Mateu 18:22 - ꞌRe Ihâimana Uꞌâsi Mono Zadawa Wasuꞌu

²² Tawamhã Zezusi te asa tãma tinha: — Mare di. 7 ãma asina 'madâ'â zazâri õ di za. Ãté 77 ãma si te za asina i'madâ'â zazâ za, iwasédé hã asina i'madâ'â'õzé hã.

Mateu 18:22 ပူးပေါင်းရင်းမြစ်များ

Zenezi 4:24

Caĩ, da te iwĩrĩzé 7 na dahâiba na da te ãma dasiwi 'ruiwa'âbâ da wamhã, duré ni'wa te te ĩwĩrĩ da wamhã, te za 77 na dahâiba na idadâ'â za'ra na ãma isahu na hã ãma dasiwi ĩ'ruiwa'âbâ ni.”

Mateu 18:23

Ãne, wa za oto aima ãma romnhimiré'é za'ra wa'wa, 'Re ihâimana u'âsi mono, da'ãma 're isib'a'uwẽ mono zém na hã. Tawamhã ti'ai ãma danhib'apito hã ma tô rosa'rata, tite rob'uiprazé te te sa'rata da, isapari tãma rob'madâ'â'wa norĩ hã rob'uiprazé te te tiwi 're iwaptẽrẽ za'ra mono hã wahuré isõwa're're te te tãma 're sõmri za'ra mono zô.

Marcu 11:25

'Re ihâimana u'âsi mono ma, 're aimreme zusi aba mono da wamhã, te za a'â aiwi 're da'ru simani za'ra wa'wa. Dawasédé hã da'ãma 're 'madâ'â za'ra wa'aba mono õ di za oto. Tawamhã Aimama 'wa hã hâiwa ãma 're isãmra mono hã te te duré ai'ãma 're 'madâ'â za'ra wa'aba mono õ di za oto, aiwasété 'wa hã.

Roma 12:21

Ãhã wasu'u na, wa za oto ĩnhimirowasu'u na hã aima 'rãsutu za'ra wa'wa. 'Râwi dasi'uihâ na 're idasi'ruiwa'âbâ za'ra mono zém na hã da'ãma 're sasõmri za'ra wa'aba mono õ di za. Marĩ iwẽ si te za dama 're i'manharĩ wẽ u'âsi za'ra wa'aba mo, taha na dahâimana wasédé hã dawi 're uprosi za'ra wa'aba mono da, duré taha zarina, tô sena oto ai'ãma 're dasiwadi za'ra wa'aba mono da.

Éfézu 4:26

Nimahã na 're asiti'ru za'ra wa'aba mono wamhã, 're aiwasété za'ra wa'aba mono õ di za, aiwasédé hã 're 'manharĩ za'ra wa'aba mono tõ da. Duré asiti'rui ré bâdâ hã wahuré ai'ãma 're si'utõrĩ za'ra wa'aba mono tõ da, te za asiwi 're iwẽ'õ za'ra wa'aba mo, Wa'uburé nhimiwada'uri zarina aiwasédé hã 're 'manharĩ za'ra wa'aba mono tõ da dama.

Éfézu 4:31

Tahawa, te za oto 're irẽme pese za'ra wa'aba mo, aipẽ'ẽ na 're ida'ruiwapari za'ra wa'aba mono zé hã. Asiti'ru na 're i'aihâimana za'ra wa'aba mono zéb zama te za 're irẽme pese za'ra wa'aba mo, asahi duré 're i'aihâimana za'ra wa'aba mono zéb zama. Aimreme 'rãihâ sina, duré dama 're nharĩ za'ra wa'aba mono õ di za. Da'ãma zama duré 're wasété za'ra wa'aba mono õ di za. Duré dama 're rob'manharĩ wasété za'ra wa'aba mono õ di za oto.

Colosu 3:13

Ni'wam norĩ hã asiré nherẽ, marĩ na te te aiwi 're ro'wa'ré za'ra wa'aba mono nherẽ, ãma 're aiwa'a za'ra wa'aba mono õ di za, ta norĩ ãma hã. Duré marĩ na te te aiwi 're ro'wa'ré za'ra wa'aba mono nherẽ, ãma 're 'madâ'â u'âsi za'ra wa'aba mono õ di za. Wanhib'apito hã aiwasédé te te oto ai'ãma 're i'ab'madâ'â aba mono õ ne, ãma 're 'madâ'â za'ra wa'aba mono õ di za, ta norĩ ãma hã.

1 Timotiu 2:8

Wa za oto aima waihu'u, te ĩsima 're ida'awẽ mono zém na hã. Aibâ norĩ hã nimame 're ihâimana za'ra mono zé mono bâ te za 're mreme zusi, 'Re ihâimana u'âsi mono ma. Ta norĩ hã dama 're hâimana wẽ za'ra mono wamhã, te za tãma 're mreme zusi, tãma 're simiwẽ za'ra mono sina, hâiwa u, te te 're da'ruiwapari za'ra mono ãna, duré tizadawa na 're isi'wapé za'ra mono ãna.