Mateu 2:16 - ꞌRe Ihâimana Uꞌâsi Mono Zadawa Wasuꞌu

¹⁶ Tawamhã apito Erodi aibâ norĩ, bâtâ pusizém hawi we isi'aba'ré norĩ pi'uriwi tiwi isi'aba'ré na te te ãma rowaihu'u za'ra wa, ma tô ab'rui pese. Sib'rui wa, tãma da'wapéi'wa norĩ hã ma tô satõrĩ za'ra Belẽ u, 'watébrémi zô si'aba'ré da, uburé te te dawi uprosi mono da, maparane ãma iwahu mono õ hã, Belẽ ãma 're idahâimana za'ra mono norĩ 'ra hã, duré Belẽ 'rata 're idahâimana za'ra mono norĩ 'ra zama. Aibâ norĩ hã wasi te te i'madâ'â za'ra zém na te te tãma iwaihu'u za'ra zéb zarina, ma tô apito Erodi hã ãne 'manha.

Mateu 2:16 ပူးပေါင်းရင်းမြစ်များ

Zenezi 39:14

ma tô 'ri 're tãma zahuré romhuri'wa norĩ zô tihârâ za'ra. Tahawa, te ãne tãma siwasu'u za'ra: — Ãhãta ma'ãpé asiwi 'madâ'â aba! Ã hã hebreu, ĩmro, wanhorõwa 'madâ'â'wa da, we te te i'ãwi hã ma tô rowazé wama waze. Ĩnhib'ri 're wa'wa u, ma tô we ĩtẽme ãzé, ĩ'ãma hâimana da. Tane nherẽ, wa tô tiwi 're ĩzadari, ĩzadari 'rãihâ na hã.

Zenezi 39:17

Tawamhã tite romhuri'wa norĩ ma, te te iwasu'u za'ra ne, ma tô duré timro ma hã wasu'u ãne: — Wama romhuri'wa hebreu, wanhorõwa u we i'ãwi hã, ma tô ĩnhib'ri 're wa'wa u ãzé, tiha te te ĩ'ãma 'manharĩ wasété da hã.

Zenezi 49:7

Isiti'ru zahuré zé ma, 'Re ihâimana u'âsi mono, iwẽ'õ te te ipisutu da si, wa ĩsima wẽ, ta hã dapãrĩzé wa. Wa hã wa za Izaraéu nhipti'a na ãma ĩsipo'o, isihudu zahuré hã te ãma ropéi mono da, te te sina dahâiba tob za'ra wa, isisãnawã nhihudu norĩ siré siwa'ru 're hâimana za'ra mono da.

Provébiu 28:15

Hu'u zérépa, sahi wa, 're iwairõ za'ra mono ne, duré robzahi ursu hã isahi 're ihâimana za'ra mono ne, te tô isimarĩ'õ norĩ dama i'rãnho'u iwasété nhib'ratamhã 're hâimana za'ra.

Provébiu 28:17

Dapãrĩ'wa hã sa'ẽtẽ te za sisada te te 're ab're za'ra. Ni'wa te te tiwi sawi za'ra ãna, ãne na hã te te 'manharĩ tõ da.

Daniéu 3:13

Tawamhã Nabucodonozo ãne hã te te wapari wa, ma tô ab'rui pese. Tahawa, ma tô 'ru za'ra, sô dahãsi da hã, Sadraqui norĩ zô, Mezaqui, Abide-Negu. Tahawa, apito hâimanazéb u ma tô da te dasiwi simro.

Mateu 2:1

Tawamhã Zezusi hã ma tô podo, Belẽ na 'ri nho'õmo nhisi ãma, Zudéa na danhipti'a nho'õmo nhisi ãma. Apito Erodi hã, Izaraéu nhihudu norĩ te te 're 'madâ'â za'ra mono ré, ma waptãrã. Waptã'ã parip si, ma tô wasi na romnhoré'wa norĩ hã aihutu Zeruzalẽ u, bâtâ pusizém hawi, rowaihu'u pese 'wa norĩ hã.

Mateu 2:17

Ãne ma tô tiromhâiba, duréihã 'Re ihâimana u'âsi mono zadawa 'mahârâ 'rata 'wa te te irowasu'uzéb zarina, Zeremia hã. Ma tô ãne ãma rob'ui'éré siro, 'Re ihâimana u'âsi mono mreme na:

Mateu 2:7

Tawamhã Erodi ma tô sô tihârâ za'ra, bâtâ pusizém hawi isihutu norĩ zô, pi'uriwi te te sadanharĩ za'ra da, ta norĩ hã ãne: — E mahãna ma tô wasi hã watobro.

Apocalipsi 12:4

Tawamhã tizamo na ma tô wasi hã waibu, hâiwa ãma 're isimasa mono hã. Ahâ uptabi prã na ma tô waibu, isa'ratazé wãiwa prã na. Tawamhã te te waibui wamhã, ti'ai u ma tô sa'ẽtẽ sãmra. Tawamhã pi'õ nho're te za, ho'orã hâiba ne ropoto siwamnarĩ hã. Pi'õ te sapa i'ra zô, waptã'ã wi te te 'rẽne da.

Apocalipsi 17:6

Tawamhã ã pi'õ hã wa duré 'madâ, apâ. Da'uihâ idi'iti wa, dato sina da te 're irobzanhamri za'ra mono ne, te pi'õ hã robzanha. 'Re ihâimana u'âsi mono nhib'a'uwẽ, isadawa para, da te 're simroi mono wẽ te, te 're to, pi'õ hã. Duré Zezusihi zazei'wa norĩ sipizari ãna, Zezusi te te 're sazei pese za'ra mono 'ru te, da te 're simroi mono wẽ te, te pi'õ hã 're to. Tawamhã pi'õ hã te 'madâ'â wamhã, wa ãma ĩtob'uzu, ĩma sa'rese õ wa.

Zuize 16:10

Tahawa Dalila, te duré ãne tãma tinha, Sãsãhã ma: — E niha ma te ĩma asadawa nhipe, ĩ'ãma aiwa'ẽ sina. Ma'ãpé ĩzawi na hã ĩma wasu'u na, niha tiha na da te dasiwi i'aiwasisi mono zéb da hã.