Mateu 19:10 - ꞌRe Ihâimana Uꞌâsi Mono Zadawa Wasuꞌu

¹⁰ Tawamhã Zezusihi siré 're inomro mono norĩ hã te tãma nharĩ za'ra, ãne: — Tane ze te bâ, damro ãna 're idanomro mono da si, iwẽ hã.

Mateu 19:10 ပူးပေါင်းရင်းမြစ်များ

Zenezi 2:18

Taha pari te duré Uburé Danhib'apito hã tinha ãne: — Aibâ siwaprosi 're ihâimana mono da hã wẽ õ di. Tahawa ni'wa te te 're ipawapto mono 'wa da hã wa za tãma 'manha, ihâiba a'âri'wa hã.

Provébiu 18:22

Ni'wa timro da, pi'õ te te 'manhopẽtẽ wamhã, tãma irowẽ uptabi zép si, te za sõpẽtẽ. Ta hã, Uburé Danhib'apito, aibâ te te iwẽsãmrizé te wasu'u.

Provébiu 21:19

Wẽ di aibâ a'ubuni wi timro nhiti 're ihâimana mono da hã, imro isimiwati pe isiwapsari zei me 're isãmra mono nhipai u.

Provébiu 21:9

Wẽ di, aibâ 'ri upsibi hâpâ zasé're ãma, timro nhiti 're ihâimana mono da hã, imro isimiwati pese me 'ri 're, 're isãmra mono nhipai u.

Mateu 19:11

Tawamhã Zezusi hã te duré asa tãma nharĩ za'ra, ãne: — Ã hã te ãma irowasu'uzé hã aihĩni da te 're iwaihu'u za'ra mono da hã mare di za. 'Re ihâimana u'âsi mono te te tãma 're iwaihu'u za'ra mono norĩ si, te za te te 're waihu'u pese za'ra, ãne hã.

Mateu 19:9

Tahawa, tô sena wa za duré aima waihu'u za'ra wa'wa. Ni'wa hã aibâ, imro aibâ na sipsaihuri õ nherẽ, timro te te mei wa, duré oto pi'õ aimawi na ta hã mro wamhã, te za tiwasédé aibâ hã 'manha.

1 Corĩtu 7:8

Aimro ãna 're aihâimana za'ra wa'aba mono norĩ ma, wa za oto aima roti za'ra wa'wa, duré pi'õi mrotõ norĩ ma zama. Õne haré, 're aihâimana za'ra wa'aba mono da hã, wẽ di, wa hã ĩmro õ na 're ĩhâimana mono ne. Ãne hã ĩma wẽ di.

1 Timotiu 4:3

Ta norĩ hã te za dasina 're idamro za'ra mono zé hã dawi sawi za'ra, dasina 're damro za'ra mono tõ da, dasiwaprosi 're dahâimana za'ra mono da. Te za duré dasazé hã dawi sawi za'ra, marĩ mono bâ 're dasaihuri tõ mono da, 'Re ihâimana u'âsi mono hã uburé dasazé hã te te apoto mono nherẽ, ãma 're idasaihuri mono zéb da hã. Isazei'wai mono bâ wama waihu'u pese za'ra di, dasazém na isimiroti hã. Ãne wa, sõpru wa, ãma 're wawata za'ra mono pari, wa za isimipoto na 're wasaihuri.