Mateu 19:17 - ꞌRe Ihâimana Uꞌâsi Mono Zadawa Wasuꞌu

¹⁷ Tawamhã Zezusi te asa tãma tinha, ãne: — E marĩ da, te ãne ĩzadanha, marĩ iwẽ hã da te 're i'manharĩ za'ra mono zém na hã. Misire 're imorĩ wẽ uptabi hã te 're hâimana. 'Re ihâimana u'âsi mono nhimiroti 'rata na Mozési te te ãma irob'ui'éré hã 're 'madâ'â pese mono wapsi, te za asina i'uwaimra, dadâ'â ãna 're idanomro u'âsi mono zé hã.

Mateu 19:17 ပူးပေါင်းရင်းမြစ်များ

Neemia 9:29

Asimiroti tẽme apâ 're sipizari za'ra mono da, ma tô 're i'apo're pu'u u'âsi mo. Tane nherẽ, 're isi'madâ'â ze za'ra mono zarina, ma tô asimiroti hã te te 're wẽ'õ za'ra. Ma tô duré tãma 're iwaihu'u za'ra mono zé wi hã tiwasété si te te 're 'manharĩ za'ra, asimiroti 'madâ'â pese zém na si 're idanomro u'âsi mono zé, da te dasina 're uwaimrami za'ra mono da nherẽ. Ta norĩ hã pẽ'ẽ tete wa, ma tô ba niwĩmhã aiwi 're sipizari za'ra. Tahawa, te te siwi 're i'aiwapari pese mono zé hã ma tô siwi wẽ'õ pese za'ra.

Salmu 119:68

Tô sena, i'aiwẽ uptabi. Taha zarina te duré marĩ iwẽ si 're i'ab'manharĩ mo. Tahawa ma'ãpé asimiroti na ãma ĩma 're rowahutu u'âsi mono.

Roma 10:5

Duréihã Mozési hã ma tô ãne na rob'ui'éré: “Ni'wa hã isimiroti na rob'ui'éré hã uburé te te 're 'madâ'â pese uptabi mono wapsi, nimahã na marĩ na misi isimiroti na te te upai õ wapsi, tawapsi te za rowẽ na 're hâimana u'âsi, 'Re ihâimana u'âsi mono 'rata.”

Tiagu 1:17

'Re ihâimana u'âsi mono hã hâiwa na rob'uiwẽ'wa 'manharĩ'wa hã, hâiwa hawi ma tô marĩ iwẽ na uburé we dama 're sõpru, iwẽ uptabi na si. Ta hã tihâimanazém na te te saprĩ õ di. Õne u'â, te hâimana wẽ u'âsi 're hâimana.

1 Zuwã 4:16

'Re ihâimana u'âsi mono hã simizawi pese uptabi di. Tane ni'wam norĩ hã te te 're dazawi pese za'ra mono wamhã, ta norĩ si te 'Re ihâimana u'âsi mono ãma 're hâimana za'ra, 'râwi. Ta norĩ 'ratap si te duré 'Re ihâimana u'âsi mono hã 're sãmra, 'râwi. 'Re ihâimana u'âsi mono te te 're iwa'azawi pese mono zé hã wama waihu'u pese za'ra di oto. Taha na wa te wasiwi ãma 're wawã za'ra mono õ di za oto.

1 Samuéu 2:2

Ni'wa Uburé Danhib'apito sine iwẽ uptabi iwasété'õ hã hâimana õ di. Tawamhã duré aimawi ihâiba'õ hã hâimana õ di, tô õhõ si wa. Duré ni'wa hã hâimana õ di isine, da'wawi rowasété wa 're isimapa mono hã, 'Re ihâimana u'âsi mono ne hã.