Mateu 20:5 - ꞌRe Ihâimana Uꞌâsi Mono Zadawa Wasuꞌu

⁵ — Tawamhã iburu u te oto ai'aba'ré, te te tãma romhuri za'ra da. Tawamhã abzuma ma tô duré aibâ norĩ hã sõpẽtẽ za'ra, buru tede'wa hã. Tahawa, te duré satõrĩ za'ra, iburu na te te dame romhuri za'ra da. Bâdâ sipra wi, ma duré sõpẽtẽ za'ra aibâ norĩ hã, aimawi hã. Tawamhã tô õhõ si romhuri hã ma duré tãma pisutu za'ra. Taha wamhã, ta norĩ hã te duré oto dazarina ai'aba'ré.

Mateu 20:5 ပူးပေါင်းရင်းမြစ်များ

Mateu 20:4

Tawamhã ãne ma tô tãma nharĩ za'ra: “A norĩ wa'wa hã te za oto ai'aba'réi wa'wa ĩburu u, uwa 'ru na dame romhuri za'ra wa'aba da. Tawamhã dapawa'âbâzéb uwaibaba, wa za duré aipawa'âbâ za'ra wa'wa.” Ãne ma tô duré buru tede'wa hã tãma pisutu za'ra.

Mateu 20:6

Tawamhã hâiwahâ pesere te duré mo buru tede'wa hã, 'ri nhi'riti wa, da te dasima 're irowede za'ra mono zéb u. Tawamhã aibâ norĩ hã ma duré sõpẽtẽ za'ra aimawi hã, romhuri ãna taré da'rata isi'ubumro hã. Te te sõpẽtẽ za'ra wamhã, ãne te sadanharĩ za'ra: “E marĩ wa, te taré asimroi wa'wa, bâtâ bâ, marĩ hã dame 'manharĩ za'ra wa'aba ãna.”

Mateu 27:45

Tawamhã ma tô oto ti'abzuma. Abzuma wamhã, ma tô tirobra, daro mono bâ. Bâdâ siprazéb u, te oto robra si nomro.

Zuwã 1:39

Tawamhã Zezusi te tãma nharĩ zahuré ãne asa: — Oto pé ĩzaprõni aba, ĩnhamrazé hã sabui wa'aba da. Tahawa, wa oto ime wanem ni, isãmrazéb u. Wasihutuzéb u ma tô bâdâ hã we tinho're za'a. Tawamhã bâtâ na wa i'rata aimasisi ni, Ãdréhé me. Simahã no, Ãdré hã.

Zuwã 11:9

Tawamhã ãne te tãma rowasu'u za'ra, Zezusi hã: — Bâtâ pusizém hawimhã bâdâ sébrézéb u hã rowa'a di. Tawamhã ni'wa hã rowa'a na morĩ wamhã, simei õ di za. E marĩ wa. Rowa'a na hã rob'madâ'â pibui pese wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:3

Tawamhã nimahã bâtâ na bâdâ sipra wi, ma tô marĩ hã 'madâ, sõtõ 'rowim ne. Hâiwa ãma 'Re ihâimana u'âsi mono ma, romhuri'wa hã ma tô 'madâ. Ma tô we itẽme sina rotété. Taha wamhã, te 'mahâ oto ãne: — Coneliu.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:9

Tawamhã si'aba'réi ré, ma tô tiwi ti'awẽ za'ra. Awẽ bâtâ na te duré ai'aba'ré, Zopi u. Tawamhã tamomo ma tô oto rosahutu za'ra. Tawamhã ta norĩ hã, Coneliu te te isatõrĩ za'ra norĩ hã itẽme sihutu õ ré, abzuma ma tô Pedru hã sai'u 'ri nhisi hâpâ u hâimo, 'Re ihâimana u'âsi mono ma, mreme da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 3:1

Tawamhã nimahã bâtâ na ma tô Pedru norĩ hã dame tineb zahuré, Zuwãhã me, 'Re ihâimana u'âsi mono nhorõwa 'ri u hã. Bâdâ sipi'rai wi, te dame tineb zahuré, 'Re ihâimana u'âsi mono ãma 're idawata za'ra mono zé bâtâ na.