Mateu 2:23 - ꞌRe Ihâimana Uꞌâsi Mono Zadawa Wasuꞌu

²³ Tame te oto 're simasisi zahuré, Nazaré na 'ri wa'õtõ nhisi ãma. Ãne iromhâimanazé hã, duréihã 'Re ihâimana u'âsi mono zadawa 'mahârâ 'rata 'wa norĩ nhimi'ui'éré hã te te ãma uwaimrami da. Ãne duréihã iwasu'u na rob'ui'éré 'rada hã: “Ta hã Nazaré ãma 're isãmra mono na te za oto da te 're sisi za'ra.” Ãne ma tô waihu'u siromo za'ra, za da te dasima 're iwasu'u za'ra mono zéb da na hã.

Mateu 2:23 ပူးပေါင်းရင်းမြစ်များ

Mateu 1:22

Ãne da hã ma tô pisutu, Zezusihi ma, 'Re ihâimana u'âsi mono hã duréihã tizadawa wasu'u 'rata 'wai ma, Izaiaha ma, te te iwaihu'uzém na te te ãma uwaimrami da. Ãne ma tô tãma waihu'u, duréihã: “Pi'õi ubuni hã te za tiwasã. Duré i'ra hã te za tãma waptãrã, aibâ na. Taha nhisi hã za, Emanuwé na.” ('Re ihâimana u'âsi mono, wasiré 're imorĩ u'â, te wasu'u, isisi hã.) Ãne 'Re ihâimana u'âsi mono te te ãma irowaihu'u siromo zé hã duréihã.

Mateu 21:11

Tawamhã Zezusihi zarina idasi'aba'ré norĩ hã ma tô dama nharĩ za'ra, Zeruzalẽ ãma 're idasi'ubumroi mono norĩ ma, ãne: — Ã hã Zezusi, 'Re ihâimana u'âsi mono zadawa 'mahârâ'wa, Nazaré na 'ri wa'õtõ nhisi hawi we imorĩ, Galiléa hawi.

Mateu 26:71

Tawamhã te oto mo, 'ri 'wawi wa'ra ãma 'ridawa u. Tame sãmra ré, ma tô duré pi'õ ihâiba amo hã tisã Pedru hã, 'Re ihâimana u'âsi mono ma da'ãma romhuri'wa norĩ nhib'apito ma romhuri'wa hã. Te te duré ta hã sãmri wamhã, i'rata isimasam norĩ ma, te wasu'u za'ra, ãne: — Õ hã Zezusihi siré 're imorĩ, Nazaré ãma aré 're isãmra mono siré.

Marcu 1:24

— Zezusi, Nazaré nhihudu, e marĩ zô te we aimo. E wa'uprosi da, te we aimo. A hã ĩma aiwaihu'u pese di, 'Re ihâimana u'âsi mono, we te te i'asatõrĩ na hã. Duré aiwẽ uptabi di, a hã.

Marcu 1:9

Tawamhã ãne te te dama 're wasu'u mono ré, ma tô Zezusi hã itẽme wi, Nazaré na 'ri wa'õtõ nhisi hawi. Galiléa na danhipti'a nho'õmo nhisi ãma, Nazaré hã. Itẽme wisi wamhã, ma â dawabzuri hã Zezusihi ma 'manha, Zodã pa na â nhisi ãma.

Luca 1:26

Tawamhã a'amo imropâ hã Izabéhé ãma oto si'utõrĩ wamhã, iwasã na hã, 'Re ihâimana u'âsi mono ma we duré satõ ti'ai u, Gabriéu hã, hâiwa ãma tãma iromhuri'wa hã. Nazaré u, ma we satõ, pi'õi ubuni ma, te te duré sadawa wasu'u da. Galiléa ãma, Nazaré hã. Pi'õ nhisi hã, Maria na isisi hã. Ta hã, azarudu. Niwapsi, Zuzéhé me te za sina timro zahuré, apito Dawihi nhihudu me.

Luca 18:37

Tahawa, te asa tãma rowasu'u za'ra ni, ãne: — Zezusi, Nazaré hawi we imorĩ, ma ro'razâ.

