Mateu 18:28 - ꞌRe Ihâimana Uꞌâsi Mono Zadawa Wasuꞌu

²⁸ Tawamhã ta hã aibâ te oto mo. Morĩ wamhã, ma tô tisiré romhuri'wa hã sõpẽtẽ. Taha wi, ma tô duréihã rob'uiprazé misi bâtâ na dapawa'âbâzé hã waptẽ suru na, apito hawi imorĩ wi. Tawamhã isõwa're're te te tãma sõmri õ wa, ma tô ti'â, ibutu na awa'awi. Ibutu na te te tété sina, ma tô tiwi waptẽ, ãne: “Ma'ãpé ãhã na ĩma sõmri, zahadu ĩma iwa'âbâ õ hã.” Ãne te tiwi waptẽ.

Mateu 18:28 ပူးပေါင်းရင်းမြစ်များ

Neemia 10:31

Wasiré a'uwẽ'õ norĩ, sabadu na duré siwa'ru nimahã bâdâ iwazéb zahi na, amnho trigu hã duré siwa'ru marĩ te te 're wede za'ra mono da, we te te 're i'wasari mono hã, wa te tiwi 're i'uipra za'ra mono da hã mare di za. Duré 7 wahu iwa 're tobro mono sidâpâsi, wanhib'rata na wa te 're robzuri za'ra mono õ di za. Wa za duré taré marĩ, wa te wasiwi 're iwaibui mono zé hã wa te wasima 're sisisi za'ra.

Neemia 5:7

Tahawa, wa tô marĩ te i'manharĩ da hã ĩsima rowairébé. Tawamhã dama ipire norĩ ma, duré dama roti'wa norĩ ma, wa ĩmreme na hã tãma pri'i za'ra ãne: — Asisãnawã norĩ wa'aba wi, ma tô rob'uiprazé ropisutu na te te aiwi 're iwaibui wa'aba mono zém na ãma tiwi 're isisiwi za'ra wa'aba mo, isipai u te te aima 're wa'âbâ za'ra wa'aba mono da hã! Tawamhã ãne na te rosa'rata pari, wa tô uburé ĩsima da'ubumro, marĩ ipire na niha na, wa te wasima rowairébé za'ra da.

Provébiu 28:3

Isimarĩ'õ, nimahãna pire da, da te pisutu wamhã, tisiré isimarĩ õ norĩ ma, te te 're irob'manharĩ wasété za'ra mono zé hã aiwa tãi wa'u rob're te te dawi 're iwamnarĩ za'ra mono ne hã te 're hâimana.

Mateu 18:27

— Tawamhã isib'apito hã ma tô ãma aiwamri, imreme na. Tahawa, ma tô tãma sisisi apâ, õne haré nomro da, te te tãma sõmri tõ da. Tahawa, te õne haré duré satõ oto, apâ morĩ da hã.

Mateu 18:29

— Tawamhã isiré romhuri'wa ma tô hi'rãtitõ nhamra ipapara, te te tiwi rowaptẽrẽ da, ãne: “Ma'ãpé, a'â ĩzapari ze na suru na. Wa za tô aima tisõ uburé, isõwa're'remhã.”

Mateu 20:2

Tawamhã te te anhopẽtẽ wamhã, ma tô tãma pisutu za'ra, misi bâtâ na dapawa'âbâzéb uwaibaba te te ãma pawa'âbâ za'ra mono da. Taha wamhã, ma tô ãma saze za'ra, tãma iromhuri za'ra 'wa da hã. Tawamhã ma tô tãma rob'ru za'ra, misi bâtâ na te te romhuri za'ra da, rob're na, uwa 'ru na hã.

Marcu 14:5

Te te dama wede 'wa'âhã, aré iwa'â hã isa'ẽtẽ uptabi 300 na te aré tihâiba, rob'uiprazé isapotore hã, isibrob'õ norĩ ma, te te sõmri mono da. Pi'õi ãma, ma tô duré ãhã wamhã wasété za'ra.

Marcu 6:37

Tawamhã Zezusi, ma tô asa ãma tãma wa'rãmi za'ra, ãne: — Mare di. A norĩ wa'wa hã te za dama i'a za'ra wa'wa, dasaihuri da hã. Tawamhã asa ma duré ãma tãma wa'rãmi za'ra, ãne Zezusihi ma: — E niha wa za dasa hã dama uipra za'ra ni, da'ahâ uptabi nherẽ. Rob'uiprazé hã ahâ uptabi na, wama hâimana za'ra 'wa'âhã, 200 na wa aré dasa hã dama uipra za'ra ni, i'u'ẽtẽ wapu hã.

Luca 10:35

Tawamhã awẽmhã, rob'uiprazé hã ma tô 'ri tede'wai ma tisõ, maparane isapotore hã, ẽtẽ waipo prã prata 'manharĩ hã. Te tãma tinha, ãne: “Ĩzô 'madâ'â pese. Apâ we ĩmorĩ wapsi, wa za aima wa'âbâ 'rãsutu, iwab õ wamhã, rob'uiprazé hã.” Ãne ma tô 'ri tede'wai ma tinha, samaritanu hã. Ãne samaritanu wasu'u hã.

Luca 7:41

Tahawa, te Zezusi hã tãma rowasu'u oto, ãne: — Aibâ norĩ hã ma tô rob'uiprazéb õ wa, taré a'â dawi 'maiwaptẽrẽ zahuré. Imorĩ'rada hã 500 na ma tô dawi waptẽ. Duré ihâiba amo hã, 50 na ma tô dawi waptẽ. Niwapsi te za isõwa're're tãma sõmri zahuré, aibâ ma.

Zuwã 6:7

Tahawa, te Filipi hã asa tãma tinha, ãne: — Da'ahâ uptabi wa, wa aré taré dasazém na rob'uiprazé sa'ẽtẽ uptabi nherẽ, uprosi za'ra ni, 200 na ihâiba nherẽ. Tane nherẽ, te aré da'ãma ai'utõ duré, i'u'ẽtẽ wapu hã. Suru na dasa hã aiwapsi da te huri da nherẽ, aré duré aihĩni dasa hã da te huri waihu'u õ di.