Mateu 18:26 - ꞌRe Ihâimana Uꞌâsi Mono Zadawa Wasuꞌu

²⁶ Tawamhã õ hã tô tãma rob'madâ'â'wa hã aré, ma tô hi'rãtitõ tãma aime ipapara, tinhib'apito ma. Tawamhã te tiwi waptẽ, ãne: “Apito, a'â asimi'ẽ na ĩzapari ze na. Zahadu wa za wa hã uburé aima wa'â.” Ãne ma tô tãma siwaihu'u, aibâ hã.

Mateu 18:26 ပူးပေါင်းရင်းမြစ်များ

Mateu 18:29

— Tawamhã isiré romhuri'wa ma tô hi'rãtitõ nhamra ipapara, te te tiwi rowaptẽrẽ da, ãne: “Ma'ãpé, a'â ĩzapari ze na suru na. Wa za tô aima tisõ uburé, isõwa're'remhã.”

Mateu 2:11

Tawamhã 'ri para u ma tô asisi. Sisisi wamhã, ma tô sabu za'ra 'watébrémi hã, ina iré sãmra ré tipa, Maria hã. Tawamhã hi'rãtitõ ma tô asimro, ãma wata za'ra da. Taha pari, ma tô 'ridawa za'ra, tinhimiro'wapézé te te i'wasari zô, te te ãma sawi za'ra da. Tawamhã taha na ma tô ãma sawi za'ra, tinhoprub za'ra zém na; ẽtẽ waipo pré oru hã, duré wedewati isadaze hã, duré wedewati isadaze si'u'ẽne hã. Taha na ma tô tãma tinhoprub za'ra.

Mateu 8:2

Taha wamhã, aibâ i'wa're ré hã ma tô itẽme wi. Itẽme wisi wamhã, ma tô hi'rãtitõ, ipaparamhã nhamra. Ãhã wamhã, te ãne tãma tinha: — Apito, ĩma aiwaihu'u pese di, asimipese waihu'u pese na hã. Tahawa, asima ĩwẽ wamhã, te za ĩpe.

Luca 7:43

Tawamhã Sima te asa tãma tinha, ãne: — Ãté 500 na te te tãma isõmri hã te za sawi pese. Tawamhã Zezusi te duré asa tãma tinha: — Tane tô. I'uwaibaba ma tô ĩma iwaihu.

Roma 10:3

'Re ihâimana u'âsi mono, dawasédé te te oto da'ãma 're i'ab'madâ'â mono õ zarina, te te 're ida'awẽsãmri mono zé hã, tãma waihu'u pese za'ra õ di. Te te 're ida'awẽsãmri mono zéb da, 'Re ihâimana u'âsi mono te te tãma 're ipisutu za'ra mono zé hã, te te 're 'madâ'â pese za'ra mono õ di, ta norĩ hã. Si'uihâ na te te sima 're ipisutu za'ra mono zéb zarina si, ma tô 'râwi sô 're si'wapé za'ra, taha na te te 're wẽsãmri za'ra mono da newa.