Luca 2:39

Zuzé norĩ hã zahadu te aimasisi, Zeruzalẽ ãma. Tame simasisi ré, ma tô ãma uwaimrami zahuré, uburé 'Re ihâimana u'âsi mono nhimiroti hã. Tawamhã te oto tineb zahuré apâ, tirob u. Galiléa u, te tineb zahuré apâ, Nazaré u. Tawamhã ma tô aimasisi zahuré apâ, tinhorõwa u.

Zuwã 18:5

Tawamhã asa te ãne tãma nharĩ za'ra: — Zezusi Nazaré hawib zô, wa we warĩtĩ za'ra. Tawamhã Zezusi te dama siwasu'u oto, ãne: — Ãhãta wa hã Zezusi, wa za.

Zuwã 18:7

Tawamhã Zezusi te duré dama tinha, ãne: — E 'wa sô, te asõpré wa'wa. Tawamhã asa te duré tãma nharĩ za'ra, ãne: — Zezusihi zô, wa wanhopré ni, Nazaré hawi we imorĩ zô.

Zuwã 19:19

Tawamhã Pilatu, ma tô ãne ãma rob'ui'éré: “Ã hã Zezusi, Nazaré hawi we imorĩ, zudeu norĩ nhib'apito.” Ãne ma tô ãma rob'ui'éré. Tawamhã te te ãma rob'ui'éré pari, te dama ti'ru, i'rãi uwaibaba te te siwi 'mazasõmri da, rob'ui'éré hã. Si'ubdatõ damreme na rob'ui'éré hã. Hebreu norĩ mremezém na, duré romanu norĩ mremezém na, duré gregu norĩ mremezém na.

Zezusihi zadawa wasuꞌuꞌwa norĩ nhimiromhuri na robꞌuiꞌéré 2:22

Tawamhã Pedru hã ma tô duré ãma uzusi, tinhimirowasu'u na, ãne: — Wasiré Izaraéu nhihudu norĩ, ĩwapari pese za'ra wa'aba za. Zezusi hã Nazaré ãma aré 're isãmra mono hã, ta hã, 'Re ihâimana u'âsi mono zadawa para, ma tô te te 're da'apawapto, danho'a. Marĩ iwẽ hã dama i'manharĩ waihu'u'õ hã ma tô te te dama 're ab'manharĩ. Tô sena, õ hã 'Re ihâimana u'âsi mono zadawa para, te te dama 're i'ab'manharĩ mono zém na da te 're waihu'u za'ra mono da, ma tô Timama waihu'u pese zarina marĩ iwẽ hã te te dama 're ab'manharĩ. Ai'rata 're hâimana za'ra wa'aba mono wa, ma tô ãne na hã ãma asiwi i'madâ'â waihu'u 'wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 24:5

Õ hã aibâ hã wa tô waihu'u za'ra ni, timreme na daré ro'wa'rutu'wa na hã. Duré daro mono bâ zudeu norĩ hã te te iropéi mono tẽme 're morĩ wamhã, ma tô te te da'ãma 're aro'wa'rutu. Duré nazarenu na dasina dasipo'ozém nhisi niwĩ, 're inomro mono ma hã pire di, õ hã.

Zuize 13:5

E marĩ wa. A hã za aiwasã wa, ai'ra aima poto da hã. Duré niwamhã séré nhihâri õ di za. E marĩ wa. Ta hã, ipotozém hawim haré, 'Re ihâimana u'âsi mono te na, za tãma 're hâimana mono wa, Nazire norĩ siré 're hâimana mono da hã. Tahawa te za filisteu norĩ nhiptetezé wi, Izaraéu nhihudu norĩ te te 're i'anho'reptui mono zém na ãma sãna'rata za.

1 Samuéu 1:11

Tawamhã te ropisudu sena na tãma 'manha ãne: — Wanhib'apito 'Re ihâimana u'âsi mono I'aiwaihu'upe, ma'ãpé asib'a'uwẽ hã, ĩ'madâ'â! Duré sa'ẽtẽ na, robzei'õ te te ĩ'azârizé hã 'madâ'â! Tahawa, asib'a'uwẽ ãma, ĩ'ãma aipo're si'âri õ di za! Duré a hã ĩ'ra ĩma sõmri wamhã, wa za aima ropisutu, apâ te aima sõmri da za. Duré niwamhã ta hã tizéré hã te te sihâri õ di za.