Mateu 2:4 - ꞌRe Ihâimana Uꞌâsi Mono Zadawa Wasuꞌu

⁴ Tawamhã apito Erodi hã ma tô sima 'rã'õtõ, 'Re ihâimana u'âsi mono ma, da'ãma romhuri'wa ipire norĩ hã, duré isimiroti na rob'ui'éré 'rata na dama rowahutu'wa norĩ hã te te sadanharĩ za'ra da ãne: — E mame te za waptãrã, 'Re ihâimana u'âsi mono te te ipisudu hã, Danho'reptui'wa da.

Mateu 2:4 ပူးပေါင်းရင်းမြစ်များ

Esdra 10:5

Tawamhã Esdra, hâiwi oto sa wamhã, ma tô sasedoti ipire norĩ ma hã, levita ipire norĩ ma hã, duré uburé a'uwẽ norĩ ma hã tãma 'ru za'ra, Secaniasi te te tãma inharĩ za'ra zéb zarina te te siwi 'manharĩ da, te te siwi iropisutu da hã. Tahawa, ma tô ropisutu za'ra oto.

Esdra 7:6

Esdra hã rowaihu'u pese 'wa. Duré Uburé Danhib'apito, Izaraéu nhihudu norĩ te 'Re ihâimana u'âsi mono, Mozésihi ma, tinhimiroti na rob'ui'éré hã te te tãma isõmri waihu'u wẽ 'wa, te 're mo. Tawamhã ta hã ma tô apito Artazesihi u hã mo. Morĩ wamhã, ma tô uburé te te tiwi iwaptẽrẽzé hã tãma tisõ. E marĩ wa. Uburé Danhib'apito, Esdraha ma, iwẽ si te te tãma 're apisutu mono wa. Ãne ma tô ta hã Babilonia hawimhã mo, Zeruzalẽ u hã,

Salmu 2:2

Ti'ai ãma isib'apito norĩ hã, duré dama i'rãnho'õmo norĩ hã te Uburé Danhib'apito zada te te sima 're rowa'õtõ za'ra, duré za apito te te ipisutu da zama.

Mateu 13:52

Tawamhã ãne te duré tãma rowasu'u za'ra, Zezusi hã: — Wa za duré aima ãma romnhimiré'é za'ra wa'wa, ãne. Ãté 'ri tede'wa te za marĩ iwẽ hã te te 're azani, 'ri 're wa'wa ãma 're iromnhimi'wara mono zém hawi, te te dama 're anhomri mono da. E tawamhã marĩ i'ratare si te za te te dama 're azani. Mare di. Marĩ itéb zama te za duré te te dama 're azani, te te dama 're anhomri mono da. Tane duré, ni'wam norĩ hã 'Re ihâimana u'âsi mono nhimiroti waihu'u pese 'wa norĩ hã da'ãma 're isib'a'uwẽ mono zé wasu'u te te waihu'u pese za'ra wamhã, ta norĩ hã te za isimiroti itéb zama te te dama 're waihu'u za'ra, isimiroti 'rata me.

Mateu 2:3

Tawamhã apito Erodi ãne te te wapari wamhã, hâtâ'â uptabi di. Duré uburé Zeruzalẽ ãma 're idasi'ubumroi mono norĩ zama isu hâtâ'â za'ra di.

Mateu 2:5

Tawamhã ma te ãma sada'âbâ za'ra ãne: — Belẽ ãma te za waptãrã, Zudéa ãma. Duréihã 'Re ihâimana u'âsi mono zadawa 'mahârâ 'rata 'wa hã ma tô ãne na ãma rob'ui'éré siro, 'Re ihâimana u'âsi mono mreme na:

Mateu 21:15

Tawamhã ai'uté norĩ hã ma tô nasi sima 'mahârâ za'ra, ãne: “Apito Dawihi nhihudu ãma, 're wawata za'ra wa'aba mono.” Ãne te nasi sima 'mahârâ za'ra, 'ri 'wawi wa'ra 're, sãmra ré. Tawamhã 'Re ihâimana u'âsi mono ma, da'ãma romhuri'wa norĩ ma, ipire norĩ hã tisiré ma, duré isimiroti na rob'ui'éré 'rata na dama rowahutu'wa norĩ hã, ai'uté norĩ te te nasi sima i'mahârâ za'ra zé hã te te wapari za'ra wamhã, duré tinhimiromhõsi na Zezusi te te 're ida'apawapto mono zé te te 'madâ'â za'ra wamhã, ma tô sada tizahi za'ra, Zezusihi zada.

