Mateu 19:15 - ꞌRe Ihâimana Uꞌâsi Mono Zadawa Wasuꞌu

¹⁵ Tawamhã tinhib'rada, i'rã nhisiwi te te nasi ãma aza'ra sina te hâiwa u nasi ãma timreme za'ra. Taha pari ma tô duré oto mo.

Mateu 19:15 ပူးပေါင်းရင်းမြစ်များ

Mateu 19:14

Tawamhã Zezusi te tãma nharĩ za'ra, tisiré 're inomro mono norĩ ma, ãne: — Tô'ã. Dawi rosawi za'ra wa'aba tõ. A'â we ĩtẽme da te simroi mono, ai'uté norĩ hã. Ã norĩ ai'uté hã õne haré simizazei pese na 're ihâimana za'ra mono ne, ni'wam norĩ tane 're hâimana za'ra mono wapsi, te za ta norĩ 'Re ihâimana u'âsi mono hã ãma 're sib'a'uwẽ za'ra.

Mateu 19:16

Tawamhã nimahã bâtâ na ma tô aibâ hã mo, Zezusihi u, te te sadanharĩ da. Ãne te taha wamhã sadanha: — Rowahutu'wa, e marĩ iwẽ hã wa za 'manha, 're idanomro u'âsi mono zé hã te ĩsina i'uwaimramizéb da hã.

Marcu 10:16

Tawamhã awa'awi ma tô nasi ai'uté hã dawi azaza tipa. Duré tinhib'rata na te te nasi upi za'ra sina, 'Re ihâimana u'âsi mono wi, ma tô ãma arowaptẽ, iwẽ hã te te tãma 're anhomri mono da.

1 Corĩtu 7:14

Duré aibâ norĩ hã isazei'õ'wa na 're hâimana za'ra mono nherẽ, imro hã isazei'wa na tãma 're hâimana za'ra mono wamhã, 'Re ihâimana u'âsi mono hã pi'õ norĩ ma, rowẽ te te tãma 're ipisutu za'ra mono zéb u'âbâ, te za tô duré aibâ norĩ ma, te te tãma 're pisutu za'ra rowẽ hã, imro hâiba u'âbâ, isazei'õ'wa na 're hâimana za'ra mono nherẽ, aibâ norĩ hã. Duré pi'õ norĩ hã isazei'õ'wa na 're hâimana za'ra mono nherẽ, imro hã isazei'wa na tãma 're hâimana za'ra mono wamhã, 'Re ihâimana u'âsi mono hã aibâ norĩ ma, rowẽ te te tãma 're ipisutu za'ra mono zéb u'âbâ, te za tô duré pi'õ norĩ ma, te te tãma 're pisutu za'ra rowẽ hã, imro hâiba u'âbâ, isazei'õ'wa na 're hâimana za'ra mono nherẽ, pi'õ norĩ hã. Ãnei õ 'wa'âhã, i'ra norĩ isazei'õ'wa norĩ 'ra ne, te aré tô 're hâimana za'ra, 'Re ihâimana u'âsi mono ma hã. Tazahã imama norĩ hâiba u'âbâ, te za tô rowẽ si te te tãma 're apisutu, 'Re ihâimana u'âsi mono hã.

2 Timotiu 3:15

'Watébrémi na 're aihâimana mono zém hawi, aima waihu'u pese di, 'Re ihâimana u'âsi mono nhimiroti 'rata na rob'ui'éré hã. Taha zarina hâiwa hawi rowaihu hã te aima 're hâimana, asõ'reptuzé hã asina i'uwaimramizéb da hã, Cristu Zezusihi zazei'wa 're aimorĩ wa.