Mateu 17:4 - ꞌRe Ihâimana Uꞌâsi Mono Zadawa Wasuꞌu

⁴ Tahawa Pedru te Zezusihi ma tinha, ãne: — Wanhib'apito, ãme wama rowẽ za'ra di. Aima wẽ wamhã, si'ubdatõ uridi hã wa za aima sõré wa'wa, aima hã, duré Mozésihi ma hã, duré Eliasihi ma hã.

Mateu 17:4 ပူးပေါင်းရင်းမြစ်များ

Salmu 16:11

A hã te 're idanomro mono zép té na bâdâdi hã ĩma 're iwasu'u mo. Duré ĩsiré 're i'aihâimana mono zé hã te rowẽ hã te te ĩma 're sa'ẽtẽ. Te duré õne u'â ĩma 're irowẽ mono zé hã te te ĩma 're sani.

Salmu 4:6

Da'ahâ uptabi na te ãne 're damreme zusi: “E 'wa hã te za iwẽ hã te te wama 're anhomri. Tahawa, Uburé Danhib'apito, ma'ãpé iwẽ hã wa'ãma 're a'madâ'â mono.”

Mateu 17:3

Tawamhã Pedru norĩ hã ma tô siwi 'madâ, Mozési norĩ hã Eliasihi me, Zezusihi me, te te sima irobzanhamri za'ra hã.

Luca 9:33

Aibâ norĩ hã oto apâ tiwi neb zahuré da wa, te Pedru hã Zezusihi ma tinha, ãne: — Rowahutu'wa, ãme wama rowẽ za'ra di. Si'ubdatõ, wa za aima 'ri za'ra wa'aba ni, aihâiba bâ wa'aba, ate da hã, duré Mozésihi te da hã, duré Eliasihi te da hã. — Ãne te tãma tinha, te te rosa'rata ãna, Pedru hã.

Zuwã 17:24

— Ti'ai õ ré te 're ĩzawi pese mo, marĩ õ uptabi ré. 'Re ĩzawi pese mono wa, ma tô ĩma ipisu, ĩ'ãma 're dawata u'âsi za'ra mono da, duré ĩhâiba na rowa'a za'ẽtẽ ré, 're ĩhâimana u'âsi mono da. Ĩmama, ãne na hã te te 're ĩ'madâ'â za'ra mono da hã, wa tô ĩsima wẽ za'ra, za 're ĩhâimana mono zéb ãma, ĩ'rata 're si'ubumroi u'âsi mono da, ĩma ipisutu za'ra norĩ hã.

Zuwã 7:2

Ãhã wamhã, romhuture di oto bâdâ hã dasi'rã'õtõzéb u da hã, ãma idasipo're pu'u za'ra zéb da hã, 'Re ihâimana u'âsi mono te te idanhimroi wẽ mono zém na a'ubuni wi, darop téb u hã.

Filipu 1:23

Ĩnhimirosa'rada hã maparane te 're si'wapé zahuré, ĩpẽ'ẽ 'remhã. Ti'ai ãma 're ĩmorĩzé hã te rẽme da hã, wa ĩsima te 're wẽ tô, Cristuhu siré 're ĩhâimana mono da oto, hâiwa ãma. Ãne wamhã, ĩma 're rowẽ uptabi mono di aré, ti'ai ãma 're ĩhâimana mono zém nhipai u hã.

1 Zuwã 3:2

Ĩsisãnawã norĩ, ĩma asawi pese za'ra wa'aba norĩ hã, 'Re ihâimana u'âsi mono 'ra, wa oto 're wahâimana za'ra. Tane nherẽ, za 're iwahâimana za'ra mono zéb da hã, zahadu wama waihu'u prã za'ra di. Cristu hã apâ wei wazô morĩ wamhã, isine wa za oto 're wahâimana za'ra. Ãhã si wama waihu'u pese za'ra di. E marĩ wa, wa za isine 're wahâimana za'ra. Tô sena Cristu hã 're ihâimana mono zém na 'râwi wa te oto wasiwi 're waihu'u za'ra mono wa, wa za oto tô isine 're wahâimana za'ra.

Apocalipsi 21:23

Duré 'ri nho'õmo na hã bâdâ te te 're rob'uiwẽ mono õ di za oto, duré a'amo zama hã. 'Re ihâimana u'âsi mono nhimirowa'a si te za oto te te 're rowa'a, Pone'ẽrebâ nhimirowa'a zama.