Mateu 19:16 - ꞌRe Ihâimana Uꞌâsi Mono Zadawa Wasuꞌu

¹⁶ Tawamhã nimahã bâtâ na ma tô aibâ hã mo, Zezusihi u, te te sadanharĩ da. Ãne te taha wamhã sadanha: — Rowahutu'wa, e marĩ iwẽ hã wa za 'manha, 're idanomro u'âsi mono zé hã te ĩsina i'uwaimramizéb da hã.

Mateu 19:16 ပူးပေါင်းရင်းမြစ်များ

Daniéu 12:2

Tawamhã da'ahâ uptabi na 're idadâ'â za'ra mono hã te za apâ tahâiwa'utu za'ra ni. Ni'wam norĩ si te za 're idanomro u'âsi mono zé hã sina uwaimrami za'ra. Duré nima norĩ te za rowazém na si 're ihâimana za'ra mono zé hã sina sõ'õtõ za'ra, robzépada isi'utõrĩ'õ u 're ihâimana za'ra mono da hã.

Mateu 19:15

Tawamhã tinhib'rada, i'rã nhisiwi te te nasi ãma aza'ra sina te hâiwa u nasi ãma timreme za'ra. Taha pari ma tô duré oto mo.

Mateu 19:26

Tawamhã Zezusi hã te 'madâ'â pese za'ra, tisiré 're inomro mono norĩ hã. Tawamhã te te 'madâ'â pese za'ra wamhã, te duré asa tãma nharĩ za'ra, ãne: — Dasi'uihâ na danho'reptuzé hã da te dasina 're uwaimrami za'ra mono õ di za. Dama hã waihu'u õ di. 'Re ihâimana u'âsi mono si siminho'reptu waihu'u pese di. Taha ma si waihu'u pese di, uburé marĩ te te 're i'ab'manharĩ mono zéb da hã.

Mateu 19:29

Ãté ni'wam norĩ hã te za tinhorõwa hã te te 're rẽme pese za'ra, duré ãté tisisãnawã norĩ hã, duré ãté timama norĩ hã, duré ãté ti'ra norĩ hã, duré ãté tinhipti'a hã. Ãté ĩsiré 're nomro mono da, te za uburé marĩ hã te te 're rẽme pese za'ra. Ta norĩ ma, te za uburé marĩ te te 're irẽme za'ra mono zém nhipai u pese, 'Re ihâimana u'âsi mono te te tãma hã 're sõmri za'ra. Ta norĩ ma si te za duré dadâ'â ãna 're idanomro u'âsi mono zé hã te te tãma 're apisutu.

Mateu 25:46

— Tawamhã ta norĩ hã te za oto ai'aba'ré, 'Re ihâimana u'âsi mono nhiti, isimihâzém na za te te 're irobzépata u'âsi za'ra mono zéb u. 'Re ihâimana u'âsi mono nhimiroti te te 're i'madâ'â pese za'ra mono norĩ si, te za i'rata 're hâimana u'âsi za'ra, rowẽ u'âsi ãma.

Zuwã 10:28

Ta norĩ ma, wa za pisutu za'ra, 're dâ'â za'ra mono ãna, 're hâimana u'âsi za'ra mono da, hâiwa ãma 'Re ihâimana u'âsi mono 'rata. Ni'wa hã te te ĩwi 're waibui mono õ di za, ĩzazei'wa norĩ hã.

Zuwã 12:25

— Ni'wam norĩ hã tihâimanazé te te sima 're sawi za'ra mono wamhã, rowẽ isi'utõrĩ'õ hã te te sina 're uwaimrami za'ra mono õ di za. Ni'wam norĩ hã ĩzarina 're nomro mono da, tihâimanazé te te sima 're sawi za'ra mono õ wapsi, te za rowẽ hã te te sina 're uwaimrami za'ra.

Zuwã 4:14

Ĩnhib'â hã te dama 're anhomri mono wa, da te 're âhuri mono wamhã, 'rubu ãna te za iré 're dasi'ubumroi u'âsi. Ub're 're isidototo u'âsi za'ra mono ne, dawi 're si'utõrĩ waihu'u za'ra mono õ di za, da te 're âhuri mono wamhã. Tawamhã 're dadâ'â za'ra mono ãna, te za 're dasi'ubumroi u'âsi, hâiwa ãma.

