Mateu 2:5 - ꞌRe Ihâimana Uꞌâsi Mono Zadawa Wasuꞌu

⁵ Tawamhã ma te ãma sada'âbâ za'ra ãne: — Belẽ ãma te za waptãrã, Zudéa ãma. Duréihã 'Re ihâimana u'âsi mono zadawa 'mahârâ 'rata 'wa hã ma tô ãne na ãma rob'ui'éré siro, 'Re ihâimana u'âsi mono mreme na:

Mateu 2:5 ပူးပေါင်းရင်းမြစ်များ

Zenezi 35:19

Raqueu dâ'â wamhã, ma tô Efrata u bâdâdi zada'ré ãma dasiwi sẽrẽ ni, ãhã na 'ri wa'õtõ nhisi hã Belẽ na.

Mateu 2:1

Tawamhã Zezusi hã ma tô podo, Belẽ na 'ri nho'õmo nhisi ãma, Zudéa na danhipti'a nho'õmo nhisi ãma. Apito Erodi hã, Izaraéu nhihudu norĩ te te 're 'madâ'â za'ra mono ré, ma waptãrã. Waptã'ã parip si, ma tô wasi na romnhoré'wa norĩ hã aihutu Zeruzalẽ u, bâtâ pusizém hawi, rowaihu'u pese 'wa norĩ hã.

Mateu 2:4

Tawamhã apito Erodi hã ma tô sima 'rã'õtõ, 'Re ihâimana u'âsi mono ma, da'ãma romhuri'wa ipire norĩ hã, duré isimiroti na rob'ui'éré 'rata na dama rowahutu'wa norĩ hã te te sadanharĩ za'ra da ãne: — E mame te za waptãrã, 'Re ihâimana u'âsi mono te te ipisudu hã, Danho'reptui'wa da.

Zuwã 7:42

Danho'reptui'wa da hã apito Dawihi nhihudu te za, u, 're mo. Belẽ ãma te za, u, podo, tihi'rata za'ru ãma, Dawihi za'ru ãma. Ãne duréihã ma tô ãma rob'ui'éré siro, 'Re ihâimana u'âsi mono zadawa 'mahârâ'wa hã.

Zuize 17:7

Tahawa, aibâ iprédupté te Belẽ ãma niha bâtâ na hã a'â tihâiba, Zuda ti'ai 'remhã. Ta hã levita.

Ruti 1:1

Izaraéu na ti'ai wa'õtõ nho'õmo nhisi ãma, Mozésihi nhimiroti zarina, da'ãma rowairébé'wa norĩ te te 're da'madâ'â za'ra mono ré, ma tô mra hã da te 're sépata za'ẽtẽ za'ra. Tahawa, Belẽ hawimhã aibâ hã, Zuda na danhipti'a nho'õmo hawimhã, ma tô timro me tineb zahuré. Duré i'ra norĩ te isiré hã tineb zahuré, Moabi na ti'ai wa'õtõ nho'õmo nhisi ãma a'â 're hâimana zahuré mono da.

Ruti 1:19

Tawamhã ma tô timorĩ na ãma uzusi zahuré oto, Belẽ u. Tawamhã oto simasisi wamhã, 'ri ahâ 're, 're idahâimana za'ra mono norĩ hã ma tô nemo 're dasiwairõtõ, simasisi zahuré wẽ te. Tawamhã ma tô pi'õ norĩ hã ãma sisadanharĩ za'ra, ãne: — E õ hã Noẽmi hã.

Ruti 2:4

Tawamhã Buazi ma tô Rutihi ãma ronomro pesere õ ré, isãna're pesere wi, Belẽ hawimhã. Wisi wi, romhuri'wa norĩ ma, ma tô nharĩ za'ra, ãne: — Uburé Danhib'apito hã asiré 're hâimana za'ra wa'aba mono da, wa hã wa tô ĩsima te 're wẽ. — Uburé Danhib'apito hã rowẽ si te te aima 're pisutu mono da, wa wasima wẽ za'ra ni. — Ãne ma tô ãma tãma wa'rãmi za'ra, romhuri'wa norĩ hã.

Ruti 4:11

Tawamhã ma tô uburé ãma saze za'ra ni, ãne: — Ĩhe, wa norĩ hã wa tô ai'madâ'â za'ra ni tô. Tawamhã dama ipire norĩ hã te duré tãma nharĩ za'ra, Buazihi ma hã: — Wama wẽ za'ra di, Uburé Danhib'apito hã pi'õi ma, za ãma i'aimro ma hã te te ipisutu da hã 'ra ahâ da, Raqueu norĩ ne Léiaha me hã. Ta norĩ hã ma tô ti'ra ahâ zahuré, Zacoho ma. Taha zarina ma tô dana na 're hâimana zahuré, Izaraéu nhihudu norĩ ma hã. Wama wẽ za'ra di, asibro pese da hã, duré dama asa'rese za'ẽtẽ da, Belẽ-Efrata ãma hã.

1 Samuéu 16:1

Tawamhã Uburé Danhib'apito te Samuéu ma tinha ãne: — E momo te za Sauhu ãma aipẽ'ẽzézé hã i'rãsu. Wa hã te ĩsima wẽ zahu õ di, Izaraéu nhihudu norĩ nhib'apito na 're ihâimana mono da hã. Tahawa, ma'ãpé azeitona 'rãi wa'u hã 'masisi abazei õmo 're, asiré âri da. Taha parimhã te za aimo, Belẽ na 'ri'ahâ nhisi u aibâ Zésé na isisi nhorõwa u. E marĩ wa. Wa hã i'ra norĩ wa tô 'maipisutu, i'masi'apito da hã.