Mateu 21:23

Tawamhã Zezusi hã ma tô apâ mo, 'Re ihâimana u'âsi mono nhorõwa 'ri u. Tame te oto dama rowahutu, 'ri 'wawi wa'ra 're. Tawamhã sasedoti ipire norĩ hã ma tô itẽme aimasa, zudeu norĩ ma roti'wa norĩ zama. Tawamhã Zezusi hã te siwi sadanha, ãne: — E 'wa sadawa para, te bété ãne hã marĩ hã dama 're i'ab'manharĩ mo. E 'wa hã, aipisutu'wa.

Mateu 26:3

Tawamhã sasedoti ipire norĩ hã, duré zudeu norĩ ma roti'wa norĩ hã ma tô si'rã'õtõ, Caifasihi nhorõwa u, 'ri za'ẽtẽ u. Ta hã tisiré norĩ nhipai u sasedoti ipire uptabi 're ihâimana mono, 'Re ihâimana u'âsi mono ma, da'ãma romhuri'wa.

Mateu 26:47

Tawamhã Zezusi hã zahadu te te rowasu'u ré, ma we Zuda hã sô wi, aré Zezusihi siré 're inomro mono norĩ me 're imorĩ, 12 na ihâiba za'ra siré hã. Da'ahâ na te duré we isiré ai'aba'ré ni, sib'ézé 'wa pa ré, duré uibroi ré zama. Sasedoti ipire norĩ zadawa para te we ai'aba'ré, zudeu norĩ ma roti'wa norĩ zadawa para zama.

Mateu 27:1

Tawamhã mararé ma uburé sasedoti ipire norĩ hã, duré zudeu norĩ ma roti'wa norĩ hã si'rã'õtõ, te te sima ãma roti za'ra da, Zezusihi ãma, te te dama sõmri za'ra da, da te dasiwi wĩrĩ da. Taha da, te roti hã sima 'manharĩ za'ra, Zezusihi hâiba na.

Mateu 7:29

'Re ihâimana u'âsi mono nhimiroti 'rata na rob'ui'éré na dama rowahutu'wa norĩ, simirowasu'u wapure na te te dama 're irowahutu za'ra mono ne, te te dama 're rowahutu mono õ di, Zezusi hã. Simirowahutu pire uptabi na ma tô te te dama 're rowasu'u. Tahawa, ma ãma tatob'uzu za'ra ni, dama iwaihu'u'õ hã te te dama wasu'u wa.

Marcu 8:31

Tawamhã ãne te Zezusi hã tãma siwasu'u za'ra, tisiré 're inomro mono norĩ ma: — Ti'ai ãma Dasiré Ipodo hã, 'Re ihâimana u'âsi mono te te tãma ipisutuzéb zarina, te za robzépata za'ẽtẽ. Dama roti'wa norĩ hã te za siwi wẽ'õ za'ra, ihi norĩ hã. Sasedoti ipire norĩ zama, duré dama rowahutu'wa norĩ zama, te za siwi wẽ'õ za'ra. Tawapsi te za dasiwi wĩrĩ ni. Tawamhã bâdâ maparane ãma si'utõrĩ õ ré, te za hâiwa'udu apâ.

