Mateu 20:34 - ꞌRe Ihâimana Uꞌâsi Mono Zadawa Wasuꞌu

³⁴ Tawamhã Zezusi hã ma tô ãma tipẽ'ẽzé zahuré, itob'a norĩ ãma. Tahawa, ma tô tõmo upi zahuré, apâ tõmo wẽ zahuré da. Te te tõmo upi zahuré wi, awa'awi ma tô tito pese zahuré. Te te rob'madâ'â wẽ zahuré di oto. Tawamhã Zezusihi zarina te oto tineb zahuré, awa'awi.

Mateu 20:34 ပူးပေါင်းရင်းမြစ်များ

Salmu 119:67

Ĩ'azâri wana ré, wa tô ĩhâimanazém na te 're upa. Tane nherẽ, wa oto ãhã na hã aimreme te 're i'madâ'â pese mono na 're mo.

Salmu 119:71

Tô ĩma hã wẽ di, ĩma irob'manharĩzé hã, taha zarina asimiroti si te 're iwaihu'u mono da hã oto.

Mateu 14:14

Tawamhã Zezusi hã uba're hawi watobro wamhã, da'ahâ uptabi na ma tô da'ab'madâ. Te te da'ab'madâ'â wamhã, ma tô da'ãma tipẽ'ẽzé, Zezusi hã. Tahawa, ihâzé ré norĩ tame isi'ubumro norĩ hã ma tô apese.

Mateu 15:32

Tawamhã Zezusi hã ma tô tisiré 're inomro mono norĩ zô sima sô tihârâ za'ra. Tawamhã te tãma nharĩ za'ra, ãne: — Ãhã na ĩ'rata dasi'ubumroi ré, ma tô dasa hã dawi ai'utõ, si'ubdatõ bâdâ hã da'ãma si'utõrĩ wa. Tahawa, da'ãma hã ĩpẽ'ẽzé di, wa hã. Mram na dahâimana za'ra nherẽ, te dama rob'rui waihu'u õ di, apâ da te ropéi mono da hã. E marĩ wa. Bâdâdi wa, danhib'uwa za'ra wa, da te ãma ãpusi pese za'ra õ'umnhasite.

Mateu 20:33

— Apito, wato pese da, wa wasima wẽ ni. — Ãne ma tizadawa na tãma wa'rãmi zahuré, itob'a norĩ hã.

Mateu 21:1

Tawamhã Zezusihi siré 're inomro mono norĩ hã ma tô oto isiré ai'aba'ré, Zeruzalẽ u. Si'aba'réi wamhã, ma tô oto rob'umhutu za'ra, Befazé na 'ri wa'õtõ nhisi u hã. Oriwera na ẽtẽ 'rãihâ nhisi ãma te 'ri wa'õno hã 're hâimana. Te te oto rob'umhutu za'ra wamhã, ma tô Zezusi hã tisiré 're inomro mono norĩ hã maparane ihâiba na sisõwamhã satõrĩ zahuré, 'ri wa'õtõ u.

Mateu 8:15

Tawamhã ma tô sib'rata upi, Zezusi hã. Te te sib'rata upi wamhã, ma tô tiwahâ. Taha wamhã, pi'õ hã ma tô wahudu. Wahutu wamhã, ma tô isa hã tãma tisõ Zezusihi ma, sa da.

Mateu 9:29

Tawamhã Zezusi hã ma tô tõmo upi zahuré. Te duré tãma nharĩ zahuré ãne: — Asina ĩ'umnhasi aba zéb zarina, wa za tô ato pese 'wa.

Mateu 9:36

Tawamhã da'ahâ uptabi na te te da'ab'madâ'â wamhã, ma tô Zezusi hã da'ãma aiwamri tipẽ'ẽ na, pone'ẽrebâ 'madâ'â ãna 're inomro mono ne, robzei ãna 're dahâimana za'ra mono wa, iwẽ na hã 're dasipawapto waihu'u za'ra mono õ zarina.

Marcu 7:33

Tawamhã Zezusi hã ma tô aibâ hã danhiti sima saprõ. Tawamhã tinhipto hã ma tô ipo're 're tiza. Taha pari, ma duré tizadaipro na tinhipto hã sada di'i, te te ãma soto u'ré da.

Luca 18:43

Tawamhã awa'awi ma tô rob'madâ'â wẽ, aibâ hã. Zezusihi siré te oto mo, 'Re ihâimana u'âsi mono ãma, wata sina. Uburé, ãma i'madâ'â'wa norĩ zama, te 'Re ihâimana u'âsi mono ãma tiwata za'ra. Ãne Zezusi, itob'a te te ito pesezé wasu'u hã.

Luca 22:51

Tawamhã ma tô Zezusi hã tãma tinha, ãne: — Tô'ã. Tane hã 'manharĩ tõ. Tawamhã ma tô po're upi, tinhib'rata na. Tahawa, ma tô tipo're wẽ apâ.

Luca 7:13

Tawamhã imrotõ te te 'madâ'â wamhã, ma tô ãma tipẽ'ẽzé, Zezusi hã. Tawamhã ma tô tãma tinha, wawa tõ da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 26:18

Datob'a ne 're danomro mono wa, da te 're idato pese za'ra mono ne, te za 'Re ihâimana u'âsi mono nhimiroti na 're ipo're pu'u za'ra mo, zudeu'õ norĩ hã. Robra na 're inomro mono hã te za 're i'awaibui mo, rowa'a na oto 're nomro mono da, ta norĩ hã. Satanasihi nhiptetezém hawi te za 're i'apizari mo, 'Re ihâimana u'âsi mono niwĩ 're nomro mono da oto, te te sina 're ĩ'umnhasi za'ra mono zéb zarina, 'Re ihâimana u'âsi mono hã iwasédé hã te te tãma 're apari mono da, duré ãma 're sib'a'uwẽ za'ra mono da oto dame.” Tawamhã Paulu te duré siwasu'u, ãne:

Hebreu 2:17

Tahawa, tisisãnawã norĩ me, aiwa uptabi a'â 're hâimana mono da, ma tô si'a'uwẽ Zezusi hã, sasedoti 'Re ihâimana u'âsi mono ma, da'ãma romhuri'wa tisiré norĩ nhipai u ipire uptabi ne 're hâimana mono da, tãma umnhasi na te te tãma 're romhuri mono da, da'ãma pẽ'ẽzé uptabi sina. Taha da, ma tô si'a'uwẽ tô, taha zarina dawasédé hã te te oto dama 're apari mono da. Ta hã dasiré si'a'uwẽ õ 'wa'âhã, ãne hã te te aré sina uwaimrami waihu'u õ di, 'Re ihâimana u'âsi mono ma hã.

1 Pedru 3:8

Ĩmreme na wa za oto aima 'rãsutu za'ra wa'wa. Asimirosa'rata wẽ na te za aihĩni 're asisazei pese za'ra wa'aba mo. Duré dapẽ'ẽzé zarina da te 're robzépata za'ra mono wamhã, te za dasiré aipẽ hã 're isépata za'ra wa'aba mo, aipẽ'ẽzé sina. Duré uburé marĩ wẽ na dama 're rowẽ za'ra mono wa, 're dato za'ra mono wamhã, te za duré dasiré 're ato za'ra wa'aba mo. Te za duré 're asisawi pese za'ra wa'aba mo. Asima aipire na 're aihâimana za'ra wa'aba mono õ di za.