Zuwã 5:39

A norĩ wa'wa hã te ãne asima 're irowasu'u za'ra wa'aba mo: “Wa norĩ hã wa wa te 're sõré u'âsi za'ra, 'Re ihâimana u'âsi mono mreme ui'éré hã. Tahawa, wa za ãma wasina uwaimrami za'ra ni, 're idanomro u'âsi mono zé hã.” Ãne te asima 're irowasu'u za'ra wa'aba mo. Ta hã te ĩwasu'u, 'Re ihâimana u'âsi mono mreme ui'éré hã. 'Re sõré u'âsi za'ra wa'aba mono nherẽ, asima 're ĩwẽ za'ra wa'aba mono õ di, 're ĩzaze za'ra wa'aba mono da hã. 'Re ĩzaze za'ra wa'aba mono 'wa'âhã, wa aré aima pisutu za'ra wa'wa, 're idanomro u'âsi mono zé hã asina uwaimrami za'ra wa'aba da.

Zuwã 6:47

— Tawamhã Danho'reptui'wa na da te dasina 're ĩ'umnhasi za'ra mono wamhã, rowẽ u'âsi te za dadâ'â ãna 're dahâimana u'âsi za'ra hâiwa ãma, 'Re ihâimana u'âsi mono 'rata. Tô sena, wa aima rowasu'u za'ra wa'wa, waihu'u za'ra wa'aba da.

Zuwã 6:68

Tawamhã Sima Pedruhu si te asa tãma tinha, ãne: — Mare di. Wa te airẽme za'ra õ di za. Wa te airẽme za'ra wamhã, e 'wa tẽme, wa za 're wanomro, rowasu'uwẽ hã wa te 're iwapari za'ra mono da hã. Aimreme si wama pire za'ra di. Aimreme na si da te 're asaze za'ra mono wamhã, rowẽ u'âsi te za ai'ãma 're danomro. Te za duré hâiwa ãma 're dadâ'â za'ra mono ãna 're dahâimana u'âsi za'ra, 'Re ihâimana u'âsi mono 'rata.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:30

Taha pari, ma tô sani zahuré, rob u. Te tãma nharĩ zahuré, ãne: — Aibâ norĩ, e marĩ wa za 'manha, danho'reptuzé hã te ĩsina uwaimrami da.

Roma 2:7

Ni'wam norĩ si te marĩ hã simi'ẽ na te te dama 're 'manharĩ u'âsi za'ra, iwẽ hã. Ta norĩ hã 'Re ihâimana u'âsi mono si te te 're wẽsãmri za'ra mono da, te sina 're simipari za'ra, duré i'rata 're isi'ubumroi u'âsi mono zé, te te tãma 're apisutu mono da. Ta norĩ ma si, te za tô 'Re ihâimana u'âsi mono hã te te 're apisutu, 're isi'ubumroi u'âsi mono zéb da hã, i'rata.

Roma 5:21

Ãne na rowasu'u na, wa za oto aima 'rãsutu za'ra wa'wa. Dawasété na si 're danomro u'âsi mono wa, ma tô aré dapẽ'ẽ 'remhã, dadâ'â ne 're dahâimana u'âsi za'ra, 'Re ihâimana u'âsi mono nhiti. Tane nherẽ, tinhimizawi pese zéb zarina, ma tô 'Re ihâimana u'âsi mono hã Wanhib'apito Zezu Cristu dâ'âzéb zarina te te sima 're wa'awẽ, taha zarina si rowẽ uptabi na 're wanomro u'âsi mono da oto.

1 Timotiu 1:16

Tane nherẽ, ma tô ĩ'ãma tipẽ'ẽzé, te te ĩ'azâri tõ da, 'Re ihâimana u'âsi mono hã. E marĩ da. Cristu Zezusi hã ĩ'ãma wa'a su'u õ wa, da'ãma iwa'a su'u õ na, da te ãma 're waihu'u za'ra mono da, za ĩza'u da te dasina 're i'umnhasi za'ra mono norĩ hã, i'rata 're dahâimana u'âsi za'ra mono da, rowẽ u'âsi ãma.