Luca 20:19

Buru 'madâ'â'wa norĩ wasu'u te te dama wasu'u wamhã, ma tô sina waihu'u za'ra, dama rowahutu'wa norĩ hã. Sasedoti norĩ hã sima ipire za'ra norĩ me, ma tô sina waihu'u za'ra. Taha 'ru te, te aré sima wẽ za'ra, te te siwi âri da, Zezusi hã, awa'awi. Tane nherẽ, dama pahi za'ra wa, ma tô siwi ãma rosazâ a'â.

Luca 23:10

Tahawa, te oto Erodihi u aimasa, sasedoti ipire norĩ hã. Rowahutu'wa norĩ me, te itẽme aimasa. Mreme tete na, ma taré siwi pisutu zahi za'ra, Zezusi hã.

Zuwã 18:3

Tahawa te te oto sô danhimro, tamomo. Da'wapéi'wa norĩ hã te sô te te simro, ahâ na. Zeruzalẽ ãma 'Re ihâimana u'âsi mono nhorõwa 'ri 'madâ'â'wa norĩ zama te sô te te simro, sasedoti ipire norĩ zadawa para, duré farizeu norĩ zadawa para. Tawamhã rob'uiwẽzéb ré, te sô ai'aba'ré ni, duré 'rãsitõ ré zama. Danhiwãi ré zama te duré sô ai'aba'ré ni, sib'ézé 'wapa ré zama.

Zuwã 3:10

Ãhã wa, te duré Zezusi hã asa tãma tinha, ãne: — A hã Izaraéu nhihudu norĩ ma, rowahutu'wa. E niha tane nherẽ, ĩnhimirowasu'u hã aima pibui prã ti. E niha waihu'u õ di bété.

Zuwã 7:32

Tawamhã farizeu norĩ hã ma tô Zezusihi ãma dawapari za'ra. Tahawa, ma tô sô satõrĩ za'ra, Zezusi hã te te siwi âri da, 'ri 'madâ'â'wa norĩ hã, 'Re ihâimana u'âsi mono nhorõwa 'madâ'â'wa norĩ hã. 'Re ihâimana u'âsi mono ma, da'ãma romhuri'wa ipire norĩ me, duré sasedoti ipire norĩ me, ma tô sô satõrĩ za'ra.

Zuwã 8:3

Te te dama rowahutu ré, ma tô we itẽme aihutu, 'Re ihâimana u'âsi mono nhimiroti 'rata na rob'ui'éré na dama rowahutu'wa norĩ hã, farizeu norĩ me. Pi'õ hã te we itẽme siwi saprõ. Mro ré nherẽ, aibâ aimawi ré nomro ré, da te 'madâ'â wa, te we itẽme siwi saprõni za'ra, niha isimiroti hã te te ãma waihu'u za'ra da. Tawamhã dawa'wa u ma tô siwi 'mazé pi'õ hã, Zezusihi nho're sab da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 4:5

Tawamhã ma tô da'ãma ti'awẽ za'ra. Da'ãma awẽ za'ra wamhã, ma tô si'rã'õtõ, Zeruzalẽ ãma sasedoti ipire norĩ hã. Zudeu norĩ ma, roti'wa norĩ hã ma tô ime si'rã'õtõ, 'Re ihâimana u'âsi mono nhimiroti 'rata na rob'ui'éré na dama rowahutu'wa norĩ me zama.

Zezusihi zadawa wasuꞌuꞌwa norĩ nhimiromhuri na robꞌuiꞌéré 6:12

Tahawa, ma tô ãne hã dama wasu'u wasété za'ra, Estewã hã. Duré 'Re ihâimana u'âsi mono nhimiroti 'rata na rob'ui'éré na dama rowahutu'wa norĩ ma zama, duré dama roti'wa norĩ ma zama, ma tô ãne wasu'u wasété za'ra. Aihĩni sada danhiti'rui wairébé da, ma tô ãne dama wasu'u wasété za'ra. Tawamhã ma tô oto sô ai'aba'ré, Estewãhã zô. Tahawa, ma tô siwi ti'â. Te te siwi âri wamhã, ma tô siwi saprõ, zudeu norĩ ma, ipire za'ra norĩ u.