Mateu 2:18 - ꞌRe Ihâimana Uꞌâsi Mono Zadawa Wasuꞌu

¹⁸ “Rama na romnhisi ãma hã dawawa hã ma tô wapari za'ra ni, dazadari 'rãihâ hã. Raqueu hã te aiwa'õ, ti'ra norĩ ãma. Pẽ'ẽzé uptabi wa, te te sima wẽ õ di, da te ipẽ'ẽtété da hã, i'ra norĩ hã uburé tiwi si'utõrĩ wa.”

Mateu 2:18 ပူးပေါင်းရင်းမြစ်များ

Zenezi 37:30

Tawamhã tisisãnawã norĩ u apâ te te sina siri wamhã, ma tô tãma nharĩ za'ra ãne: — Ab're hã baba di, wano 'ritéi'wa zabzé hã. E marĩ, wa za 'manha.

Zenezi 42:36

Tahawa te imama Zaco hã ãne tãma nharĩ za'ra: — Ĩ'ra na te za asiwi ĩ'uba wa'wa. Zuzéhé ãna hã wa tô 're ĩhâimana. Ãhã na zama duré Simiã hã hâimana õ di. E niha te za duré ãne nherẽ, Bẽzami hã asiwi saprõni aba da, asima iwẽ za'ra wa'wa. E 'wa te za ãne wamhã robzépata. Wa hã, wa za tô duré robzépata.

Mateu 2:17

Ãne ma tô tiromhâiba, duréihã 'Re ihâimana u'âsi mono zadawa 'mahârâ 'rata 'wa te te irowasu'uzéb zarina, Zeremia hã. Ma tô ãne ãma rob'ui'éré siro, 'Re ihâimana u'âsi mono mreme na:

Luca 8:52

Tame da'ahâ na te ãma ta'ru'ru ni, dapẽ'ẽzé wa. Tahawa, te Zezusi hã dama tinha, ãne: — Ãma ai'ru'ru wa'aba õ di za. Azaruture hã dâ'â õ di. Taré te nhono.

Apocalipsi 8:13

Taha pari, wa tô duré 'madâ, si'u hã, hâimo uptabi 're iwara hã. Ta hã te wara sina, mreme 'rãihâ na dama rob'mahâ, ãne: — Ni'ãpé, ni'ãpé, ni'ãpé. Ti'ai ãma uburé pese 're i'aihâimana za'ra wa'aba mono norĩ ma, aima ropipa uptabi za'ra wa'aba di za. Hâiwa ãma romhuri'wa norĩ si'ubdatõ isimnhihãsi õ, tinhimnhihârâzém na oto simnhihãsi wamhã, isimnhihãsi sidâpâsi te za ropipa uptabi hã asô wairébé 'wa. Ãne ĩnhotõ 'rowim ne, te i'azabui mono hã, duré ĩpo're na te i'awapari mono hã.