Mateu 18:32 - ꞌRe Ihâimana Uꞌâsi Mono Zadawa Wasuꞌu

³² Tawamhã te te tãma wasu'u za'ra parimhã, ma tô isib'apito hã sô hâ, dazazéb 're danherẽ'wa zô. Sô hârâ wamhã, te ãne tãma tinha: “A hã romhuri'wa i'aiwasédé, ĩwi iwaptẽrẽzéb zarina hã wa tô po'reha'âri pese, rob'uiprazé ĩwi 're i'awaptẽrẽ mono zém na hã apâ ĩma sõmri õ nherẽ. Ã hã, wa hã te 'ruiwapari õ di.

Mateu 18:32 ပူးပေါင်းရင်းမြစ်များ

Mateu 18:27

— Tawamhã isib'apito hã ma tô ãma aiwamri, imreme na. Tahawa, ma tô tãma sisisi apâ, õne haré nomro da, te te tãma sõmri tõ da. Tahawa, te õne haré duré satõ oto, apâ morĩ da hã.

Mateu 18:31

Tawamhã isiré rob'madâ'â'wa norĩ hã ma tô iwasu'u hã wapari za'ra, te te dama i'ru na hã da te sẽrẽ da, dazazéb 're. Te te wapari za'ra wamhã, ma tô sada tihâimana za'ra. Ma tô duré ai'aba'ré, tinhib'apito ma, te te siwi wasu'u da hã.

Mateu 18:33

E niha bâ bété, ãma aipẽ'ẽzé õ di asiré romhuri'wai ãma hã, wa hã ai'ãma ĩpẽ'ẽzé ne.” Ãne te tãma tinha isib'apito hã, te te tãma 're irob'madâ'â mono ma hã.

Mateu 25:26

— Tawamhã isib'apito, te ãne asa tãma tinha: “A hã ĩma romhuri wasété 'wa. Aiwa'a uptabi di. Ma tô ĩ'ãma irosa'ra, marĩ hã date nherẽ, te dawi ĩsima 're i'awaibui mono na, ĩte da. Ãne ma tô ĩ'ãma asima, irosa'ra.

Luca 19:22

— Tawamhã isib'apito te asa tãma tinha, ãne: “A hã ĩma romhuri wasété 'wa, te 're aimo. Aimreme wẽ õ wa, wa za aimreme hã aima sizusi, aimreme zarina te aiwẽ'õ da. Ĩte na, ma tô u, ĩwaihu, da'ãma ĩpẽ'ẽzé õ na. Wa hã wa za date hã te ĩsima 're apisutu, u, ĩte da. Duré wa za, u, te ĩsima te 're a'rãihâri, ĩte da, danho hã. Ãne ma tô ĩma inha.

Roma 3:19

Duréihã 'Re ihâimana u'âsi mono nhimiroti na ma tô Mozési hã rob'ui'éré, zudeu norĩ ma, õhõ na si ãma 're hâimana za'ra mono da. Tahawa, 'Re ihâimana u'âsi mono nhimiroti 'rata na rob'ui'éré hã 're hâimana siromo mono wa, ni'wa hã tiwẽ na 're imorĩ wasété õ na dama 're siwasu'u waihu'u mono õ di. Uburé dawasété na 're dasisãmri za'ra mono da si, te dama 're hâimana, rob'ui'éré 'rada hã, duré 'Re ihâimana u'âsi mono, dawasété na te te 're ida'awẽ'õ mono zé hã da te dasina 're waihu'u za'ra mono da.

Tiagu 2:13

Nimahã bâtâ na dahâimanazém na te te da'awaihu'u wapsi, da'ãma 're ipẽ'ẽzé za'ra mono õ norĩ ãma, pẽ'ẽzé õ di za, 'Re ihâimana u'âsi mono hã, ti'ab ré da'ãma 're isiwamri za'ra mono õ norĩ ãma hã. Da'ãma 're ipẽ'ẽzé u'âsi za'ra mono norĩ ãma si, te za ãma 're pẽ'ẽzé za'ra.