Mateu 20:17 - ꞌRe Ihâimana Uꞌâsi Mono Zadawa Wasuꞌu

¹⁷ Tawamhã Zezusihi siré 're inomro mono norĩ hã te oto Zeruzalẽ u isiré ai'aba'ré. Si'aba'réi ré, ma tô hâiba pisutu, tãma rowasu'u za'ra, tisiré 're inomro mono norĩ ma, 12 na ihâiba za'ra ma. Ãne te tãma rowasu'u za'ra, Zezusi hã:

Mateu 20:17 ပူးပေါင်းရင်းမြစ်များ

Zenezi 18:17

Tawamhã Uburé Danhib'apito te 'râwi sima tinha, ãne: “Abra'ãhã wi, za marĩ te i'manharĩzé te tiwi i'udâ da hã mare di za.

Mateu 13:11

Tawamhã Zezusi hã te asa tãma nharĩ za'ra, ãne: — 'Re ihâimana u'âsi mono hã a norĩ wa'aba ma si, ma tô dama iwaihu'u'õ hã aima waihu'u za'ra wa'wa, da'ãma 're isib'a'uwẽ mono zém na hã, sõ'awimhã te te dama hâi'ré õ nherẽ.

Mateu 16:13

Tawamhã Zezusi hã te oto mo darob amoi u, apito Filipihi te, Sézaréa na 'ri nho'õmo nhisi niwĩ. Tame ma tô sadanharĩ za'ra, tisiré 're inomro mono norĩ hã, ãne: — E niha ma tô dasima wasu'u za'ra ni, ti'ai ãma Dasiré Ipodo hã. E 'wa hã, ta hã te 're mo.

Zuwã 12:12

Tawamhã awẽm na Zezusi hã ma tô mo, Zeruzalẽ u. Zezusi hã Lazaru ab're hawi te te hâiwa'utu wamhã, ma tô ãma 'madâ'â za'ra ni aré. Tawamhã ãma i'madâ'â'wa norĩ hã ma tô dama rowasu'u za'ra aré, Zeruzalẽ ãma 're isi'ubumroi mono norĩ ma. Zeruzalẽ u dasi'rã'õtõ wamhã, daro mono bâ ma tô Lazaruhu wasu'u hã wapari za'ra ni, idasi'rã'õtõ mono hã. Zezusihi wasu'u, ma duré wapari za'ra ni, Zeruzalẽ u imorĩ na hã. Tahawa, te itẽme ai'aba'ré ni, Zeruzalẽ u idasi'rã'õtõ mono hã bâdâdi wa, da te uzusi za'ra da. Wa'asu te dasiré 'wasari ni, dama rowẽ wa, Zezusi da te ãma sawi za'ra da. Tawamhã Zezusi hã da te uzusi za'ra wamhã, te dasima 'mahârâ za'ra ni, ãne: — 'Re ihâimana u'âsi mono ãma 're wawata za'ra wa'aba mono. Õhõta Wanhib'apito, te we oto mo, 'Re ihâimana u'âsi mono zadawa para. 'Re ihâimana u'âsi mono hã iwẽ si te te tãma 're pisutu u'âsi mono da si, wa wasima wẽ za'ra ni, Izaraéu nhihudu norĩ nhib'apito ma hã. Tawamhã ma tô awaru po'repore hã tisã Zezusi hã, iprédupté hã. Tawamhã ma tô ãma darõno, ãma morĩ da. Ãne wamhã, ma tô sina uwaimra, ãma rob'ui'éré hã. Duréihã ma tô ãma rob'ui'éré siro, 'Re ihâimana u'âsi mono zadawa 'mahârâ'wa hã. Ãne ma tô ãma rob'ui'éré, Zeruzalẽ ãma 're idasi'ubumroi mono norĩ ma: “Siã na 're aihâimana za'ra wa'aba mono norĩ, aipahi za'ra wa'aba õ di za. Õhõta te we atẽme timorĩ za'ra wa'wa, Asib'apito za'ra wa'wa hã awaru po'repore ipréduptém na.” Ãma rob'ui'éré te te sina uwaimrami nherẽ, Zezusihi siré 're inomro mono norĩ ma, waihu'u pese za'ra õ di, ãma rob'ui'éré hã. Zezusi hã ab're hawi hâiwa'utu wa, hâiwa u rowẽ uptabi u apâ morĩ parip si, te za ãma sipo're pu'u za'ra, rob'ui'éré na. Tawapsi te za sima rowasu'u za'ra, ãne: “Tô sena ma tô sina uwaimra, ãma rob'ui'éré hã. Ãma dawata za'ra ré, ma tô datẽme mo, awaru po'repore na ipréduptém na.” Ãne te za sima rowasu'u za'ra.

Zuwã 15:15

Danhib'apito norĩ hã uburé tinhimiroti hã te te tãma 're waihu'u za'ra mono õ di, tãma iromhuri'wa norĩ ma hã, tãma iromhuri'wa norĩ si 're hâimana za'ra mono wa. Tanei õ di, wa hã. Uburé, wa tô Ĩmama nhimiroti hã te aima 're wasu'u za'ra wa'wa. Tahawa, ĩma romhuri'wa na si te 're asisi za'ra wa'aba mono õ di za oto. Te 're i'asawi pese za'ra wa'aba mono na zama, wa za oto te 're asisi za'ra wa'wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:41

Aihĩni, da te sabu za'ra õ di. Wa norĩ si wa tô wahâiba pisutu sabu za'ra ni. Romhâ ré, ma tô 'Re ihâimana u'âsi mono hã sima wawẽ za'ra, Zezusihi hâiwa'utuzém na wa te dama 're rowasu'u za'ra mono da. Tahawa, watẽmep si ma tô satõ, Zezusi hã hâiwa'utu parimhã. Wa tô isiré wasaihuri ni. Wa tô duré isiré âhuri ni, apâ hâiwa'utu parimhã.