wa te tãma 're romhuri za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 17:21

Atena ãma 're isi'ubumroi u'âsi mono norĩ hã, duré darob amoi hawi itẽme 're isihutu mono norĩ hã marĩ hã rowasu'u té hã te te 're wapari ze za'ra mono di. Te te sima ãma 're rowasu'u ze za'ra mono di duré. Tahawa, te ãne tãma nharĩ za'ra, Pauluhu ma.

Hebreu 6:12

Aiwa'a ãna õhõ ãma si 're aihâimana za'ra wa'aba mono da, wa tô te ĩsima 're aiwẽ za'ra wa'wa. Ni'wam norĩ hã siptete sina, Cristu te te sina 're i'umnhasi za'ra mono norĩ hã te za 'Re ihâimana u'âsi mono hã iwẽ uptabi hã tãma sõmri za'ra, te te tãma iropisutu za'ra zéb uwaibaba. Ta norĩ, 're ihâimana za'ra mono ne, Cristu hã asina 're umnhasi za'ra wa'aba mono da, wa tô te ĩsima 're aiwẽ za'ra wa'wa.