Mateu 19:6 - ꞌRe Ihâimana Uꞌâsi Mono Zadawa Wasuꞌu

⁶ Ãne wa, dasina 're damro za'ra mono wamhã, dahâiba maparane nherẽ, te za oto dahâiba misi ne dasiré 're dasi'ubumro. Tahawa, 'Re ihâimana u'âsi mono, dasi'ãma te te 're da'ahâiba to mono nherẽ, ni'wa hã da'ãma 're siwanhizari mono õ di za. Mare di.

Mateu 19:6 ပူးပေါင်းရင်းမြစ်များ

Provébiu 2:17

préduptéb ré 'Re ihâimana u'âsi mono nho'a timro ma te te iropisutu wẽ zém na po're si'âri wa, timro te te irẽme hã.

Mateu 19:5

Ãne ma tô duré roti 'Re ihâimana u'âsi mono hã, ibaihâ na hã: “Tahawa, aibâ hã 're mro za'ra mono wamhã, te za timama norĩ hã te te 're rẽme za'ra, timro me si siré 're simasisi zahuré mono da oto. Sina 're hâiba sitob zahuré mono wa, maparane na ihâiba nherẽ, misi ihâiba ne, te za siré 're simasisi u'âsi zahuré oto.” Ãne 'Re ihâimana u'âsi mono nhimiroti 'rata na rob'ui'éré hã.

Mateu 19:7

Tawamhã farizeu norĩ hã ma tô duré siwi sadanha, ãne Zezusi hã: — Oro zapre te Mozési hã te te wama 're roti za'ra, aibâ hã timro te te 're rẽme za'ra mono da wamhã, timro te te 're irẽme za'ra mono zém na rob'ui'éré te te tãma 're sõmri za'ra mono da, te te duré iré 're satõrĩ za'ra mono da, isiti oto sina 're pahâ za'ra mono da.

Marcu 10:9

Tahawa, 'Re ihâimana u'âsi mono, dasi'ãma te te 're da'ahâiba to mono nherẽ, ni'wa hã da'ãma 're siwanhizari mono õ di za. Mare di.

Roma 7:2

Ãne na wa za aima romnhimiré'é za'ra wa'wa. Pi'õ norĩ hã imro hã tiwi 're dâ'â za'ra mono õ ré, 'Re ihâimana u'âsi mono nhimiroti 'madâ'â sina, te te 're rẽme waihu'u za'ra mono õ di za. Imro tiwi 're dâ'â za'ra mono wapsi, te za oto 're mro za'ra, 'Re ihâimana u'âsi mono nhimiroti zarina, aimawi aibâ na, pi'õi wi imro 're dâ'â za'ra mono wa, timro na te te 're sahu tõ za'ra mono da, te te ãma roti õ wa, 'Re ihâimana u'âsi mono hã.

Éfézu 5:28

Aibâ norĩ, Cristu te te 're iwa'azawi pese mono zéb zarina, te za aimro hã 're isawi pese za'ra wa'aba mo. 'Re sawi pese za'ra wa'aba mono wa, marĩ iwẽ zô asima 're asõpré wa'aba mono ne, te za duré aimro ma zama iwẽ zô 're asõpré wa'aba mo. Tawamhã marĩ hã iwẽ zô aimro ma 're asõpré wa'aba mono zém na, te za marĩ hã iwẽ zô asima zama 're asõpré wa'aba mo.

Hebreu 13:4

Imro ré norĩ hâimanazé hã te za 're iwazé pese za'ra wa'aba mo, 'Re ihâimana u'âsi mono ma, ta hã pire uptabi wa. Aimro si te za asima 're i'madâ'â u'âsi za'ra wa'aba mo. E marĩ wa. Ni'wam norĩ hã tihâiba na tiwasédé te te 're 'manharĩ za'ra mono wamhã, 'Re ihâimana u'âsi mono hã te za ta norĩ te te 're hâ za'ra. Duré ni'wam norĩ hã mro ré nherẽ, imro'õ hâiba na 're sipsaihuri za'ra mono wamhã, te za ta norĩ hã duré te te 're ahâ za'ra, 'Re ihâimana u'âsi mono hã.