Mateu 2:2 - ꞌRe Ihâimana Uꞌâsi Mono Zadawa Wasuꞌu

² Tawamhã ta norĩ hã te sô anharĩ za'ra, ãne Zezusihi zô hã: — E mahãta 'watébrémi, zudeu norĩ nhib'apito da, ipodo hã. Wasi, wa norĩ hã wa tô 'madâ'â za'ra ni, bâtâ pusizém niwĩmhã, zudeu norĩ nhib'apito da, ipotozé te te iwasu'u hã. Tahawa, wa tô we ai'aba'ré ni, ãma wawata za'ra da.

Mateu 2:2 ပူးပေါင်းရင်းမြစ်များ

Salmu 2:6

Tawamhã te ãne tinha: “Apito da, te ipisudu hã wa tô dasimasisizé ipire na hã tisã, Siã ẽtẽ 'rãihâ nhisi ĩte iwazéb zahi ãmamhã.”

Salmu 45:11

A hã ai'madâ'â zei wa, te za apito hã sima ai'madâ'â ze pese. Ta hã te za 're iwazé wẽ mo, tô asib'apito wa.

Mateu 2:3

Tawamhã apito Erodi ãne te te wapari wamhã, hâtâ'â uptabi di. Duré uburé Zeruzalẽ ãma 're idasi'ubumroi mono norĩ zama isu hâtâ'â za'ra di.

Mateu 21:5

“Ma'ãpé, tãma rowasu'u za'ra wa'aba, Siã na ẽtẽ 'rãihâ nhisi ãma 're idasi'ubumroi mono norĩ ma, ãne: ‘Õhõta te we oto atẽme timorĩ 'wa, asib'apito za'ra wa'wa hã. Ta hã dazada 're ihâimana mono õ isimizawi pe te we ãma mo, awaru po'repore na, ipréduptém na hã.’ ”

Mateu 27:11

Tawamhã Zezusi hã Zudéa ãma da'madâ'â'wa nho're, te oto za, Pilatuhu nho're. Tawamhã Pilatu te sadanha, ãne: — E a hã, zudeu norĩ nhib'apito. Tawamhã Zezusi te asa tãma tinha, ãne: — Tahata ma tô tane hã tô ĩ'ãma iwaihu.

Luca 2:11

à bâtâ na ma tô waptãrã Belẽ ãma, danho'reptui'wa da hã, Dawihi za'rui ãma. Ta hã 'Re ihâimana u'âsi mono te te ipisudu, Danho'reptui'wa da, uburé Danhib'apito da hã.

Luca 23:3

Tawamhã Pilatu te Zezusihi ma tinha, ãne: — E a hã, zudeu norĩ nhib'apito. Tahawa, ma tô Zezusi hã asa tãma tinha, ãne: — Tahata tô ma tô tane hã ĩ'ãma iwaihu.

Luca 23:38

Zezusihi 'rãi uwaibaba, te da'o, ãma irob'ui'éré ré hã. “Ã hã, zudeu norĩ nhib'apito.” Ãne ãma irob'ui'éré hã.

Zuwã 1:49

Tawamhã Natãnaéu asa te duré tãma tinha, ãne: — Rowahutu'wa, a hã 'Re ihâimana u'âsi mono 'ra. A hã uburé Izaraéu nhihudu norĩ nhib'apito.

Zuwã 18:37

Tahawa, ma tô Pilatu hã asa duré sadanha, ãne: — E a hã danhib'apito. Zezusi te duré tãma tinha, ãne: — Tahata ma tô tane hã ĩ'ãma iwaihu. Taha da, wa tô ti'ai ãma podo. Taha da, wa tô we ti'ai u datẽme mo, roti tô sena uptabi hã te dama 're wasu'u mono da. Ni'wam norĩ hã roti tô sena uptabi hã te te sima 're wẽ za'ra mono wamhã, ta norĩ si te za te te 're ĩwapari ze za'ra.

Zuwã 19:19

Tawamhã Pilatu, ma tô ãne ãma rob'ui'éré: “Ã hã Zezusi, Nazaré hawi we imorĩ, zudeu norĩ nhib'apito.” Ãne ma tô ãma rob'ui'éré. Tawamhã te te ãma rob'ui'éré pari, te dama ti'ru, i'rãi uwaibaba te te siwi 'mazasõmri da, rob'ui'éré hã. Si'ubdatõ damreme na rob'ui'éré hã. Hebreu norĩ mremezém na, duré romanu norĩ mremezém na, duré gregu norĩ mremezém na.

Zuwã 20:28

Tawamhã Tome te asa tãma tinha, ãne: — A hã, Ĩnhib'apito uptabi. A hã, 'Re ihâimana u'âsi mono. Ai'ãma si, wa za 're ĩwata u'âsi.

Zuwã 9:38

Tawamhã ma tô aibâ hã Zezusihi ma tinha, ãne: — Apito, wa za oto asaze. Tahawa, hi'rãtitõ ma tô tãma nhamra, Zezusihi ãma wata da.

Hebreu 1:6

Ãne te duré tinha, 'Re ihâimana u'âsi mono hã ti'ra hã ti'ai u za te te we isatõrĩzém na, da'ra hã dama 're ipoto 'rata za'ra mono ne, poto da: “Uburé hâiwa ãma 'Re ihâimana u'âsi mono ma, romhuri'wa norĩ hã za tô ãma 're iwata u'âsi za'ra mono da si, wa ti'ru.”

Apocalipsi 22:16

Tawamhã Zezusihi mreme hã wa tô duré wapa. Ãne te ĩma tinha: — Wa hã Zezusi, wa tô hâiwa ãma ĩma romhuri'wa hã we atẽme satõ, ã hã te i'awaihu'u mono hã te te aima awaihu'u mono da, 'ri nho'õmo mono bâ ĩzazei'wa norĩ, siré 're isi'rã'õtõ u'âsi mono norĩ ma, awaihu'u mono da, isipai u. Wa hã apito Dawihi nhihudu, za isine ĩpire na te 're ida'ab'madâ'â mono. Wa hã awẽ u, wasi wawẽ 're ro'o pese mono ré, da'ãma 're i'awẽ za'ra mono ne, wa za romhâimanazép té, te dama 're apisutu, Ĩmama nhib'a'uwẽ norĩ ma.