1 Timotiu 6:12

A hã isazei'wa, 're aimorĩ wa, te za sô 're asi'wapéi u'âsi mo, 're i'aimorĩ wẽ zéb zô, duré rowẽ u'âsi ãma 're aihâimana mono wa, hâiwa ãma hã asina uwaimrami da. Taha da, ma tô bâtâ na aipisutu 'Re ihâimana u'âsi mono hã, da'ahâ norĩ nho'a isazei'wa na asiwaihu'u wẽ zé para.

1 Timotiu 6:19

Ãne wamhã, ite uptabi da hã te za marĩ hã iwẽ hã sô 're simi'wara u'âsi za'ra, niwa apto'o ré wab da hã. Duré rowẽ u'âsi te za ta norĩ hã 're hâimana u'âsi za'ra, hâiwa ãma.

Titu 1:2

'Re ihâimana u'âsi mono hã sadawa nhipese õ di. Marĩ te te apoto mono õ ré, ma tô tizazei'wa norĩ ãma sima roti siro, rowẽ isi'utõrĩ'õ ãma i'rata 're hâimana u'âsi za'ra mono da. Taha zô si, wa wasina 're wanhimipari u'âsi za'ra.

Titu 3:7

Wawasété na 're wanomro mono nherẽ, ma tô te te 're wa'azawi pese, 'Re ihâimana u'âsi mono hã. Tahawa, ma tô te te 're wa'awẽsãmri, wawasédé hã te te oto wa'ãma 're i'ab'madâ'â mono õ zéb zarina, rowẽ isi'utõrĩ'õ ãma i'rata 're wasi'ubumroi u'âsi mono da. Tahawa, wa za wasina sô 're wanhimipari u'âsi za'ra, i'rata 're iwasi'ubumroi u'âsi mono zéb zô hã.

1 Zuwã 1:2

Duréihã marĩ õ ré hã Wamama siré te 're hâimana u'âsi, ta hã. Tawamhã ma tô we datẽme sihâi'ré, sõ'awi na ãma 're idanhopré mono da hã oto. Wa norĩ hã wa tô wa te 're 'madâ'â za'ra. Tahawa, sena na wa aima wasu'u za'ra wa'aba ni, 're idanomro u'âsi mono zé te te dama 're i'apisutu mono hã.

1 Zuwã 2:25

Cristu hã ma tô ãne wama ropisutu siromo za'ra, 're wadâ'â za'ra mono ãna, i'rata 're iwasi'ubumroi u'âsi mono zéb da hã.

1 Zuwã 5:20

Ãne wa tô duré waihu'u za'ra ni. Zezusi hã, 'Re ihâimana u'âsi mono 'ra hã ma tô wei mo, ti'ai u. Ta hã ma tô tinhimiroti na te te 're wa'apawapto, 'Re ihâimana u'âsi mono hã tô sena uptabi hã wa te 're iwaihu'u pese za'ra mono zéb da hã. I'ra ãma, Zezu Cristuhu ãma 're wanomro mono wa, wa duré Imama ãma 're wanomro, tô sena uptabi 're ihâimana mono ãma. Zezusi hã, ta hã uburé Danhib'apito uptabi. Ta hã dapẽ'ẽ 're dadâ'â ãna 're idanomro u'âsi mono zé hã, te te dama 're i'apisutu mono. Ãne na wa tô wasiwi waihu'u pese za'ra ni.

Zuda 1:21

'Re ihâimana u'âsi mono nhimiroti zarina si, te za 're aihâimana u'âsi za'ra wa'aba mo, isimizawi pese zém hawi asina tiwi 're aipahâ za'ra wa'aba mono tõ da. Duré Wanhib'apito Zezu Cristuhu nhimizawi pese na dama 're isõpru mono zéb zô, te za asina 're asimipari u'âsi za'ra wa'aba mo, 'Re ihâimana u'âsi mono 'rata 're aihâimana u'âsi za'ra wa'aba mono zéb da hã, te te aima isõmri za'ra wa'aba zô.