Mateu 20:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã Zezusi hã ma tô duré romnhimiré'é na tãma rowasu'u za'ra, tisiré 're inomro mono norĩ ma, ãne: — 'Re ihâimana u'âsi mono, da'ãma 're isib'a'uwẽ mono zém na, wa za duré aima ãma romnhimiré'é za'ra wa'wa, ãne. Aibâ hã buru tede'wa hã bâdâ 'rãiwatobro wi, ma tô mo, tãma iromhuri'wa norĩ da hã, te te da'a'maipisutu da, te te ãma tãma iromhuri za'ra da hã, uwa 'ru na.

Mateu 20:1 ပူးပေါင်းရင်းမြစ်များ

Mateu 13:24

Tawamhã Zezusi hã ma tô duré tãma ãma romnhimiré'é za'ra, ãne: — 'Re ihâimana u'âsi mono, da'ãma 're isib'a'uwẽ mono zém na hã, wa za oto aima ãma romnhimiré'é za'ra wa'wa, ãne. Aibâ hã ma tô tiburu na amnho iwẽ hã te te a're, tãma 'rã da.

Mateu 13:31

Tawamhã romnhimiré'é na ma tô duré tãma rowasu'u za'ra, Zezusi hã, tisiré 're inomro mono norĩ ma, ãne: — 'Re ihâimana u'âsi mono, da'ãma 're isib'a'uwẽ mono zém na, wa za duré aima ãma simiré'é za'ra wa'wa, mostada nhamare, aibâ tiburu na te te i'a're na hã.

Mateu 13:33

Tawamhã Zezusi hã ma tô duré ãne na tãma ãma romnhimiré'é za'ra, isiré 're inomro mono norĩ ma: — 'Re ihâimana u'âsi mono, da'ãma 're isib'a'uwẽ mono zém na, wa za duré aima ãma romnhimiré'é za'ra wa'wa, ãne. Pi'õ hã te za i'u'ẽtẽ wapu duptobzé hã suru na sa'wa, trigu 'rã zu pese wazari, trigu zub'a si, sa'ẽtẽ uptabi wa. Tawamhã te te wazari pese wamhã, te za tidupto, i'u'ẽne hã. Duré te te mapu wamhã, te za oto tiza'ẽtẽ. Ãhã sine duré, 'Re ihâimana u'âsi mono, da'ãma 're isib'a'uwẽ mono zé hã.

Mateu 13:47

— Ãne hã duré, 'Re ihâimana u'âsi mono, da'ãma 're isib'a'uwẽ mono zé hã. Tepe mrami'wa norĩ hã ma tô abazipara hã sô siwi time, isõ'ui wa. Te te siwi mei wamhã, ahâ na ma tô siwi ãma 'mai'âri za'ra, ipoto mono bâ, tebe hã. Tawamhã tebe hã ahâ uptabi wamhã, ma tô abazipara hã siwi tisa, â zada'ré u. Tame ma tô oto tebe hã iwẽ si siwi waibu, si'õtõ 're, te te siwi séme da. Tebe siwamnarĩ norĩ da te 're ihuri mono õ hã ma tô duré taré siwi sãmra.

Mateu 20:2

Tawamhã te te anhopẽtẽ wamhã, ma tô tãma pisutu za'ra, misi bâtâ na dapawa'âbâzéb uwaibaba te te ãma pawa'âbâ za'ra mono da. Taha wamhã, ma tô ãma saze za'ra, tãma iromhuri za'ra 'wa da hã. Tawamhã ma tô tãma rob'ru za'ra, misi bâtâ na te te romhuri za'ra da, rob're na, uwa 'ru na hã.

Mateu 21:28

Tawamhã Zezusi hã te duré tãma rowasu'u za'ra, 'Re ihâimana u'âsi mono ma, da'ãma romhuri'wa norĩ ma, ãne: — Wa za oto aima ãma romnhimiré'é za'ra wa'wa. Ma'ãpé ãma rosa'rata pese za'ra wa'aba za. Aibâ hã te 're sãmra. Maparane i'ra hã. Tawamhã ti'ra poto 'rata ma, ma tô rob'ru, ãne: “Ĩ'ra, mo oto aimorĩ buru u, romhuri da, ã bâtâ na.”

Mateu 22:2

— 'Re ihâimana u'âsi mono, da'ãma 're isib'a'uwẽ mono zém na wa za duré aima ãma romnhimiré'é za'ra wa'wa, ãne. Apito 'ra si'aibâ hã tãma mro wẽ te, tãma irowẽzéb zarina ma tô sima roti, dasa hã te te dama 'manharĩ da, sa'ẽtẽ na, ti'ra mrozém na hã.

