à hã Zacoho 'ra norĩ wasu'u. Tawamhã Zuzé 17 na ãma iwahub ãma ma tô timama mro norĩ zé're hawi ipoto za'ra norĩ siré tisisãnawã Biraha 'ra norĩ me, Ziupaha 'ra norĩ me, pone'ẽrebâ norĩ hã, duré pone'ẽrebâ zéré uzé norĩ hã te te 're a'madâ'â. Tawamhã isisãnawã norĩ, marĩ i'upa te te 're i'manharĩ za'ra mono zé hã, ma tô timama ma hã te te 're awasu'u.
Mateu 18:31 - ꞌRe Ihâimana Uꞌâsi Mono Zadawa Wasuꞌu31 Tawamhã isiré rob'madâ'â'wa norĩ hã ma tô iwasu'u hã wapari za'ra, te te dama i'ru na hã da te sẽrẽ da, dazazéb 're. Te te wapari za'ra wamhã, ma tô sada tihâimana za'ra. Ma tô duré ai'aba'ré, tinhib'apito ma, te te siwi wasu'u da hã. အခန်းကိုကြည့်ပါ။ |
Mateu 18:31
16 ပူးပေါင်းရင်းမြစ်များ
Tawamhã ta hã aibâ te oto mo. Morĩ wamhã, ma tô tisiré romhuri'wa hã sõpẽtẽ. Taha wi, ma tô duréihã rob'uiprazé misi bâtâ na dapawa'âbâzé hã waptẽ suru na, apito hawi imorĩ wi. Tawamhã isõwa're're te te tãma sõmri õ wa, ma tô ti'â, ibutu na awa'awi. Ibutu na te te tété sina, ma tô tiwi waptẽ, ãne: “Ma'ãpé ãhã na ĩma sõmri, zahadu ĩma iwa'âbâ õ hã.” Ãne te tiwi waptẽ.
Tawamhã te te tãma wasu'u za'ra parimhã, ma tô isib'apito hã sô hâ, dazazéb 're danherẽ'wa zô. Sô hârâ wamhã, te ãne tãma tinha: “A hã romhuri'wa i'aiwasédé, ĩwi iwaptẽrẽzéb zarina hã wa tô po'reha'âri pese, rob'uiprazé ĩwi 're i'awaptẽrẽ mono zém na hã apâ ĩma sõmri õ nherẽ. Ã hã, wa hã te 'ruiwapari õ di.
— Tahawa, te apâ mo romhuri'wa hã, tinhib'apito ma, te te sadawa wasu'u za'ra da. Te te wapari wamhã, ma tô ab'rui pese, isib'apito hã. Tahawa, te ãne tãma tinha: “Ai'aba'ré na dazô 're aimorĩ, 'ri nhi'riti na we danhimroi mono da, isibrob'õ norĩ hã, duré imorĩ wẽ'õ norĩ hã, duré itob'a norĩ hã, duré i'rãtẽire norĩ hã.” Ãne te tãma rob'ru. Tahawa, te ta norĩ zô si mo, we te te simroi mono da.
Wa hã ãne, te aima 're i'manharĩ za'ra wa'aba mono da hã, ãté aré sada ĩnhib'uware di. Ta norĩ si hã tinhimirosa'rata na sina 're siptete za'ra mono di, ãne te te aima 're irob'manharĩ wasété za'ra wa'aba mono zéb da hã. E ãne da hã, 're ĩhâimana mono bâ, wa hã bété. Mare di. Ta norĩ hã marĩ wasu'u wẽ na, dama 're isiwasu'u za'ra mono zém na hã te te siwi ãma ĩwabzu za'ra õ di, Wanhib'apito wasu'uwẽ na te dama 're iromhuri wẽ mono zém na hã. Tane nherẽ, wa hã ãne na aima ĩsiwasu'u za'ra wa'aba 'wa'âhã, ãté tô ĩnhimiza'rese'õ ne, wa aré aima 're ĩhâimana za'ra wa'wa.
Asiré isazei'wa 'madâ'â'wa norĩ nhimiroti hã te za 're iwapari pese za'ra wa'aba mo. Te te aima 're iroti za'ra wa'aba mono zéb zarina, te za marĩ hã 're i'manharĩ za'ra wa'aba mo. Ta norĩ hã niwapsi te za 'Re ihâimana u'âsi mono ma siwasu'u za'ra, te te ai'ãma 're iromhuri za'ra wa'aba mono zém na hã. Tahawa, te ta norĩ hã ai'ãma 're hâtâ'â u'âsi za'ra wa'wa, te te 're i'ai'madâ'â za'ra wa'aba mono zém na hã, Cristuhu zazei'wa 're ihâimana za'ra mono zém na si 're anomro aba mono da. Ta norĩ nhimiroti hã 're wapari pese za'ra wa'aba mono wamhã, to sina te za tô ta norĩ hã te te ai'ãma 're romhuri za'ra wa'wa. Tane nherẽ, 're wapari za'ra wa'aba mono õ wamhã, robzei ãna te za te te 're romhuri za'ra. Ãne wamhã, te te 're aipawapto waihu'u za'ra wa'aba mono õ di za, ta norĩ hã.
Duré wasiré isazei'wa norĩ ãma te za 're aipo're pu'u u'âsi za'ra wa'aba mo, dazazéb 're, 're isimasa mono norĩ ãma hã, ta norĩ hã asiwi 're pawaptob za'ra wa'aba mono da. Dazazéb 're, ta norĩ siré 're aimasa wa'aba mono ne, te za ãma 're aipo're pu'u u'âsi za'ra wa'aba mo. Duré marĩ na te te 're irobzépata za'ra mono norĩ ãma zama, te za duré 're aipo're pu'u u'âsi za'ra wa'aba mo, ta norĩ siré duré 're irobzépata za'ra wa'aba mono ne.
ကြော်ငြာတွေ