Mateu 23:37

Tawamhã Zezusi te duré dama tinha, ãne: — Zeruzalẽ ãma 're ai'ubumroi wa'aba mono norĩ ãma, ai'ãma ĩpẽ'ẽzé za'ra wa'aba di. Aihi'rata norĩ hã ma tô 'Re ihâimana u'âsi mono zadawa 'mahârâ 'rata 'wa norĩ hã te te 're simroi u'âsi. Datẽme te te 're isatõrĩ za'ra mono norĩ zama, te duré te te 're simroi u'âsi, ẽtẽ na. Si'a hã ti'ra zawi te, 're ipapo za'ra mono ne, wa aré te ĩsima 're aiwẽ u'âsi za'ra wa'wa, ĩsitẽme te 're ai'awaibui wa'aba mono da. Tane nherẽ, asima 're ĩwẽ za'ra wa'aba mono õ di asa hã.

Mateu 25:1

Tawamhã Zezusi hã ma tô tinhimiromnhimiré'é na tãma rowasu'u za'ra, tisiré 're inomro mono norĩ ma, ãne: — Nimahã na 'Re ihâimana u'âsi mono, oto da'ãma 're sib'a'uwẽ mono da, apâ we dazô ĩmorĩ wamhã, ni'wam norĩ si te za, ĩzô 're simipari za'ra mono sina, hâimana nhimiza'rese 're hâimana za'ra. Ã norĩ wasu'u zarina, wa za ãma aima romnhimiré'é za'ra wa'wa, ãne. Pi'õ ipréduptém norĩ hã bara na ma tô ai'aba'ré, dasina damro u, 10 na ihâiba za'ra na, imro'õ norĩ hã. Aibâ hã za azarutu na imro zô simipari za'ra da, ma tô itẽme ai'aba'ré, pi'õ nhorõwa u. Âro'ore hã te siré 'wasa hâiba bâ, aibâ hã za pi'õ na imro u wisi wa, te te tãma ãma rob'uiwẽ za'ra da, zudeu norĩ hâimanazéb zarina.

Mateu 25:14

Tawamhã Zezusi hã ma duré tinhimiromnhimiré'é na marĩ hã tãma waihu'u za'ra, tisiré 're inomro mono norĩ ma, ãne: — 'Re ihâimana u'âsi mono, za da'ãma 're isib'a'uwẽ mono zém na, wa za duré aima ãma romnhimiré'é za'ra wa'wa, ãne. Aibâ hã ma tô sima rowẽ, darob amoi u morĩ da. Tawamhã morĩ õ ré, ma tô sô tihârâ za'ra, tãma iromhuri'wa norĩ zô, tite rob'uiprazé hã te te tãma sõmri za'ra da, isa'u te te sô 'madâ'â za'ra da, duré te te sina tãma hâimo da, õhõ u'âsi simi'wara tõ da, tãma sina hâ'â ãna. Isimiromhuri wẽ na tãma i'umnhasi za'ra zarina, ma tô tãma sõmri za'ra. Imorĩ'rata ma hã ma tô 5 miu na tãma tisõ rob'uiprazé isapotore hã, ẽtẽ waipo pré oru 'manharĩ hã. Duré isãna're ma hã 2 miu na ma tô tãma tisõ. Duré da'rãsutu'wai ma hã, miu na ma tô tãma tisõ. Taha pari te oto mo, darob amoi u, danhib'apito hã.

Mateu 3:2

Taha wamhã, te ãne dama rowasu'u: — Ma'ãpé, aiwasété wi aipizari za'ra wa'aba. 'Re ihâimana u'âsi mono, da'ãma 're isib'a'uwẽ mono zéb u hã romhuture di oto. — Ãne te dama rowahutu, Zuwã Batista hã.

Marcu 13:34

Romnhimiré'é na, wa za marĩ hã aima waihu'u siromo za'ra wa'wa. Ãté aibâ hã te za tinhorõwa hawi watobro, romhâ na 're morĩ da. Tawamhã sisõ'a ré, tãma iromhuri'wa norĩ ma, te za romhuri hã te te tãma pisutu. Duré 'ridawa 'madâ'â'wai ma zama te za roti, te te sô 're rob'madâ'â pese mono da.

Zuwã 15:1

Tawamhã Zezusi te duré tãma siwasu'u za'ra, ãne: — Rob'ru na, wa ĩsina simiré'é, uwa 'ru na. Uwa 'ru 'madâ'â'wai ãma, wa za duré Ĩmama ãma simiré'é.

1 Corĩtu 15:58

Ĩsisãnawã norĩ, ĩma asawi pese za'ra wa'aba norĩ hã, tahawa, te za asiptete u'âsi Cristuhu ãma si 're anomro aba mo, tiwi 're aipizari za'ra wa'aba mono ãna. Wanhib'apito ma, 're iromhuri za'ra wa'aba mono zé hã taréi õ di. Ãne na asina waihu'u za'ra wa'aba wa, te za tãma 're iromhuri pese u'âsi za'ra wa'aba mo, asimi'ẽ na.